ⵉⵖⵕⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴰⴷ ⵜⵜⵓⵙⴼⵓⴳⵍⴰⵏ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⴷⴷⵣⴰⵢⵔ

06 ⴽⵟⵓⴱⵕ 2021 Version Imprimable

ⵜⵎⵜⵜⴰ ⵢⵎⴰⵏⵏ - ⵉⵙⵎⴰⵢⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴰⵏⵟⵓⵏⵢⵓ ⴳⵓⵜⵉⵔⵉⵛ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⴳ ⵜⵏⴰⴹⵜ ⵏⵏⵙ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ, ⵜⴰⵖⵓⵔⵉ ⵏⵏⵙ ⴰⴼ ⵜⵜⵓⵙⴼⵓⴳⵍⴰⵏ ⵉⵎⴰⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⴷⴷⵣⴰⵢⵔ ⴷⴼⴼⵉⵔ ⵏ ⵜⵖⵜⴰⵙⵜ ⵜⴰⵎⵢⴰⵡⴰⵏⵜ ⵍⵍⵉ ⵓⵎⵥⵏⵜ ⵜⵏⴱⴰⴹⵉⵏ ⵜⵉⴷⵣⴰⵢⵔⵉⵏ ⵍⵍⵉⵖ ⴱⴱⵉⵏⵜ ⵉⵎⴰⵢⴰⵙⵙⴰⵏ ⵉⴷⵉⴱⵍⵓⵎⴰⵙⵉⵢⵏ ⴷ ⵜⴳⵍⴷⵉⵜ.

ⵉⵙⵙⴽⵯⵜⵉ ⵎⴰⵙⵙ ⴳⵓⵜⵉⵔⵉⵛ ⵎⴰⵙ "ⴳ 24 ⵖⵓⵛⵜ 2021, ⵜⵙⴳⵓⵔⴰ ⴷⴷⵣⴰⵢⵔ ⵎⴰⵙ ⵜⴱⴱⵉ ⵉⵎⵢⴰⵙⵙⴰⵏ ⵏⵏⵙ ⴷ ⵍⵎⵖⵔⵉⴱ", ⵉⵙⵓⵍ ⵉⵏⵏⴰ ⵎⴰⵙ "ⴳ ⴰⵙⵙ ⴰⵏⵏ ⵏⵏⵉⵜ, ⵜⵙⵙⵓⴼⵖ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵜⵎⵖⵔⴰⴱⵉⵜ ⵢⴰⵏ ⵓⵙⵉⵡⴹ ⵜⵎⵍⴰ ⴳⵉⵙ ⵉⵙ ⵜⵉⵡⵉ ⵍⴰⵅⴱⴰⵕ ⵏ ⵜⵖⵜⴰⵙⵜ ⵏ ⵜⵏⴱⴰⴹⵉⵏ ⵜⵉⴷⵣⴰⵢⵔⵉⵏ ⵉⴱⴱⵉⵏ ⵉⵎⵢⴰⵙⵙⴰⵏ ⵉⴷⵉⴱⵍⵓⵎⴰⵙⵉⵢⵏ ⴷ ⵍⵎⵖⵔⵉⴱ, ⴷ ⵜⵎⵍⴰ ⵉⵙ ⵓⵔ ⵜⵄⴷⵉⵍ ⵜⵖⵜⴰⵙⵜ ⴰⴷ ⵓⵔ ⵖⵓⵔⵙ ⴰⴽⴽⵯ ⵉⵍⵍⴰⵏ ⵜⵎⵏⵉⵍⵜ".

ⴳ ⵓⵙⴰⵜⵉ ⴷⵖ, ⵉⵎⵍⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴳ ⵜⵏⴰⴹⵜ ⵏⵏⵙ "ⴰⵎⵏⵓⵙ ⵏⵏⵙ ⵅⴼ ⵓⵅⵛⵏ ⵏ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⴷⴷⵣⴰⵢⵔ", ⵉⵙⴽⴽⵉⵏ ⵖⵓⵔⵙ ⵜⵍⴽⴰⵎⵉⵏ ⵅⴼ ⵓⵎⵙⴷⴷⵉ ⴰⵙⵔⵜⴰⵏ ⵉⵔⴰⵏ ⴰⴷ ⵉⵇⵇⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%96%E2%B5%95%E2%B4%B0-%E2%B5%93%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B4%B0%E2%B4%B7-%E2%B5%9C%E2%B5%9C%E2%B5%93%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0%E2%B5%8F-%E2%B5%89%E2%B5%8E%E2%B5%A2%E2%B4%B0%E2%B5%99%E2%B5%99%E2%B4%B0%E2%B5%8F-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94