ⵉⴼⵔⴰ ⵢⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵎⴰⵙ ⵜⵙⵎⵖⵓⵔⵜ ⴰⴷ, ⵍⵍⵉ ⵢⵜⵜⵓⵙⵏⵎⵍⴰⵏ ⴽⵓ ⵓⵙⴳⴳⵯⴰⵙ ⵙ ⵓⵣⵎⵎⵣⵓ ⵏ ⴰⵙⵙ ⴰⵏⴰⵎⵓⵔ ⵏ ⵜⵖⵎⵙⴰ ⵅⴼ ⵓⵙⵇⵔⴱ ⴷ ⵓⵙⵎⵖⵔ ⵏ ⵜⵙⵓⴳⵔⵉⵏ ⵏ ⵜⵏⵖⵎⴰⵙⵜ ⵜⵉⵎⵖⵔⴰⴱⵉⵢⵏ ⴳ ⴰⴽⴽⵯ ⵉⵏⴰⵡⵏ ⵏ ⵜⵏⵖⵎⴰⵙⵜ, ⵜⵙⵎⴰⵏ ⵜⵙⵎⵖⵓⵔⵜ ⵏ ⵜⵜⵉⵍⵉⴼⵉⵣⵢⵓⵏ ⵏ ⵓⵙⴰⴳⴳⵯ ⵓⵜⵉⵎ, ⴷ ⵜⵙⵎⵖⵓⵔⵜ ⵏ ⵓⵣⴰⵡⴰⵏ, ⴷ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵉⵜⵜⵢⵓⵔⴰⵏ, ⴷ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⵉⵍⵉⴽⵟⵕⵓⵏⵉⵜ, ⴷ ⵜⵙⵎⵖⵓⵔⵜ ⵏ ⵜⵙⵏⵓⵕⴰⵢⵜ, ⴷ ⵜⵙⵎⵖⵓⵔⵜ ⵏ ⵜⵙⵢⴰⴼⵓⵜ ⵜⴰⵏⵖⵎⴰⵙⵜ ⵜⴰⵎⴰⵣⵉⵖⵜ, ⴷ ⵜⵙⵎⵖⵓⵔⵜ ⵏ ⵜⵙⵢⴰⴼⵓⵜ ⵏ ⵓⵏⵖⵎⴰⵙ ⴰⵃⵙⵙⴰⵏⵉ.
ⵜⵙⵎⴰⵏ ⵙⵓⵍ ⵜⵙⵎⵖⵓⵔⵜ ⴰⴷ ⵜⴰⵙⵎⵖⵓⵔⵜ ⵏ ⵜⵡⵍⴰⴼⵜ, ⴷ ⵜⵙⵎⵖⵓⵔⵜ ⵏ ⵓⵙⴰⴳⴳⵯ ⴰⵏⵖⵎⴰⵙ, ⴷ ⵜⴰⵙⵎⵖⵓⵔⵜ ⵏ ⵜⴼⵔⵙⵉⵜ ⵜⴰⴽⴰⵔⵉⴽⴰⵜⵓⵔⵉⵜ, ⵓⵍⴰ ⵜⵙⵎⵖⵓⵔⵜ ⵏ ⵓⵙⵓⵜⴳ ⵍⵍⵉ ⵢⵜⵜⵢⴰⴽⴽⴰⵏ ⵉ ⵎⴷⴷⵏ ⵉⵏⵖⵎⴰⵙⵏ ⵉⵏⴰⵎⵓⵔⵏ ⵍⵍⵉ ⴷⵔⴰⵏ ⵙ ⵢⴰⵜ ⵜⵡⵍⴰⴼⵜ ⵜⴰⵎⵇⵕⴰⵏⵜ ⵉⵏⴽⵔⵏ ⵙ ⵓⵏⵙⴰ ⴰⵏⵖⵎⴰⵙ ⴰⵏⴰⵎⵓⵔ ⴷ ⵜⵖⴱⵉ ⵏ ⵉⵎⵏⵣⴰⵢⵏ ⵉⴼⵓⵍⴽⵉⵏ ⵏ ⵜⴰⵣⵣⵓⵍⵜ.
ⵉⵅⵚⵚⴰ ⵉ ⵢⵎⵙⴽⴰⴷⵏ ⴷ ⵜⵉⵎⵙⴽⴰⴷⵉⵏ ⵏ ⵜⵙⵎⵖⵓⵔⵜ ⴰⴷ ⴰⴷ ⵟⵟⴼⵏ ⵜⴰⵖⵍⴰⵏⵜ ⵜⴰⵎⵖⵔⴰⴱⵉⵜ, ⴷ ⴰⴷ ⴳⵉⵏ ⵉⵏⵖⵎⴰⵙⵏ ⵙⴳ ⴽⵕⴰⴹ ⵏ ⵉⵙⴳⴳⵯⴰⵙⵏ ⵏⵖⵔ ⵓⴳⴳⴰⵔ, ⴷ ⴰⴷ ⵟⵟⴼⵏ ⵜⴽⴰⵕⴹⴰ ⵏ ⵜⵏⵖⵎⴰⵙⵜ ⵏ ⵓⵙⴳⴳⵯⴰⵙ ⴰⴷ, ⴷ ⴰⴷ ⵡⵡⵓⵔⵉⵏ ⴳ ⵢⴰⵜ ⵜⵎⵔⵙⴰⵍⵜ ⵏ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ, ⴷ ⵓⵔ ⴳⵉⵏ ⴰⵎⵎⴰⵙ ⵏ ⵉⴳⵎⴰⵎⵏ ⵏ ⵓⴳⵔⴰⵡ ⵏ ⵓⵙⵏⵎⵍⴰ ⵏ ⵜⵙⵎⵖⵓⵔⵜ ⵏⵖⴷ ⵏ ⵜⵏⴱⴹⴰⵢⵜ, ⴷ ⵔⴰⴷ ⵓⵔ ⵢⵉⵡⵉ ⵜⵙⵎⵖⵓⵔⵜ ⴳ ⴽⵕⴰⴹ ⵉⵙⴳⴳⵯⴰⵙⵏ ⵣⵔⵉⵏⵉⵏ.
ⵉⵅⵚⵚⴰ ⴰⴷ ⵜⵜⵓⵙⵔⴰⵙⵏ ⵜⵡⵡⵓⵔⵉⵡⵉⵏ ⵜⵉⵎⵏⴽⴰⴷⵉⵏ ⴳ ⵙⵎⵎⵓⵙ ⵏ ⵜⵓⵏⵖⵉⵍⵉⵏ ⴷⴰⵔ ⵜⴰⵙⵓⴽⵔⵉⵜⴰⵔⵉⵜ ⵏ ⵓⴳⵔⴰⵡ ⴰⵙⵏⵎⴰⵍⴰⵏ ⵏ ⵜⵙⵎⵖⵓⵔⵜ, ⴳ ⵓⵙⵖⵉⵎ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ (ⵉⴳⵔ ⵏ ⵓⵎⵢⴰⵡⴰⴹ), ⵉⵎⴰⵏⵏ ⴷ ⵜⵏⵜⴰⵎⵜ ⵏ ⵓⵎⵏⴽⴰⴷ ⵙ ⵜⵙⵎⵖⵓⵔⵜ, ⵍⵍⵉ ⵢⵍⵍⴰⵏ ⴳ ⵓⵙⵉⵜ ⵉⵍⵉⴽⵟⵕⵓⵏⵉ (www.mincom.gov.ma) ⵙⴳ ⴰⵙⵙ ⵏ 01 ⴽⵟⵓⴱⵕ 2021 ⴰⵔ 31 ⴽⵟⵓⴱⵕ 2021.