ⵉⵥⵥⵓⵍⵍ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ «ⵙⴰⵍⵙⴰⴱⵉⵍ» ⴳ ⴹⴹⴰⵕⵍⴱⵉⴹⴰ

02 ⵖⵓⵛⵜ 2013 Version Imprimable

ⴹⴹⴰⵕⵍⴱⵉⴹⴰ - ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ «ⵙⴰⵍⵙⴰⴱⵉⵍ» ⴳ ⴹⴹⴰⵕⵍⴱⵉⴹⴰ.

ⵉⵏⵏⴰ ⵍⵉⵎⴰⵎ ⴳ ⵜⵉⵏⴰⵡⵜ ⵏⵏⵙ ⵉⵙ ⵉⵣⵣⵔⵉ ⵍⵎⵖⵔⵉⴱ ⴳ ⵓⵙⵙⴰⵏ ⴰⴷ ⵍⵍⵉ ⵣⵔⵉⵏⵉⵏ ⵜⴰⴼⵓⴳⵍⴰ ⵜⵉⵙⵙ 14 ⵏ ⵓⴽⵛⵛⵓⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⴷⴰⴱⵓ ⴰⵄⴰⵍⴰⵡⵉ ⴰⵅⴰⵜⴰⵔ, ⵎⵍⴰⵏ ⴷⵉⴳⵙ ⵉⵏⵎⵓⵔⵉⵢⵏ ⴰⵣⴷⴰⵢ ⴷ ⵓⵙⵓⴼⵓ ⵏⵏⵙⵏ ⵙ ⵜⴰⵡⵊⴰ ⵜⴰⵄⴰⵍⴰⵡⵉⵜ ⵜⴰⴳⵯⵔⵔⴰⵎⵜ.

ⵉⵏⵏⴰ ⵎⴰⵙ ⵉⵔⴰ ⵕⴱⴱⵉ ⵙⴱⵃⴰⵏⴰⵀⵓ ⵡⴰ ⵜⴰⵄⴰⵍⴰ ⴰⴷ ⵜⵉⵍⵉ ⵜⵎⵜⵜⵉ ⵢⴰⴷ ⵜⴰⵎⵓⵎⵏⵜ ⴳ ⵜⵎⵀⵍⴰ ⵏ ⵢⴰⵏ ⵓⴳⵍⵍⵉⴷ ⴰⵄⵔⵔⵉⵎ, ⵍⵍⵉ ⵢⵉⴽⴽⵓⵙⵏ ⵜⵉⵣⵉ ⵏ ⵍⴰⵊⴷⵓⴷ ⵏⵏⵙ, ⵢⴰⵎⵣ ⵍⵉⵎⴰⵕⴰ ⵏ ⵉⵎⵓⵎⵏⵏ ⵍⵍⵉ ⵢⴰⵙ ⵜⵙⴷⵓⴷ ⵍⴱⴰⵢⵄⴰ ⴽⵔⴰ ⵉⴳⴰⵜⵜ ⴰⵙⴳⴳⵯⴰⵙ.

ⵉⵏⵏⴰ ⵎⴰⵙ ⵉⴷⴷⵔ ⵍⵎⵖⵔⵉⴱ 14 ⵏ ⵓⵙⴳⴳⵯⴰⵙ ⵍⵍⵉ ⵖ ⵍⵍⴰⵏ ⵉⵎⴰⴷⴷⵓⵏ ⵥⵉⵍⵏⵉⵏ ⴷ ⵉⵙⵙⵓⴼⵖⵏ ⴳⴳⵓⵜⵏⵉⵏ, ⴰⴼⴰⴷ ⴰⴷ ⵜⵉⵍⵉ ⵜⴳⵎⵉ ⵏ ⵓⴼⴳⴰⵏ ⴷ ⵜⵎⵓⵔⵜ, ⵜⵉⵍⵉ ⵜⵓⵎⵔⵜ ⵏⵏⵙ ⴷ ⵓⵙⴱⵉⴷⴷ ⵏ ⵥⵥⵍⴹ. ⵜⵉⵍⵉ ⵓⵍⴰ ⵜⴳⵎⵉ ⵏ ⵜⵎⵖⴰⵔⵜ ⴰⵛⴽⵓ ⵜⴳⴰ ⴰⵎⵎⴰⵙ ⵏ ⵡⴰⵎⵓⵏ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 02 ⵖⵓⵛⵜ 2013

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D%E2%B5%8D-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%C2%AB%E2%B5%99%E2%B4%B0%E2%B5%8D%E2%B5%99%E2%B4%B0%E2%B4%B1%E2%B5%89%E2%B5%8D%C2%BB-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0#comment-0