ⵉⴳⴰ ⵍⵎⵖⵔⵉⴱ ⴰⵎⵏⴳⴰⴷ ⵏ ⵜⵏⵙⵙⵉⵅⴼⵜ ⵏ ⵜⵙⵓⵜⵍⵜ ⵜⵉⵙⵙ ⵙⴹⵉⵙⵜ ⵏ ⵜⵎⵙⵎⵓⵏⵜ ⵏ ⵜⵉⵎⵜⵜⴰ ⵉⵎⵓⵏ ⵏ ⵓⵏⴰⴹ 1/2

20 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵏⵏⴰ ⵓⵎⴰⵡⴰⵙⴰ ⵏ ⵜⴰⵥⴹⴰⵕⵜ ⴷ ⵓⵣⴰⵖⵓⵣ ⴷ ⵓⵏⴰⴹ ⵎⴰⵙⵙ ⵄⴰⵣⵉⵣ ⵔⴱⴱⴰⵃ ⵎⴰⵙ ⵉⵎⵍⴰ ⵍⵎⵖⵔⵉⴱ ⵜⵉⵔⵉⵜ ⵏⵏⵙ ⴰⴷ ⵉⴳ ⴰⵎⵏⴳⴰⴷ ⵏ ⵉⴼⵔⵉⵇⵢⴰ ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵏ ⵜⵙⵓⵜⵍⵜ ⵜⵉⵙⵙ ⵙⴹⵉⵙⵜ ⵏ ⵜⵎⵙⵎⵓⵏⵜ ⵏ ⵜⵉⵎⵜⵜⴰ ⵉⵎⵓⵏ ⵏ ⵓⵏⴰⴹ .

ⵜⴰⵙⵙⵓⵜⵍⵜ ⴰⴷ ⵔⴰⴷ ⵜⵜⵓⵙⵏⵎⴰⵍⴰ ⴳ ⵡⴰⵢⵢⴰⵓⵔ ⵏ ⴱⵕⴰⵢⵕ 2022ⴳ ⵉⵙⴳⴳⵯⴰⵙⵏ ⵡⵉⵙⵙ ⵙⵉⵏ ⴰⴷ ⵢⵓⵛⴽⴰⵏ.

ⴰⵍⵖⵓ ⵢⴰⴷ ⵢⵓⵛⴽⴰⴷ ⴳ ⵓⵙⵣⵎⵣⵣⵓ ⵏ ⵜⴷⵔⴰⵡⵜ ⵏ ⵎⴰⵙⵙ ⵔⴱⴱⴰⵃ ⴳ ⵓⵏⵎⵓⵇⴰⵔ ⵏ ⵉⵎⴰⵡⵙⴰⵙⵏ ⵉⴼⵉⵇⵉⵏ ⵏ ⵓⵏⴰⴹ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵜⵓⴳⴳⵓⴳⵜ ⴰⵙⵙ ⵏ 16 ⵛⵓⵜⴰⵏⴱⵉⵔ 2021 .

ⵉⴼⵔⴰ ⵢⴰⵏ ⵉⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴰⵥⴹⴰⵕⵜ ⴷ ⵓⵣⴰⵖⵓⵣ ⴷ ⵓⵏⴰⴹ ⵎⴰⵙ ⵜⴽⵛⵎ ⵜⵎⵏⴽⴰⴷⵜ ⴰⴷ ⴳ ⵓⵙⵜⵉ ⵏ ⵜⵓⴳⴳⴰⵣ ⴱ ⵍⵎⵖⵔⵉⴱ ⵜⵉⵏⵎⵏⴰⴹⵉⵏ ⴷ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔ ⵏ ⵓⵏⴰⴹ ⴳ ⵜⵉⴳⵎⵉ ⵜⴰⵙⵓⵍⴰⵏⵜ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴳ ⵜⵙⴳⴰ ⵢⴰⴹⵏ ⵜⵙⵙⵏ ⵜⵙⵙⵓⵜⵍⵜ ⴰⴷ ⵜⴰⴷⵔⴰⵡⵜ ⵏ ⵄⵍⴰⵢⵏ 20 ⵏ ⵓⵎⴰⵓⵙⴰⵙ ⵏ ⵓⵏⴰⴹ ⵙⴳ ⵉⴼⵔⵉⵢⴰ .

ⴰⵏⵎⵓⵇⴰⵔ ⴰⴷ ⵉⵣⵔⵉ ⵓⵍⴰ ⵙ ⵜⵉⵍⵉⵜ ⵏ ⵜⴰⵎⴰⵔⵉⵜ ⵉⵜⵜⵓⵙⵎⴳⴰⵍⵏ ⵙ ⵜⴰⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵜⴰⴷⵎⵙⴰ ⵜⵣⴳⵣⴰⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵡⴰⵎⵓⵏ ⵏ ⵉⴼⵔⵉⵇⵢⴰ ⵎⴰⵙⵙⴰ ⵊⵓⵣⵉⴼⴰ ⵙⴰⴽⵓ ⴷ ⵜⵎⵀⴰⵍⵜ ⵏ ⵓⵖⴰⵡⴰⵙ ⵏ ⵜⵉⵎⵜⵜⴰ ⵉⵎⵓⵏ ⵏ ⵓⵏⴰⴹ ⵎⴰⵙⵙⴰ ⵉⵏⴽⵉⵔ ⴰⵏⴷⵉⵔⵙⵓⵏ ⴷ ⵉⵎⴰⵔⵉⵜⵏ ⵏ ⵜⵉⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B4%B3%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8E%E2%B5%8F%E2%B4%B3%E2%B4%B0%E2%B4%B7-%E2%B5%8F-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B9%E2%B5%89%E2%B5%99%E2%B5%9C-%E2%B5%8F-%E2%B5%9C%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F-%E2%B5%8F-%E2%B5%93%E2%B5%8F%E2%B4%B0%E2%B4%B9