ⵜⵣⵎⵎⴻⵎ ⵜⵏⴰⴹⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵜⴰⵎⵙⵙⵓⴳⵔⵜ ⵏ ⵜⵙⵔⴷⴰⵙⵜ ⵜⴰⴷⵣⴰⵢⵔⵉⵜ ⵅⴼ ⵜⵎⵜⵜⴰⵏⵜ ⵏ ⵙⵉⵏ ⵉⵚⵃⵕⴰⵡⵉⵢⵏ ⴳ ⵍⵎⵓⵅⵢⴰⵎⵎⴰⵜ ⵏ ⵜⵉⵏⴷⵓⴼ

13 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵣⵎⵎⴻⵎ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ, ⴰⵏⵟⵓⵏⵢⵓ ⴳⵓⵜⵉⵔⵉⵛ, ⴳ ⵜⵏⴰⴹⵜ ⵏⵏⵙ ⵉ ⵡⵙⵇⵇⵉⵎ ⵏ ⵜⵏⴼⵔⵓⵜ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ, ⵜⵙⵔⴷⴰⵙⵜ ⵜⴰⴷⵣⴰⵢⵔⵉⵜ ⵅⴼ ⵜⵎⵜⵜⴰⵏⵜ ⵏ ⵙⵉⵏ ⵉⵚⵃⵕⴰⵡⵉⵢⵏ ⴳ ⵍⵎⵓⵅⵢⴰⵎⵎⴰⵜ ⵏ ⵜⵉⵏⴷⵓⴼ.

ⵉⵙⵓⵍ ⵉⵏⵏⴰ ⵎⴰⵙⵙ ⴳⵓⵜⵉⵔⵉⵛ ⴳ ⵜⵏⴰⴹⵜ ⵏⵏⵙ ⵉⵜⵜⵓⵙⵎⴳⵍⵏ ⵙ ⵓⵣⵎⵣ ⴳ ⵓⵙⴰⵜⵉ ⵏ ⵉⵎⴰⴽⵏ ⵉⵥⵍⵉⵏ ⵙ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙⵙⵍⴽⵎⵏ ⵜⴰⴱⵔⴰⵜ ⵉⵙⴰⵡⵍⵏ ⵅⴼ ⵜⵏⵇⵇⵉ ⴱⵕⵕⴰ ⵏ ⵓⵙⴰⵜⵉ ⵏ ⵓⵣⵔⴼ ⵏ ⵙⵉⵏ ⵉⵚⵃⵕⴰⵡⵉⵢⵏ ⴳ ⵍⵎⵓⵅⵢⴰⵎⵎⴰⵜ ⵏ ⵜⵉⵏⴷⵓⴼ ⵙⴳ ⵜⴳⴳⴰⵍⵉⵏ ⵏ ⵜⵏⴼⵔⵓⵜ ⵜⵉⴷⵣⴰⵢⵔⵉⵏ ⴳ ⵓⵏⵙⴰ ⴰⵣⴰⵖⵓⵣ ⴳ ⵓⴽⵎⵓⵔ "ⵎⵓⵅⴰⵢⵢⴰⵎ ⴷⴷⴰⵅⵍⴰ" ⴳ ⵜⵉⵏⴷⵓⴼ ⴳ ⴽⵜⵓⴱⵕ 2020.

ⴳ ⵓⵙⴰⵜⵉ ⴷⵖ, ⵉⵙⴰⵡⵍ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵏ ⵜⴱⵔⴰⵜ ⵉⵍⴽⵎⵏ ⵉ ⵢⵎⵣⵔⵓⵢⵏ ⵜⵎⵜⵜⴰⵡⵉⵏ ⴳ ⵓⵙⴰⵜⵉ ⵏ ⵓⵙⴽⴽⵉⵏ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵛⴽⴰⵎ ⵉⵥⵍⵉⵏ ⵙ ⵉⵙⵎⴳⵍⵏ ⵏ ⵉⵣⵔⴼⴰⵏ ⵏ ⵉⵎⵣⵣⵉⵏ, ⴷ ⵜⵛⴽⴰⵎⵜ ⵉⵥⵍⵉⵏ ⵙ ⵉⵎⴷⵢⴰⵡⵏ ⵏ ⵜⵏⵇⵇⵉ ⵉⵜⵜⵓⵙⴽⴰⵔⵏ ⴱⵕⵕⴰ ⵏ ⵓⵙⴰⵜⵉ ⵏ ⵓⵣⵔⴼ, ⴷ ⵜⵛⴽⴰⵎⵜ ⵉⵥⵍⵉⵏ ⵉⵙⵎⴳⵍⵏ ⵙ ⵜⵜⵄⴷⵉⴱ ⴷ ⵜⵎⵔⵔⵓⵏ ⵉⵛⵇⵇⴰⵏ ⵢⴰⴹⵏⵉⵏ ⵏⵖⴷ ⵅⵜⵉⵏⵏ ⵓⵔ ⵉⵏⴼⴳⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%A3%E2%B5%8E%E2%B5%8E%E2%B4%BB%E2%B5%8E-%E2%B5%9C%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%93%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%93%E2%B4%B3%E2%B5%94%E2%B5%9C-%E2%B5%8F-%E2%B5%9C%E2%B5%99%E2%B5%94%E2%B4%B7%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B7%E2%B5%A3%E2%B4%B0%E2%B5%A2%E2%B5%94%E2%B5%89%E2%B5%9C-%E2%B5%85%E2%B4%BC