ⵔⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵡⴱⵕⵍⴰⵎⴰⵏ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵕⵉⴼ ⴰⵎⴰⵣⵡⴰⵔⵓ ⵏ ⵓⵣⵎⵣ ⵡⵉⵙⵙ 11 (ⴰⵙⵉⵡⴹ)

07 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⴰⴷⴰⵢⵉⵏ:

"ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⴰⴷⵢⴰⵏⵉⵏ ⵎⴰⵙ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵥⵕⵉⴼ ⴰⵎⵣⵡⴰⵔⵓ ⵏ ⵓⵣⵎⵣ ⵡⵉⵙⵙ ⵎⵔⴰⵡ ⴷ ⵢⴰⵏ, ⵔⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵏⴰⵡ ⴰⵎⴰⵜⴰⵢ ⵉ ⵡⴱⵕⵍⴰⵎⴰⵏ, ⴰⵙⴽⴽⴰ ⵏ ⴰⵙⵙ ⵏ ⵓⵙⵉⵎⵡⴰⵙ 08 ⴽⵟⵓⴱⵕ 2021.

ⴷⴷⵓ ⵏ ⵉⵎⴰⴽⵏ ⵏ ⵓⵃⵟⵟⵓ ⵍⵍⵉ ⵙⵔⵙⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵎⴰⵙ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵥⵕⵉⴼ ⴰⵎⵣⵡⴰⵔⵓ ⵏ ⵓⵣⵎⵣ ⵡⵉⵙⵙ ⵎⵔⴰⵡ ⴷ ⵢⴰⵏ, ⵔⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⵉⵏⴰⵡ ⵏ ⵓⵕⵥⵥⵓⵎ ⵙⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⴷ ⵔⴰⴷ ⵉⵣⵣⵓⵣⵔ ⴳ ⵓⵙⵔⵉⴷ ⴳ ⵓⴳⵏⵙⵓ ⵏ ⵓⴱⵕⵍⴰⵎⴰⵏ, ⴷ ⵔⴰⴷ ⵉⵜⵜⵓⵣⴻⵣⵣⵔ ⵉⵏⴰⵡ ⴰⴷ ⴳ ⵜⵏⵣⵡⴰⵢⵜ ⴷ ⵜⵉⵍⵉⴼⵉⵣⵢⵓⵏ ⵙⴳ 04:00 ⴷⴼⴼⵉⵔ ⵏ ⵜⴷⴳⴳⵯⴰⵜ ⵏ ⴰⵙⵙ ⵏ ⵓⵙⵉⵎⵡⴰⵙ.

ⴳ ⵓⵙⴰⵜⵉ ⴷⵖ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵉⵙⴰⵡⴰⵍⵏ ⵢⴰⵜⵜⵓⵢⵏ ⵏⵏⵙ ⵅⴼ ⵜⵏⴼⵔⵓⵜ ⵏ ⵙⵙⵍⴰⵎⵜ ⵏ ⵉⴱⵕⵍⴰⵎⴰⵏⵉⵢⵏ, ⵙⵍⴰⵡⴰⵏ ⴰⴽⴽⵯ ⵙ ⵓⵍⵜⵖ ⵏ ⵉⵙⵡⴰⴷⴷⵓⵏ ⵏ ⵓⵃⵟⵟⵓ ⵉⵜⵜⵓⴹⴼⴰⵕⵏ".

Dernière modification : 07 ⴽⵟⵓⴱⵕ 2021

Source URL: https://www.mapnews.ma/am/activites-royales/%E2%B5%94%E2%B4%B0%E2%B4%B7-%E2%B5%89%E2%B4%BC%E2%B4%BD-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-%E2%B5%A1%E2%B4%B1%E2%B5%95%E2%B5%8D%E2%B4%B0%E2%B5%8E%E2%B4%B0%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C