ⵎⴰⵙⵙ ⴱⵓⵕⵉⵟⴰ ⴷⴰⵜ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏⵏ..ⵉⵙⵜⴰⵢⵏ ⵏ 8 ⵛⵓⵜⴰⵏⴱⵉⵔ ⵎⵍⴰⵏ ⵓⵎⵎⴰⵣ ⵏ ⵉⵎⵣⴷⴰⵖⵏ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵜⴳⵍⴷⵉⵜ

28 ⵛⵓⵜⴰⵏⴱⵉⵔ 2021 Version Imprimable

ⵜⵎⵜⵜⴰ ⵢⵎⴰⵏⵏ(ⵏⵢⵓⵢⵓⵕⴽ) - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⵙ ⵏⴰⵙⵕ ⴱⵓⵕⵉⵟⴰ ⴰⵙⵙ ⵏ ⵓⵢⵏⴰⵙ ⵎⴰⵙ ⵜⴷⵔⴰⵡⵜ ⵉⴳⴳⵓⵜⵏ ⵏ ⵉⵎⵣⴷⴰⵖⵏ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵉⵙⵜⴰⵢⵏ ⵏ 8 ⵛⵓⵜⴰⵏⴱⵉⵔ ⵜⵎⵍⴰ ⵓⵎⵎⴰⵣ ⴳ ⵓⴳⵣⵣⵓⵎ ⵏ ⵡⴰⴽⵍⴰ ⵏ ⵜⴳⵍⴷⵉⵜ ⴽⵓⵍⵓ ⴷ ⴰⵍⵜⵖ ⵉⵎⵕⵡⵉ ⴳ ⵓⵙⵔⵙ ⵏ ⵡⴰⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⴳ ⵜⵙⴳⴰⵡⵉⵏ ⵏ ⵉⴼⴼⵓⵙ .

ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵢⵙⵜ ⵜⵙⴳⵓⵔⵉ ⵏ ⵜⴳⵍⴷⵉⵜ ⴳ ⵉⵙⴰⵡⵍⵏ ⵢⴰⵜⵜⵓⵢⵏ ⵏ ⵓⵙⵡⵉⵔ ⴳ ⵜⵙⵓⵜⵍⵜ ⵜⵉⵙⵙ 76 ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏⵏ ⵍⵍⵉ ⵢⴼⴽⴰ ⴳ ⵜⴰⵜⵉⵇⵏⵉⵜ ⵏ ⵜⴰⵏⴰⵢⵜ ⵎⴰⵙ ⴰⵍⵜⵖ ⴰⴷ "ⵉⵙⴷⵉⴷ ⴷ ⵓⵔ ⵉⵖ ⵢⵓⵊⵊⴰ ⵏ ⵛⵛⵉⴽ ⵏ ⵜⵉⵔⴰⵜ ⵏ ⵉⵎⵣⴷⴰⵖⵏ ⵏ ⵚⵚⵃⵕⴰ ⵏ ⵜⴰⵎⵖⵔⴰⴱⵉⵜ ⴽⵓⵍⵓ ⴷ ⵉⵎⵕⵡⵉ " ⴳ ⵓⵙⵔⵙ ⵏ ⵡⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⵏ ⵜⵙⴳⴰⵡⵉⵏ ⵏ ⵉⴼⴼⵓⵙ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⴳⴳⵯⴰⵙ 2015.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⴳ ⵓⵙⴰⵜⵉ ⴷⵖ ⵎⴰⵙ ⵜⵎⵀⵍⴰ ⵏ ⵓⵙⵜⴰⵢ ⴳ ⵚⵚⵙⵃⵕⴰ ⵜⴰⵎⵖⵔⴰⴱⵉⵜ ⵜⵣⵔⵉ ⴰⵎⵎ ⴳ ⵜⵉⵎⵏⴰⴹⵉⵏ ⵢⴰⴹⵏⵉⵏ ⴳ ⵜⴳⵍⴷⵉⵜ ⴳ ⵓⵏⵣⵡⵉ ⵏ ⵓⵎⵓⵙⵙⵓ ⴷ ⵓⵙⵏⵎⵍⴰ ⴰⴷⵉⵎⵓⵇⵕⴰⵟⵉ ⴷ ⵓⵎⵙⴰⵙⴰ ⴽⵓⵍⵓ ⴷ ⵉⵙⴱⴷⴰⴷⵏ ⵉⵎⴰⴹⵍⴰⵏⵉⵏ ⴷ ⵓⵙⴳⵓⵏⴼⵓ ⵍⵍⵉ ⵜⵙⵙⵏ ⵜⵙⴳⴰ ⵏ ⵚⵚⵃⵔⴰ ⴷ ⵜⴷⵔⴰⵡⵜ ⵏ ⵉⵎⵣⴷⴰⵖⵏ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴽⵓⵍⵓ ⴳ ⵜⴳⵎⵉ ⵏ ⵙⵓⵙⵢⵓⴰⴰⴷⵎⵙⴰⵏ ⴳ ⵜⵙⴳⴰ ⵓⵍⴰ ⵜⵓⴷⵔⵜ ⵜⴰⵙⵔⵜⴰⵏⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B7%E2%B4%B0%E2%B5%9C-%E2%B5%8F-%E2%B5%9C%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F%E2%B5%89%E2%B5%99%E2%B5%9C%E2%B4%B0%E2%B5%A2%E2%B5%8F-%E2%B5%8F-8-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B5%8E%E2%B5%8D%E2%B4%B0%E2%B5%8F-%E2%B5%93%E2%B5%8E%E2%B5%8E%E2%B4%B0%E2%B5%A3-%E2%B5%8F