Published on MAPNews (https://www.mapnews.ma/am)

Accueil > "ⴽⵓⴼⵉⴷ-19": ⵜⴰⵎⵀⵍⴰ ⵏ ⵜⴳⵣⵣⴰⵢⵜ ⵜⵉⵙⵙ ⴽⵕⴰⴹ ⵜⴱⴷⴰ ⴰⵙⵙ ⴰⴷ ⵏ ⵓⵢⵏⴰⵙ (ⵜⴰⵎⴰⵡⴰⵙⵜ ⵏ ⵜⴷⵓⵙⵉ)

"ⴽⵓⴼⵉⴷ-19": ⵜⴰⵎⵀⵍⴰ ⵏ ⵜⴳⵣⵣⴰⵢⵜ ⵜⵉⵙⵙ ⴽⵕⴰⴹ ⵜⴱⴷⴰ ⴰⵙⵙ ⴰⴷ ⵏ ⵓⵢⵏⴰⵙ (ⵜⴰⵎⴰⵡⴰⵙⵜ ⵏ ⵜⴷⵓⵙⵉ)

04 ⴽⵟⵓⴱⵕ 2021 Version Imprimable
ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⴰⵙ ⵜⵎⵀⵍⴰ ⵏ ⵜⴳⵣⵣⴰⵢⵜ ⵜⵉⵙⵙ ⴽⵕⴰⴹ ⵙⴳ ⵜⴳⵣⵣⴰⵢⵜ ⵎⴳⴰⵍ ⵓⴼⵉⵔⵓⵙ "ⴽⵓⴼⵉⴷ-19" ⵜⴱⴷⴰ ⴰⵙⵙ ⴰⴷ ⵏ ⵓⵢⵏⴰⵙ ⴷ ⵔⴰⴷ ⵜⴳⴳⵔ, ⴳ ⵜⴽⵍⵉⵜ ⵜⵎⵣⵡⴰⵔⵓⵜ ⵏⵏⵙ, ⵎⴷⴷⵏ ⵍⵍⵉ ⵢⵜⵎⵎⴰⵏ ⵜⴳⵣⵣⴰⵢⵜ ⵏⵏⵙⵏ ⵎⴳⴰⵍ "ⴽⵓⴼⵉⴷ-19" ⴳ ⵓⵣⵎⵣ ⵓⵔ ⵙ ⵉⵣⵔⵉⵏ 6 ⵉⵢⵢⵉⵔⵏ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ ⵏⵏⵙ ⵅⴼ "ⵉⵎⴰⴽⵏ ⵏ ⵓⵙⴱⵖⵓⵔ ⵙ ⵜⴳⵣⵣⴰⵢⵜ ⵜⵉⵙⵙ ⴽⵕⴰⴹ ⵙⴳ ⵓⴳⵣⵣⴰⵢ ⵏ ⵓⴼⵉⵔⵓⵙ "ⴽⵓⴼⵉⴷ-19"", ⵎⴰⵙ ⵜⵖⵜⴰⵙⵜ ⴰⴷ ⵜⵓⵛⴽⴰⴷ ⴷⴼⴼⵉⵔ ⵏ ⵉⵙⵖⵍⴰⵏ ⵏ ⵓⴳⵔⴰⵡ ⴰⵎⴰⵙⵙⴰⵏ ⴰⵏⴰⵎⵓⵔ ⵏ ⵜⴳⵣⵣⴰⵢⵜ, ⴷ ⵉⵙⵖⵍⴰⴼⵏ ⴰⵎⴰⵙⵙⴰⵏ ⴰⵎⴰⴹⵍⴰⵏ.

ⵜⵙⵓⵍ ⵜⵏⵏⴰ ⵜⵎⴰⵡⴰⵙⵜ ⵎⴰⵙ ⵎⴷⴷⵏ ⵉⵡⵜⵜⴰⵙⵏ ⵔⴰⴷ ⵙⵏⵓⴱⴳⵏ ⵢⴰⵜ ⵜⴱⵔⴰⵜ ⵜⴰⴳⴳⴹⵓⵜ ⴳ ⵜⵜⵉⵍⵉⴼⵓⵏ ⵏⵏⵙⵏ ⵙⴳ 1717 ⴰⴼ ⴰⴷ ⴽⵯⵜⵉⵏ ⵉⵙ ⵥⴹⴰⵕⵏ ⴰⴷ ⵙⴽⵔⵏ ⵜⴳⵣⵣⴰⵢⵜ ⴰⴷ ⵜⵉⵙⵙ ⴽⵕⴰⴹ ⵍⵍⵉ ⵔⴰⴷ ⵜⵣⵔⵉ ⴳ ⵓⵙⴰⵢⵙ ⴰⵎⵇⵇⵕⴰⵏ (Vaccinodromes) ⴱⵍⴰ ⴰⴷ ⵃⵜⴰⵊⵊⴰⵏ ⴰⴷ ⵉⵍⵉⵏ ⴳ ⵓⵣⵡⴰⵏ ⵏ ⵜⵎⵣⴷⵓⵖⵜ ⵏⵏⵙⵏ.

ⵉⴼⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⴰⴷ ⴰⴼ ⵜⵚⵃⵓ ⵍⵎⴰⵏⴰⵄⴰ ⴷⴰⵔ ⴰⴽⴽⵯ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ ⵣⴷⵖⵏⵉⵏ ⴳ ⵍⵎⵖⵔⵉⴱ, ⴷ ⴰⴼ ⴰⴷ ⴼⵔⴳⵏ ⵉⵅⴼ ⵏⵏⵙⵏ ⴷ ⵜⵡⵊⴰ ⵏⵏⵙⵏ ⵙⴳ ⵓⴱⴰⵢⵢⵓⵕ "ⴽⵓⴼⵉⴷ-19", ⵉⵅⵚⵚⴰⵜⵏ ⴰⴷ ⴷⵔⵓⵏ ⴳ ⵜⵎⵀⵍⴰ ⵢⴰⴷ.

ⵜⵙⵓⵍ ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⴰⵙ ⵉⵅⵚⵚⴰ ⵉ ⴽⵔⴰ ⵢⴳⴰⵜⵜ ⵢⴰⵏ ⴰⴷ ⵍⵜⵖⵏ ⵉⵙⵡⴰⵏ ⵏ ⵜⵏⴱⴰⴹⵉⵏ ⵜⵉⴷⵓⵙⴰⵏⵉⵏ ⵜⵉⴳⴷⵓⴷⴰⵏⵉⵏ, ⴷ ⴰⴷ ⴷⵔⵓⵏ ⴳ ⵓⵎⵎⴰⵥ ⵏ ⵉⵎⴰⴽⵏ ⵏ ⵓⵃⵟⵟⵓ ⴷⴰⵜ ⴷ ⴰⵎⵎⴰⵙ ⴷ ⴼⵉⵔ ⵏ ⵜⵎⵀⵍⴰ ⵏ ⵓⴳⵣⵣⴰⵢ, ⴰⴼ ⴰⴷ ⴷⵔⵓⵏ ⴳ ⵜⵓⴳⴳⴰⵣ ⵉⵏⴰⵎⵓⵔⵏ ⵉⵔⴰⵏ ⴰⴷ ⵙⴱⵉⴷⴷⵏ ⵓⵙⴼⵙⵔ ⵏ ⵓⴼⵉⵔⵓⵙ ⴰⴷ ⴳ ⵜⴳⵍⴷⵉⵜ ⴷ ⴰⴷ ⴰⵡⵉⵏ ⵍⵎⴰⵏⴰⵄⴰ ⵜⴰⴳⵔⴰⵡⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%9C%E2%B4%B0%E2%B5%8E%E2%B5%80%E2%B5%8D%E2%B4%B0-%E2%B5%8F-%E2%B5%9C%E2%B4%B3%E2%B5%A3%E2%B5%A3%E2%B4%B0%E2%B5%A2%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9-%E2%B5%9C%E2%B4%B1%E2%B4%B7%E2%B4%B0-%E2%B4%B0%E2%B5%99%E2%B5%99-%E2%B4%B0%E2%B4%B7-%E2%B5%8F-%E2%B5%93%E2%B5%A2%E2%B5%8F%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89