ⴰⵙⵍⵎⴷ ⴳ ⵜⵎⵔⵙⴰⵍⵉⵏ ⵏ ⵓⵙⵍⵎⴰⴷ ⴰⵇⴱⵓⵕ ⵙ ⵜⵡⵍⴰⴼⵜ ⵜⴰⵎⴰⴷⴷⵓⴷⵜ ⴰⵙⵙ ⵏ ⵓⴹⵢⴰⵙ ⵖⵉⴽ ⵉⵏⵏⴰ ⵡⴰⵏⴰⵡ ⵏ ⵓⵙⵍⵎⴰⴷ ⵉⵃⴰⴹⵕⵏ ⵖⵓⵕ ⴰⴽⴽⵯ ⵜⴽⵍⴰⵢ ⴷ ⵉⵙⵡⵉⵔⵏ

30 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⴳ ⵢⴰⵏ ⵓⵙⵉⵡⴹ, ⴰⵙⵙ ⵏ ⵓⴽⵡⴰⵙ, ⵎⴰⵙ ⵓⵙⵍⵎⴰⴷ ⴳ ⵜⵎⵔⵙⴰⵍⵉⵏ ⵏ ⵏ ⵓⵙⵍⵎⴷ ⵉⵇⴱⵓⵕⵏ ⵔⴰⴷ ⵉⴱⴷⵓ ⴳ ⵜⵡⵍⴰⴼⵜ ⵜⴰⵎⴰⴷⴷⵓⴷⵜ ⴰⵙⵙ ⵏ ⵓⵙⵉⴹⵢⴰⵙ 02 ⴽⵟⵓⴱⵕ ⵖⵉⴽ ⵉⵏⵏⴰ ⵡⴰⵏⴰⵡ "ⴰⵙⵍⵎⴰⴷ ⵉⵃⴰⴹⵕⵏ" ⵉ ⴰⴽⴽⵯ ⵉⵙⵡⵉⵔⵏ ⴷ ⵜⵢⴰⴽⴽⴰ ⵏ ⵜⵉⵥⴹⵕⴰ ⵏ ⵓⵙⴱⵖⵓⵔ ⵙ ⵓⵙⵍⵎⴷ "ⵙ ⵡⴰⴳⴳⵓⴳ" ⵏ ⵉⵏⵍⵎⴰⴷⵏ ⴷ ⵜⵡⵊⴰⵏ ⵉⵔⴰⵏ ⵓⵍⴰ ⵜⵎⵔⵙⴰⵍⵉⵏ ⵍⵍⵉ ⵓⵔ ⵜⵓⵔⴰⴳⵜ ⵏ ⵜⵎⴰⵡⴰⵙⵜ ⵙ ⵡⵏⴰⵡ ⵉⵃⴰⴹⵕⵏ ⴰⵛⴽⵓ ⵓⵔ ⵖⵓⵔⵙ ⵉⵍⵍⴰ ⴰⴽⴽⵯ ⵉⵙⵓⵜⵍⵏ ⵏ ⵙⵙⵍⴰⵎⵜ.

ⵉⴼⵔⴰ ⵢⵉⵏⵏⴰ ⵢⴰⵏ ⵓⵙⵉⵡⴹ ⵎⴰⵙ " ⵉⴳⴰ ⵍⵃⴰⵍ ⵏ ⵜⵏⵎⵍⵉⵏ ⵏ ⵇⵓⵔⴰⵏ ⵍⵍⵉ ⵢⵓⵎⵣⵏ ⴷⵖⵉ ⴰⵙⵍⵎⴰⴷ ⵏ ⵡⴰⴳⴳⵓⴳ ⴷ ⵔⴰⴷ ⵜⵔⵏⵓ ⵜⴰⵎⴰⵡⴰⵙⵜ ⵙ ⵜⵖⵓⵔⵉ ⵏ ⵜⵓⵜⵔⴰⵡⵉⵏ ⵉⴼⴼⵖⵏ ⵖⴼⵙ ⴷ ⵜⵓⵔⴳⵜ ⵏ ⵡⴰⵏⴰⵡ ⵉⵃⴰⴹⵔⵏ ⴳ ⵉⴱⵉⴷⴷ ⵏ ⵜⵏⴰⵢⵜ ⵏ ⵉⵙⵓⵜⵍⵏ ⴳ ⵉⵏⵙⴰⵏ ⵏ ⵜⵎⵣⴷⵓⵖⵜ ⴷ ⵜⵖⵓⵔⵉ".

ⵜⵏⵏⴰ ⵜⵎⴰⵡⴰⵙⵜ ⵎⴰⵙ ⵜⵖⵜⴰⵙⵜ ⴰⴷ ⵜⴽⵛⵎ ⴳ ⵓⵙⴰⵜⵉ ⵏ ⵓⵃⵕⵛ ⵉⵖⵓⴷⴰⵏ ⵏ ⵓⵎⵣⵣⵉⵣⵍ ⵏ ⵜⴳⵣⵣⴰⵢⵜ ⴳ ⵜⵡⵍⴰⴼⵜ ⵜⴰⵎⴰⵜⴰⵢⵜ ⴷ ⵜⴳⵣⵣⴰⵢⵜ ⵏ ⵉⵏⵍⵎⴰⴷⵏ ⴳ ⵓⵙⵎⵉⵍ ⵏ ⵓⵡⵜⴰⵢ 12-17 ⵓⵙⴳⴳⵯⴰⵙ ⴳ ⵓⵙⵎⵉⵍ ⵏ ⵓⵡⵜⴰⵢ 10 ⵓⵙⴳⴳⵯⴰⵙ ⴷ ⵓⴳⴳⵔ ⴳ ⵜⵡⵍⴰⴼⵜ ⵜⴰⵙⵍⵉⴳⵜ ⵓⵍⴰ ⴰⵙⴼⵓⴳⵍⵓ ⵏ ⵡⴰⴷⴷⴰⴷ ⵏ ⵓⴱⴰⵢⵢⵓⵕ ⴳ ⵜⵎⴰⵣⵉⵔⵜ ⴳ ⵉⵎⴰⵍⵍⴰⵙⵏ ⵉⵣⵔⵉⵏ ⵜⴼⵔⴰ ⵜⵏⵏⴰ ⵎⴰⵙ ⵜⵜⵓⴼⴽⴰ ⵏ ⵜⵉⵥⴹⵕⴰ ⵙ ⵓⵙⵍⵎⴰⴷ "ⵙ ⵡⴰⴳⴳⵓⴳ" ⵉ ⵢⵏⵍⵎⴰⴷⵏ ⴷ ⵜⵡⵊⴰ ⵍⵍⵉⵖ ⵎⵍⴰⵏ ⴰⴷ.

ⴳ ⵓⵙⴰⵜⵉ ⴷⵖ ⵜⵖⵔⴰ ⵜⵎⴰⵡⴰⵙⵜ ⵜⵉⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴷ ⵜⵡⵊⵊⴰ ⵏⵏⵙⵏ ⴰⴷ ⵔⵏⵓⵏ ⵏ ⵓⵍⵜⵖ ⵉⴳⴳⵓⵜⵏ ⴳ ⵜⵎⵀⵍⴰ ⵏ ⵜⴳⵣⵣⴰⵢⵜ ⵍⵍⵉ ⵔⴰⴷ ⵜⵇⵇⴰⵎⴰ ⴷⴼⵉⵔ ⵏ ⵍⴱⴷⵓ ⵏ ⵓⵏⵍⵎⴰⴷ ⴳ ⵉⵙⵡⵉⵔ ⵏ ⴰⴽⴽⵯ ⵉⵎⴰⵙⵙⵏ ⵏ ⵜⴳⵣⵣⴰⵢⵜ ⵓⵍⴰ ⵉⴳⵣⵣⵓⵎⵏ ⵉⵙⵙⴰⵢⵏ ⵉⵣⵍⵉⵏ ⵙ ⵓⵣⵎⵎⵣⵓ ⴷⴰⵖ ⵙⵡⴰ ⴰⴳⴼⴰⴷ ⵏ ⴰⵙⵏⵓⴱⴳ ⵏ ⵜⴳⵣⵣⴰⵢⵜ ⵜⴰⵎⵣⵡⴰⵔⵓⵜ ⵏⵖⴷ ⵜⵉⵙⵙ ⵙⵏⴰⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8D%E2%B5%8E%E2%B4%B7-%E2%B4%B3-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B4%B0%E2%B5%87%E2%B4%B1%E2%B5%93%E2%B5%95-%E2%B5%99-%E2%B5%9C%E2%B5%A1%E2%B5%8D%E2%B4%B0%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%B9%E2%B5%A2%E2%B4%B0%E2%B5%99-%E2%B5%96%E2%B5%89%E2%B4%BD-%E2%B5%89%E2%B5%8F%E2%B5%8F%E2%B4%B0-%E2%B5%A1%E2%B4%B0%E2%B5%8F%E2%B4%B0%E2%B5%A1-%E2%B5%8F