Published on MAPNews (https://www.mapnews.ma/am)

Accueil > ⴰⵎⵙⴰⵙⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⵅⴼ ⵓⵖⴰⵡⴰⵙ ⵏ ⵜⵏⴱⴰⴹⵜ

ⴰⵎⵙⴰⵙⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⵅⴼ ⵓⵖⴰⵡⴰⵙ ⵏ ⵜⵏⴱⴰⴹⵜ

13 ⴽⵟⵓⴱⵕ 2021 Version Imprimable
ⵕⵕⴱⴰⵟ - ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⵓⵔⴰ  ⴰⵙⵙ ⵏ ⵓⴽⵕⴰⵙ ⴳ ⵢⴰⵜ ⵜⵖⵉⵎⵉⵜ ⵜⴰⵎⴰⵜⴰⵢⵜ  ⵙ ⵜⵓⴳⵜ ⵅⴼ ⵓⵖⴰⵡⴰⵙ ⵏ ⵜⵏⴱⴰⴹⵜ ⵍⵍⵉ ⵉⵎⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⵏⵉⴷ ⵏ ⵉⵙⵇⵇⵉⵎⵏ ⵏ ⵢⴱⵕⵍⴰⵎⴰⵏ ⴳ ⵓⵙⴰⵜⵉ ⵏ ⵍⴼⴰⵚⵍ ⵡⵉⵙⵙ 88 ⵏ ⵓⴷⵓⵙⵜⵓⵕ.

ⵎⵙⴰⵙⴰⵏ ⵅⴼ   ⵓⵖⴰⵡⴰⵙ ⵏ ⵜⵏⴱⴰⴹⵜ 213 ⵏ ⵉⵎⵓⵔⴰ ⵎⵏⵉⴷ 64 ⵏ ⵜⵓⵣⵍⵜ ⵖⵎⴽⵍⵍⵉ ⵉⵎⵜⴰⵏⵄ ⵢⴰⵏ ⵓⵎⴰⵔⴰ ⵅⴼ ⵓⵙⵜⴰⵢ.

ⵙ ⵜⵢⴰⴼⵓⵜ ⴰⴷ ⵉⴼⴽⴰ ⵓⵙⵇⵇⵉⵎ  ⵏⵉ ⵎⵓⵔⴰ ⵜⴰⵖⵍⵉⴼⵜ ⵏⵏⵙ ⵉ ⵜⵏⴱⴰⴹⵜ ⵜⴰⵎⴰⵢⵏⵓⵜ 

  ⴷⴼⴼⵉⵔ ⵏ ⵜⵢⴰⴼⵓⵜ ⴰⴷ ⵉⵥⵍⵉⵏ ⵙ ⵓⵎⵙⴰⵙⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⵅⴼ ⵓⵖⴰⵡⴰⵙ ⵏ ⵜⵏⴱⴰⴹⵜ  ⵜⴽⵎⵍ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵜⵉⵎⵙⵓⵜⴰⵍ ⵜⵉⴷⵓⵙⵜⵓⵔⵉⵏ ⴰⴼⴰⴷ ⴰⴷ ⵜⵙⴽⵔ ⵜⴰⵡⵓⵔⵉ ⵏⵏⵙ ⵜⴳ ⵜⴰⵎⵙⵙⵓⴼⵔⵜ ⵎⵏⵉⴷ ⵏ ⵓⴱⵕⵍⵎⴰⵏ.

ⵉⴽⴽⴰⵜⵏ  ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ,  ⵉⵎⵍⴰ ⴰⵙⵙ ⵏ ⵓⵢⵏⴰⵙ  ⵉⵣⵔⵉⵏ ⴳ ⵢⴰⵜ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵉⵛⵛⴰⵔⵏ ⵍⵍⵉ ⵢⵙⵎⴰⵏⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵖⵉⴽ ⵍⵍⵉ ⵏⵏⴰⵏ ⵍⴰⵃⴽⴰⵎ ⵏ ⵓⵎⴰⵔⵉ ⵡⵉⵙⵙ 88 ⵙⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵉⵣⵔⵉⴳⵏ ⵉⵎⵇⵕⴰⵏⵏ ⵏ ⵓⵖⴰⵡⴰⵙ ⵓⵏⴱⵉⴹ.

ⵉⵏⵏⴰ ⵎⴰⵙⵙ ⴰⵅⵏⵏⵓⵛ ⴳ ⵓⵙⴼⵙⵔ ⵏⵏⵙ ⴳ ⵜⵖⵉⵎⵉⵜ ⵍⵍⵉ ⵙⵙⵉⵅⴼⵏ ⵉⵏⵙⵙⵉⵅⴼ ⵏ ⵙⵉⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵙ ⵓⵏⵎⵍⴰ ⵏ ⵓⵙⴰⵜⴰⵢ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵏⵄⵎⴰ ⵎⵢⴰⵔⴰ, ⵉⵙⴳⵓⵎⵏ ⵉⴷⴷⵓⵔⵏ ⵏ ⵓⵖⴰⵡⴰⵙ ⵓⵏⴱⵉⴹ ⵉⵣⴷⵉⵏ, ⵙⵍⴰⵡⴰⵏ ⴰⴽⴽⵯ ⴰⵙⵓⴼⴼⵖ ⵙ ⵉⵎⵓⵔⵙ ⵙⴳ ⵜⵙⵙⴰⵙⵜ ⵉⵣⴷⵉⵏ ⵏ ⵓⵙⴼⵙⵔ ⵏ ⵓⴼⵉⵔⵓⵙ (ⴽⵓⴼⵉⴷ19) ⴷ ⵓⴼⴰⵔⴳ ⵏ ⵓⵙⵜⴰⵢ ⴰⴷⵉⵎⵓⵇⵕⴰⵟⵉ ⴷ ⵓⵙⴷⵓⵙ ⵏ ⵉⵎⴰⴽⵏ ⵏⵏⵙ ⴷ ⵓⵍⵜⵖ ⵏ ⵓⵣⵣⵉⴳⵔ ⵏ ⵜⵓⵎⵢⵜⵉⵏ ⵏ ⵡⴰⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ.

ⵉⵙⴰⵡⵍ ⵎⴰⵙⵙ ⴰⵅⵏⵏⵓⵛ ⵅⴼ ⵉⴱⵉⴷⴷⵏ ⵉⵙⵡⴰⵍⵏ ⵉⴷⵍⵙⴰⵏⵉⵏ ⵏ ⵓⵖⴰⵡⴰⵙ ⵓⵏⴱⵉⴹ ⵓⵍⴰ ⵉⵍⵜⵖⵏ 10 ⵏ ⵜⵏⴱⴰⴹⵜ ⴳ ⵓⵣⵎⵣ 2021-2026 ⵉⵙⴰⵡⵍ ⵙⵉⵍ ⵅⴼ ⵉⵣⵡⵓⵔⴰ ⵏ ⵜⵏⴱⴰⴹⵜ ⵉⵣⴷⵉⴷⵏ ⵙ ⵓⵏⵏⴰⵍ ⵏ ⵉⴱⵉⴷⴷⵏ ⵏ ⵓⵡⴰⵏⴽ ⴰⵏⴰⵎⵓⵏ ⴷ ⵓⵎⵓⵙⵙⵓ ⵏ ⵜⴷⵍⵙⴰ ⵜⴰⵏⴰⵎⵓⵔⵜ ⵏ ⵓⵙⴱⵖⵓⵔ ⵏ ⵜⵡⵓⵔⵉ ⴷ ⵓⵙⵔⵙ ⵏ ⵜⵉⵏⵏⵓⴱⴹⴰ ⵉⵀⵢⵢⴰⵏ ⴳ ⵓⵙⵡⵓⴷⴷⵓ ⴰⴳⴷⵓⴷⴰⵏ ⵓⵍⴰ ⵓⵙⵔⵙ ⵏ ⵉⵎⵢⴰⵙⵙⴰⵏ ⵉⵖⵓⴷⴰⵏ ⴳⵔ ⵙⵉⵏ ⵉⵍⵍⵓⵍⵏ ⵓⵎⵙⴽⴰⵔ ⴷ ⵓⵣⵔⵉⴼ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B5%99-%E2%B5%9C%E2%B5%93%E2%B4%B3%E2%B5%9C-%E2%B5%85%E2%B4%BC-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C