ⵟⴰⵏⵊⴰ: ⴰⵙⴱⵉⴷⴷ ⵏ ⵓⵙⵖⵉⵡⵙ ⴰⴱⵔⵙⴳⴳⵯⴰⴷ ⵉⵇⵕⵕⴱⵏ ⴷⴼⴼⵉⵔ ⵍⵍⵉⵖ ⵓⵙⴼⵙⵉ ⵏ ⵢⴰⵜ ⵜⵖⴰⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⵉⵙⵎⴰⵏⵏ ⵙⵎⵎⵓⵙ ⵏ ⵎⴷⴷⵏ ⴼⴽⴰⵏ "ⵜⵎⵏⵉⵍⵜ" ⵏⵏⵙⵏ ⵉ ⵡⵙⵓⴷⵙ ⵏ "ⴷⴰⵄⵉⵛ" ⴰⴱⵔⵙⴳⴳⵯⴰⴷ (ⴰⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵥⵥⵓⵜⵏ ⵉⵥⵔⴼⴰⵏ)

06 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵥⴹⴰⵕ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵥⵥⵓⵜⵏ ⵉⵥⵔⴼⴰⵏ ⴳ ⵜⴼⴰⵡⵜ ⵏ ⵉⵏⵖⵎⵉⵙⵏ ⵜⵓⵙⴷⵉⴷⵉⵏ ⵍⵍⵉ ⴼⴽⴰⵏⵜ ⵜⵏⴰⴼⵓⵜⵉⵏ ⵏ ⵜⵎⵀⵍⴰ ⵜⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ, ⴳ ⵜⵙⵔⴰⴳⵉⵏ ⵉⵣⵡⴰⵔⵏ ⴳ ⵜⴼⴰⵡⵓⵜ ⵏ ⴰⵙⵙ ⴰⴷ ⵏ ⵓⴽⵕⴰⵙ, ⴰⴷ ⵉⵙⴱⵉⴷⴷ ⵢⴰⵏ ⵓⵖⴰⵡⴰⵙ ⴰⴱⵔⵙⴳⴳⵯⴰⴷ ⵉⵇⵇⵕⴱⵏ ⵏ ⵢⴰⵜ ⵜⵖⴰⵔⴰⵙⵜ ⵜⴰⵟⵟⵓⵕⴼⴰⵏⵜ ⵉⵎⵓⵙⵙⵓⵏ ⴳ ⵜⵖⵔⵎⵜ ⵏ ⵟⴰⵏⵊⴰ, ⵉⵙⵎⴰⵏⵏ ⵙⵎⵎⵓⵙ ⵏ ⵎⴷⴷⵏ ⵍⵍⴰⵏ ⴷⴰⵔⵜⵏ ⴳⵔ 22 ⴷ 28 ⵓⵙⴳⴳⵯⴰⵙ, ⵎⴰ ⵢⴰⴷ ⴼⴽⴰⵏ "ⵜⵉⵎⵏⵉⵍⵜ" ⵏⵏⵙⵏ ⵉ ⵡⵙⴷⵓⵙ ⵏ "ⴷⴰⵄⵉⵛ" ⴰⴱⵔⵙⴳⴳⵯⴰⴷ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵉⵔⴰ ⴰⵏⴰⵎⵎⴰⵙ ⵎⴰⵙ ⵢⵓⵛⴽⴰ ⵓⵙⴼⵙⵉ ⵏ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⴰⴷ ⴷ ⵓⵙⴱⵉⴷⴷ ⵏ ⵉⵙⵏⵜⴰⵢⵏ ⵉⵟⵟⵓⵕⴼⴰⵏ ⵏⵏⵙ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵜⵉⵏⴼⵔⵓⵜⵉⵏ ⵉⵔⵏⴰⵏ ⵏ ⵜⵏⴰⴼⵓⵜⵉⵏ ⵏ ⵜⵎⵀⵍⴰ ⵜⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⴱⵉⴷⴷ ⵏ ⵉⵙⴷⵓⵙⵏ ⵉⴱⵔⵙⴳⴳⵯⴰⴷⵏ ⴷ ⵓⵙⴱⵉⴷⴷ ⵏ ⵉⵎⵏⵣⴰⵢⵏ ⵉⵍⵍⴰⵏ ⴷⴰⵜ ⵏ ⵜⵏⴼⵔⵓⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵙⵙⵍⴰⵎⵜ ⵏ ⵉⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ.

ⵉⴼⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⴽⵛⵎⵏⵜ ⵜⵎⵀⵍⵉⵡⵉⵏ ⵍⵍⵉ ⵕⵥⵎⵏ ⵉⴼⵔⴷⵉⵙⵏ ⵏ ⵜⴳⴳⴰⵍⵉⵏ ⵜⵉⵙⵍⵉⴳⵏ ⵉⴹⴼⴰⵕⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴳ ⵜⵖⵔⵎⵜ ⵏ ⵟⴰⵏⵊⴰ, ⵎⴰⴷ ⵢⵉⵡⵉⵏ ⴰⵙⴱⵉⴷⴷ ⵏ "ⵓⴳⵍⴷⵓⵏ" ⵓⵔ ⴰⴽⴽⵯ ⵉⵍⵍⵉⵏ ⵏ ⵜⵖⵔⴰⵙⵜ ⵜⴰⴱⵔⵙⴳⴳⴰⴷⵜ ⴰⴷ ⵍⵍⵉ ⵢⵎⵎⴰⵖⵏ ⴱⴰⵀⵔⴰ ⵎⴰ ⵢⴰⴷ ⵢⵓⵊⵊⴰⵏ ⵉⴼⵔⵉⴷⵙⵏ ⵏ ⵓⴽⵛⵛⵓⵎ ⴰⴷ ⵕⵥⵎⵏ ⵍⵇⴰⵏⴰⴱⵉⵍ ⵏ ⵜⴳⵕⴹ ⵎⵔⴰ ⴰⴷ ⴽⴽⵯⵙⵏ ⵉⵎⵉⵣⵉ.

ⵜⵜⵢⴰⵎⴰⵥⵏ ⵙⵓⵍ ⴽⴽⵓⵥ ⵏ ⵉⴳⵎⴰⵎⵏ ⵢⴰⴹⵏⵉⵏ ⵉⵎⵍⴰⵏ ⵜⴰⵢⵔⵉ ⵏⵏⵙⵏ ⵏ ⵓⵅⵎⵎⴻⵎ ⵏ ⵜⵜⴽⴼⵉⵔ ⴷ ⵢⵓⵙⵉⵏ ⴰⵙⵏⵜⵉ ⴰⴱⵔⵙⴳⴳⵯⴰⴷ ⵖⵓⵔⵙⵏ ⵜⵓⵇⵇⵏⴰ ⵉⵣⵔⵉⵏ ⴰⵡⵜⵜⵓ ⴰⵏⴰⵎⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B4%B0%E2%B5%99%E2%B4%B1%E2%B5%89%E2%B4%B7%E2%B4%B7-%E2%B5%8F-%E2%B5%93%E2%B5%99%E2%B5%96%E2%B5%89%E2%B5%A1%E2%B5%99-%E2%B4%B0%E2%B4%B1%E2%B5%94%E2%B5%99%E2%B4%B3%E2%B4%B3%E2%B5%AF%E2%B4%B0%E2%B4%B7-%E2%B5%89%E2%B5%87%E2%B5%95%E2%B5%95%E2%B4%B1%E2%B5%8F-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8D%E2%B5%8D%E2%B5%89%E2%B5%96-%E2%B5%93%E2%B5%99%E2%B4%BC%E2%B5%99%E2%B5%89-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%96%E2%B4%B0%E2%B5%94%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B5%99%E2%B4%B3%E2%B4%B3%E2%B5%AF%E2%B4%B0%E2%B4%B7%E2%B5%9C