ⵜⴼⵛⴷ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⵉⴷⴰⵢⵉⵏ ⵜⴰⵎⵜⵜⴰⵏⵜ ⵏ ⵍⴰⵍⵍ ⵏ ⵜⵓⵜⵜⴰⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ

28 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵜⴼⵛⴷ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⵉⴷⴰⵢⵉⵏ ⴳ ⴰⴷⴷⴰⴷ ⵉⵖⴱⴰⵏ ⵜⴰⵎⵜⵜⴰⵏⵜ ⵏ ⵜⴳⵍⵍⵉⵏⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵉⵍⵍⵉⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⴰⴷ ⵜ ⵉⵕⵃⵎ ⵕⴱⴱⵉ, ⴷ ⵓⵍⵜⵎⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴰⴷ ⵜ ⵉⵕⵃⵎ ⵕⴱⴱⵉ, ⴷ ⵄⵎⵎⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.

ⵜⵎⵎⵓⵜ ⵜⴳⵍⵍⵉⵏⵜ ⴰⵙⵙ ⴰⴷ ⵏ ⵓⵙⵉⵏⴰⵙ 20 ⵚⴰⴼⴰⵕ ⵍⵅⵉⵕ 1443 ⴰⵀⵉⵊⵔⵉ, ⵉⵎⴰⴳⴳⴰⵔⵏ ⴷ 28 ⵛⵓⵜⴰⵏⴱⵉⵔ 2021 ⴰⵎⵉⵍⴰⴷⵉ, ⴳ ⵜⵖⵔⵎⵜ ⵏ ⵕⵕⴱⴰⵟ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵎⴰⵙ "ⴳ ⵓⵣⵎⵎⵣⵓ ⵢⵛⵇⵇⴰⵏ ⴰⴷ, ⵜⵙⵎⵏⵉⴷ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⵉⴷⴰⵢⵉⵏ ⵉ ⴰⴽⴽⵯ ⵉⴼⵔⴷⵉⵙⵏ ⵏ ⵓⵎⴰⴷⴰⵏ ⴰⵎⵖⵔⴰⴱⵉ ⴰⴼⵛⴰⴷ ⵉⵔⵖⴰⵏ ⴷ ⵜⴱⴷⴰⴷⵜ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⴷ ⴰⴽⴽⵯ ⵉⴼⵔⴷⵉⵙⵏ ⵏ ⵜⵡⵊⴰ ⵜⴰⴳⵍⴷⴰⵏⵜ ⵜⴰⵛⵔⵉⴼⵜ ⴳ ⵓⵙⴽⴽⵉⵏ ⵉⵛⵇⵇⴰⵏ ⴰⴷ, ⵓⵔ ⵏⵥⴹⴰⵕ ⴰⴷ ⵏⴽⴽⵯⵙ ⵜⵉⵔⴰⵜ ⵏ ⵕⴱⴱⵉ, ⵏⵖⵔⴰ ⴰⴷ ⵉⵕⵃⵎ ⵕⴱⴱⵉ ⵜⴳⵍⵍⵉⵏⵜ ⴷ ⴰⴷ ⴰⵢⵜ ⵉⴼⴽ ⵍⵊⵊⵏⵜ".

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ " ⵖⵉⴽ ⵔⴰⵏⵜ ⵜⵔⵏⵓⵏⵜ ⵏ ⵜⵡⵓⵔⵉ ⵏ ⵉⵙⵡⵓⴷⴷⵓⵏ ⵏ ⵜⵉⴹⴰⴼ ⵍⵍⵉ ⵜⵙⵔⵙ ⵜⵎⵔⵏⵉⵡⵜ ⵏ ⵡⴰⴷⴷⴰⴷ ⴰⴷⵓⵙⴰⵏ, ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⴰⴷ ⵉⵣⵔⵉ ⵡⵎⴰⴹⵍ ⵏ ⵜⴳⵍⵍⵉⵏⵜ ⴳ ⵓⵙⴰⵜⵉ ⵏ ⵜⵡⵊⴰ ⵏ ⵓⵙⵍⵉⴳ ⴷ ⵜⵉⵍⴰⵜ ⵏ ⵎⵉⴷⴷⵏ ⴰⵡⵜⵜⵓ ⴱⴰⵀⵔⴰ ⴳ ⵓⴼⵔⴰⴽ ⵏ ⴰⴽⴽⵯ ⵉⵎⴰⴽⵏ ⴰⴷ".

ⴰⴷ ⵉⵃⴼⴹ ⵕⴱⴱⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⴰⴷ ⴰⵢⵜ ⵢⴰⵊⵊ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵓⵍⴰ ⴰⴽⴽⵯ ⵉⴳⵎⴰⵎⵏ ⵏ ⵜⵡⵊⵊⴰ ⵜⴳⵍⴷⴰⵏⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%BC%E2%B5%9B%E2%B4%B7-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B4%B3%E2%B4%B0%E2%B4%B7%E2%B5%89%E2%B5%94%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B4%B7-%E2%B5%93%E2%B4%B1%E2%B5%95%E2%B5%93%E2%B5%9F%E2%B5%93%E2%B4%BD%E2%B5%93%E2%B5%8D-%E2%B4%B7-%E2%B5%9C%E2%B5%8E%E2%B5%89%E2%B4%B7%E2%B4%B0%E2%B5%A2%E2%B5%89%E2%B5%8F-%E2%B5%9C%E2%B4%B0%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B5%93%E2%B5%9C%E2%B5%9C%E2%B4%B0%E2%B5%A2%E2%B5%9C