Published on MAPNews (https://www.mapnews.ma/am)

Accueil >  ⵉⵎⵍⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵉⵣⵔⵉⴳⵏ ⵉⵎⵇⵕⴰⵏⵏ ⵏ ⵓⵖⴰⵡⴰⵙ ⵓⵏⴱⵉⴹ ⴷⴰⵜ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ 

 ⵉⵎⵍⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵉⵣⵔⵉⴳⵏ ⵉⵎⵇⵕⴰⵏⵏ ⵏ ⵓⵖⴰⵡⴰⵙ ⵓⵏⴱⵉⴹ ⴷⴰⵜ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ 

12 ⴽⵟⵓⴱⵕ 2021 Version Imprimable
ⵕⵕⴱⴰⵟ - ⵉⵎⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⵢⵏⴰⵙ ⴳ ⵢⴰⵜ ⵜⵉⵖⵉⵎⵉⵜ ⵜⴰⴳⴷⵓⴷⴰⵏⵜ ⵉⵛⵛⴰⵔⵏ ⵍⵍⵉ ⵢⵎⴰⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵖⵉⴽ ⵏⵏⴰⵏ ⴰⵃⴽⴰⵎ ⵏ ⵡⴰⵎⵔⵉ ⵡⵉⵙⵙ 88 ⵙⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉⵣⵔⵉⴳⵏ ⵉⵎⵇⵕⴰⵏⵏ ⵏ ⵓⵖⴰⵡⴰⵙ ⵓⵏⴱⵉⴹ .

ⵉⵏⵏⴰ ⵎⴰⵙⵙ ⴰⵅⵏⵏⵓⵛ ⴳ ⵓⵙⴼⵙⵔ ⵏⵏⵙ ⴳ ⵜⵖⵉⵎⵉⵜ ⵍⵍⵉ ⵢⵙⵙⵉⵅⴼ ⵓⵏⵙⵙⵉⵅⴼ ⵏ ⵙⵉⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵙ ⵓⵏⵎⵍⴰ ⵏ ⵓⵙⴰⵜⴰⵢ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵏⵄⵎ ⵎⵢⴰⵔⴰ ⵉⵙⴳⵓⵎⵏ ⵉⴷⴷⵓⵔⵏ ⵏ ⵓⵖⴰⵡⴰⵙ ⵓⵏⴱⵉⴹ ⵉⵣⴷⵉⵏ ⵙⵍⴰⵡⵏ ⴰⴽⴽⵯ ⵏ ⵓⴼⴼⵓⵖ ⵙ ⵉⵎⵓⵔⵙ ⵙⴳ ⵜⵙⵙⴰⵙⵜ ⵉⵣⴷⵉⵏ ⵏ ⵓⵙⴼⵙⵔ ⵏ ⵓⴼⵉⵔⵓⵙ (ⴽⵓⴼⵉⴷ19) ⴷ ⵓⴼⴰⵔⴳ ⵏ ⵓⵙⵜⴰⵢ ⴰⴷⵉⵎⵓⵇⵕⴰⵟⵉ ⴷ ⵓⵙⴷⵓⵙ ⵏ ⵉⵎⴰⴽⵏ ⵏⵏⵙ ⴷ ⵓⵍⵜⵖ ⵏ ⵓⵣⵣⵉⴳⵔ ⵏ ⵜⵓⵎⵢⵜⵉⵏ ⵏ ⵡⴰⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ.

ⵉⵙⴰⵡⵍ ⵎⴰⵙⵙ ⴰⵅⵏⵏⵓⵛ ⵅⴼ ⵉⴱⵉⴷⴷⵏ ⵉⵙⵡⴰⵍⵏ ⵉⴷⵍⵙⴰⵏⵉⵏ ⵏ ⵓⵖⴰⵡⴰⵙ ⵓⵏⴱⵉⴹ ⵓⵍⴰ ⵉⵍⵜⵖⵏ 10 ⵏ ⵜⵏⴱⴰⴹⵜ ⴳ ⵓⵣⵎⵣ 2021-2026 ⵉⵙⴰⵡⵍ ⵙⵉⵍ ⵅⴼ ⵉⵣⵡⵓⵔⴰ ⵏ ⵜⵏⴱⴰⴹⵜ ⵉⵣⴷⵉⴷⵏ ⵙ ⵓⵏⵏⴰⵍ ⵏ ⵉⴱⵉⴷⴷⵏ ⵏ ⵓⵡⴰⵏⴽ ⴰⵏⴰⵎⵓⵏ ⴷ ⵓⵎⵓⵙⵙⵓ ⵏ ⵜⴷⵍⵙⴰ ⵜⴰⵏⴰⵎⵓⵔⵜ ⵏ ⵓⵙⴱⵖⵓⵔ ⵏ ⵜⵡⵓⵔⵉ ⴷ ⵓⵙⵔⵙ ⵏ ⵜⵉⵏⵏⵓⴱⴹⴰ ⵉⵀⵢⵢⴰⵏ ⴳ ⵓⵙⵡⵓⴷⴷⵓ ⴰⴳⴷⵓⴷⴰⵏ ⵓⵍⴰ ⵓⵙⵔⵙ ⵏ ⵉⵎⵢⴰⵙⵙⴰⵏ ⵉⵖⵓⴷⴰⵏ ⴳⵔ ⵙⵉⵏ ⵉⵍⵍⵓⵍⵏ ⵓⵎⵙⴽⴰⵔ ⴷ ⵓⵣⵔⵉⴼ .

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵓⵖⴰⵡⴰⵙ ⵓⵏⴱⵉⴹ ⵉⵙⵎⵏⵉⴷ ⵉⵔⴰⵔⵏ ⵉⵏⵉⵍⴰⵡⵏ ⴷ ⵉⵔⴰⵏ ⵏ ⵓⴼⴼⵓⵖ ⵙⴳ ⵜⵙⵙⴰⵙⵜ ⴷ ⵉⵎⴰⵍ ⵙ ⵓⵔⴳⴳⵉⴳ ⴳ ⵓⵎⵎⴰⵙ ⵏ ⵉⵎⴰⴽⵏ ⵏ ⵓⵣⵣⵉⴳⵔ ⵏ ⵉⴼⵖⵖⵏ ⵏ ⵡⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⴷ ⵉⵎⴰⴽⵏ ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵉⴽⴰⴱⴰⵕⵏ ⵉⵍⵍⴰⵏ ⴳ ⵜⵓⴳⵜ ⵏ ⵜⵏⴱⴰⴹⵜ ⴰⴼⴰⴷ ⵓⵙⵎⵏⵉⴷ ⵏ ⵓⵔⴰⵔ ⴰⵎⵓⴼⴰⵡ ⵅⴼ ⵉⵣⵡⴰⵔⵏ ⵏ ⵜⵉⵏⵎⵓⵔⵉⵏ ⴷ ⵉⵏⵎⵓⵔⵉⵏ .

ⵉⵙⵓⵍ ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰⵙ ⵓⵖⴰⵡⴰⵙ ⵓⵏⴱⵉⴹ ⵢⵓⵎⵣ ⵉⵎⴰⵏ ⵏⵏⵙ ⴷ ⵜⴼⵍⵙⴰⴼⵙⵜ ⵏⵏⵙ ⵙⴳ ⵉⵙⵡⴰⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⴷ ⵜⵎⵖⵢⵉⵏ ⵏ ⵡⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⵏ ⵜⴳⵍⴷⵉⵜ ⵉⵙⵓⵍ ⵉⵏⵏⴰ ⵎⴰⵙ ⵓⵙⵏⵜⵉ ⵉⵜⵜⵢⵓⵎⴰⵣ ⵙⵓⵍ ⵏ ⵓⵔⴳⴳⵉⴳ ⵏ ⵜⴳⵍⴷⵉⵜ ⴷ ⵉⴳⵍⴰ ⵏ ⵓⵎⵣⵔⵓⵢ ⵏⵏⵙ ⴷ ⵜⵓⴷⵔⵜ ⵏ ⵜⴷⵍⵙⴰ ⴷ ⵓⵎⵢⴰⵏⴰⵡ ⵏ ⵜⵎⴰⴳⵉⵜ ⵏⵏⵙ ⴷ ⵜⵉⵥⴹⵕⴰ ⵏⵏⵙ ⴷ ⵉⵎⵍⴰ ⵏ ⵉⵎⵏⵉⴷⵏ ⵏ ⵜⴳⵎⵉ ⵜⴰⵙⴷⴼⵏⵜ ⴷ ⵜⵙⵏⵡⴰⵏⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%C2%A0%E2%B5%89%E2%B5%8E%E2%B5%8D%E2%B4%B0-%E2%B5%8E%E2%B4%B0%E2%B5%99%E2%B5%99-%E2%B5%84%E2%B4%B0%E2%B5%A3%E2%B5%89%E2%B5%A3-%E2%B4%B0%E2%B5%85%E2%B5%8F%E2%B5%8F%E2%B5%93%E2%B5%9B-%E2%B5%89%E2%B5%A3%E2%B5%94%E2%B5%89%E2%B4%B3%E2%B5%8F-%E2%B5%89%E2%B5%8E%E2%B5%87%E2%B5%95%E2%B4%B0%E2%B5%8F%E2%B5%8F-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%93%E2%B5%8F%E2%B4%B1%E2%B5%89%E2%B4%B9-%E2%B4%B7%E2%B4%B0%E2%B5%9C-%E2%B5%8F-%E2%B5%89%E2%B5%99%E2%B5%87%E2%B5%87%E2%B5%89%E2%B5%8E%E2%B5%8F-%E2%B5%8F-%E2%B5%93%E2%B4%B1%E2%B5%95%E2%B5%8D%E2%B4%B0%E2%B5%8E%E2%B4%B0%E2%B5%8F%C2%A0