ⵔⴰⴷ ⵉⴱⴷⵓ ⵍⵎⵖⵔⵉⴱ ⵜⵉⴽⴽⵉ ⵏ ⵓⴳⵣⵣⴰⵢ ⵡⵉⵙⵙ ⴽⵕⴰⴹ ⵏ ⵜⴳⵣⵣⴰⵢⵜ ⵏ "ⴽⵓⴼⵉⴷ-19"

01 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙ ⵔⴰⴷ ⵉⴱⴷⵓ ⵍⵎⵖⵔⵉⴱ ⵜⵉⴽⴽⵉ ⵏ ⵓⴳⵣⵣⴰⵢ ⵡⵉⵙⵙ ⴽⵕⴰⴹ ⵏ ⵜⴳⵣⵣⴰⵢⵜ ⵏ "ⴽⵓⴼⵉⴷ-19", ⴳ ⵓⵙⴰⵜⵉ ⵏ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵓⴳⵣⵣⴰⵢ, ⵍⵍⵉ ⵢⵙⵙⵏ ⵙⴳ ⵍⴱⴷⵓ ⵏⵏⵙ, ⵢⴰⵜ ⵜⴰⴷⵉⵏⴰⵎⵉⵜ ⵉⴼⵓⵍⴽⵉⵏ.

ⵜⵏⵏⴰ ⵜⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ ⵏⵏⵙ, ⵎⴰⵙ ⵜⵖⵜⴰⵙⵜ ⴰⴷ ⵢⵓⵛⴽⴰⴷ ⴷⴼⴼⵉⵔ ⵏ ⵓⵙⵖⵍⴼ ⵏ ⵓⴳⵔⴰⵡ ⴰⵎⴰⵙⵙⴰⵏ ⴰⵏⴰⵎⵓⵔ, ⵓⵍⴰ ⵉⵙⵖⵍⴼⵏ ⵉⵎⴰⵙⵙⴰⵏⵏ ⵉⴳⵔⴰⵖⵍⴰⵏⵉⵏ, ⵉⵔⵏⴰ ⵢⵏⵏⴰ ⵎⴰⵙ ⵔⴰⴷ ⵜⵢⴰⴽⴽⴰⵏ ⵍⴰⵅⴱⴰⵕ ⵉ ⵢⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ ⵅⴼ ⵜⵎⴳⴳⵉⵜⵉⵏ ⵏ ⵜⵉⴽⴽⵉ ⵏ ⵓⴳⵣⵣⴰⵢ ⵡⵉⵙⵙ ⴽⵕⴰⴹ ⴰⴷ.

ⵜⵔⵏⴰ ⵜⵎⴰⵡⴰⵙⵜ ⵜⵏⵏⴰ ⵎⴰⵙ ⵅⴼ ⵜⵓⴷⴷⵓⵔⵜ ⵏ ⵓⵙⴷⵓⵙ ⵏ ⵍⵎⴰⵏⴰⵄⴰ ⴷⴰⵔ ⴰⴽⴽⵯ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ ⵣⴷⵖⵏⵉⵏ ⴳ ⵍⵎⵖⵔⵉⴱ, ⵅⴼ ⵓⵔⴰⵢ ⵏⵏⵙⵏ ⵓⵍⴰ ⵏ ⴰⵢⵜ ⴷⴰⵔⵜⵏ ⵅⴼ ⵓⴱⴰⵢⵢⵓⵕ ⵏ "ⴽⵓⴼⵉⴷ-19", ⴷ ⵜⵖⵔⴰ ⵜⵎⴰⵡⴰⵙⵜ ⴰⴷ ⴷⵔⵓⵏ ⵉⵎⵖⵔⴰⴱⵉⵢⵏ ⴳ ⵜⵎⵀⵍⴰ ⵢⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B4%B1%E2%B4%B7%E2%B5%93-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B5%A1%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9-%E2%B5%8F-%E2%B5%9C%E2%B4%B3%E2%B5%A3%E2%B5%A3%E2%B4%B0%E2%B5%A2%E2%B5%9C-%E2%B5%8F-%E2%B4%BD%E2%B5%93%E2%B4%BC%E2%B5%89%E2%B4%B7-19