Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ

31 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵖⴰⵕ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵉⴳⵊⴷⴰ ⵏ ⵉⵎⵏⵖⵉ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵕⴰⵙ, ⵜⴰⴼⵓⴳⵍⴰ ⵏ ⵜⴳⴳⴰⵍⵍⵉⵜ ⵏ ⴹⴹⴱⴱⴰⵟ ⵍⵍⵉ ⴷ ⴼⴼⵓⵖⵏⵉⵏ ⴳ ⵜⵉⵏⵎⴰⵍ ⵜⵉⵏⴰⴼⵍⵍⴰⵢⵉⵏ ⵏ ⵍⵄⵚⴽⵕ ⴷ ⵎⴰⴷ ⵉⵔⵡⴰⵙⵏ ⵍⵄⵚⴽⵕ, ⵓⵍⴰ ⵙⵓⵍ ⴹⴹⵓⴱⴱⴰⵟ ⵍⵍⵉ ⵖⵍⵉⵏⵉⵏ ⴳ ⵜⵙⴽⴰⵍⵉⵏ ⵏⵏⵙⵏ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵔⴰⴱⴱⵓⵜ ⴰⴷ ⵉⵙⵎ ⵏ « ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵎⵉⵏⴰ ».

ⵉⵏⵏⴰ ⵓⴳⵍⵍⵉⴷ ⵙ ⵓⵣⵎⵓⵣⵣⵓ ⵢⴰⴷ ⵢⴰⵏ ⵉⵏⴰⵡ ⵍⵍⵉⵖ ⵉⵏⵏⴰ ⵉ ⴹⴹⵓⴱⴱⴰⵟ ⴰⴷ, ⴰⴷ ⵉⵍⵉⵏ ⴳ ⵓⵙⵡⵉⵔ ⵏ ⵜⵎⴰⵜⴰⵔⵜ ⴰⴷ ⵜⴰⵎⵇⵕⴰⵏⵜ, ⵍⵍⵉ ⵢⵉⵎⵎⴰⵍⴰⵏ ⵜⴰⵎⵓⵏⵜ ⵏ ⵓⴳⴷⵓⴷ ⴷ ⵜⴳⵍⴷⵉⵜ ⵙ ⵛⵛⵉⵄⴰⵕ ⵏ ⵕⴱⴱⵉ, ⵜⴰⵎⵓⵔⵜ, ⴰⴳⵍⵍⵉⴷ.

ⵉⵙⵙⵖⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵎⵀⵍⴰ ⵜⴰⵏⴰⴼⵍⵍⴰⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴹⴹⵓⴱⴱⴰⵟ ⵉⵏⴰⴼⵍⵍⴰⵏ ⵉ ⵍⴳⵕⴰⴹ ⵏ ⵊⵉⵏⵉⵕⴰⵍ ⴷ ⴽⵓⵍⵓⵏⵉⵍ ⵎⴰⵊⵓⵕ.

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⵊⵉⵏⵉⵕⴰⵍ ⴰⵎⴰⵜⴰⵢ ⵏ ⵜⵙⵔⴷⴰⵙⵜ ⵄⴱⴷⵍⵄⵣⵉⵣ ⴱⵏⵏⴰⵏⵉ, ⵍⵍⵉ ⵢⵉⴼⴽⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵏ ⵓⵏⴰⵔⵓⵣ ⴷ ⵓⵙⴰⴼⵓ ⵙ ⵢⵉⵙⵎ ⵏ ⴹⴹⵓⴱⴱⴰⵟ ⴷ ⵉⴷ ⴱⴰⴱ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵙ ⵓⵣⵎⵓⵣⵣⵓ ⵏ ⵜⴽⵜⵜⴰⵢⵜ ⵜⵉⵙⵙ 14 ⵏ ⵓⴽⵛⵛⵓⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵓⴷⴰⴱⵓ ⴰⵄⴰⵍⴰⵡⵉ ⵉⵥⵉⵍⵏ.

ⵜⵣⵔⵉ ⵜⴼⵓⴳⵍⴰ ⵏ ⵜⵏⴽⴷⴰ ⵏ ⵜⴳⴰⵎⵎⵉⵜ ⴳ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⵏⵎⵖⵓⵔⵏ, ⵣⵓⵏ ⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⴹⵓⴱⴱⴰⵟ ⵉⵎⵇⵔⴰⵏ ⵏ ⵜⵎⵀⵍⴰ ⵜⴰⵏⴰⴼⵍⵍⴰⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⴰⴳⵍⴷⴰⵏⵉⵏ ⴷ ⵎⵏⵏⴰⵡ ⵢⴰⴹⵏⵉⵏ.

Dernière modification : 31 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B4%B9%E2%B4%B9%E2%B4%B1%E2%B4%B1%E2%B4%B0%E2%B5%9F-%E2%B5%8D%E2%B5%8D%E2%B5%89-%E2%B4%B7-%E2%B4%BC%E2%B4%BC%E2%B5%93%E2%B5%96%E2%B5%8F%E2%B5%89%E2%B5%8F-%E2%B4%B3-%E2%B5%9C%E2%B5%89%E2%B5%8F%E2%B5%8E%E2%B4%B0%E2%B5%8D#comment-0