ⵉⵜⵜⵏⵖⴰ ⵓⵏⵙⵙⵉⵅⴼ ⵏ ⵓⵙⵏⵎⴰⵍⴰ ⵏ ⵓⵡⴰⵏⴽ ⵓⵙⵍⵉⵎ ⴳ ⵚⵚⵃⵕⴰ ⵜⴰⵎⵇⵔⴰⵏⵜ ⴷ ⵉⵎⵏⴳⵉⵔⵉⵏ ⵏ "ⴱⵓⵍⵉⵣⴰⵔⵢⵓ" ⵄⴰⴷⵏⴰⵏ ⴰⴱⵓ ⵡⴰⵍⵉⴷ ⵚⵚⴰⵃⵕⴰⵡⵉ ⵙ ⵓⴼⵓⵙ ⵏ ⵜⵉⴳⴳⴰⵍⵉⵏ ⵏ ⴼⵕⴰⵏⵚⴰ

16 ⵛⵓⵜⴰⵏⴱⵉⵔ 2021 Version Imprimable

ⴱⴰⵔⵉⵣ - ⵉⵏⵏⴰ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵉⵎⴰⵏⵡⵉⵍ ⵎⴰⴽⵔⵓⵏ ⵎⴰⵙ ⵉⵜⵜⵏⵖⴰ ⵓⵏⵙⵙⵉⵅⴼ ⵏ ⵓⵙⵏⵎⴰⵍⴰ ⵏ ⵓⵡⴰⵏⴽ ⵓⵙⵍⵉⵎ ⴳ ⵚⵚⵃⵕⴰ ⵜⴰⵎⵇⵔⴰⵏⵜ ⴷ ⵉⵎⵏⴳⵉⵔⵉⵏ ⵏ "ⴱⵓⵍⵉⵣⴰⵔⵢⵓ" ⵄⴰⴷⵏⴰⵏ ⴰⴱⵓ ⵡⴰⵍⵉⴷ ⵚⵚⴰⵃⵕⴰⵡⵉ ⵙ ⵓⴼⵓⵙ ⵏ ⵜⵉⴳⴳⴰⵍⵉⵏ ⵏ ⴼⵕⴰⵏⵚⴰ

ⵉⴼⵔⴰ ⵉⵏⵏⴰ ⵎⴰⴽⵔⵓⵏ ⴳ ⵢⴰⵜ ⵜⴳⵓⵔⵉ ⴳ "ⵜⵡⵉⵜⵔ" ⵢⵉⴹ ⵏ ⵓⴽⵔⴰⵇ ⴷ ⵓⴽⵡⴰⵙ ⵎⴰⵙ ⵜⴳⴰ ⵜⵖⴰⵡⵙⴰ ⵢⴰⴷ ⴰⵎⵓⵔⵙ ⴰⵅⴰⵜⴰⵔ ⴳ ⵓⵙⴰⵜⵉ ⵏ ⵉⵎⵏⵖⵉ ⵎⴳⴰⵍ ⵜⵉⵔⴰⴱⴱⵓⵜⵉⵏ ⵜⵉⴱⵔⵙⴳⴳⵯⴰⴷⵉⵏ ⴳ ⵜⵙⴳⴰ ⵏ ⵙⴰⵃⵉⵍ.

ⵉⴳⴰ ⵓⵙⵏⵎⴰⵍⴰ ⵏ ⵓⵡⴰⵏⴽ ⵓⵙⵍⵉⵎ ⴳ ⵚⵚⵃⵕⴰ ⵜⴰⵎⵇⵔⴰⵏⵜ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ 2015 ⵙⴳ ⵄⴰⴷⵏⴰⵏ ⴰⴱⵓ ⵡⴰⵍⵉⴷ ⵚⵚⴰⵃⵕⴰⵡⵉ ⴰⴳⵎⴰⵎ ⵏ "ⵍⴱⵓⵍⵉⵣⴰⵔⵢⵓ" ⴷ ⵓⵎⵓⵙⵙⵓ ⴰⵊⵉⵀⴰⴷⵉ ⵏ ⵍⵇⴰⵄⵉⴷⴰ ⴳ ⵡⴰⴽⴰⵍ ⵏ ⵍⵎⵖⵔⵉⴱ ⵓⵙⵍⵉⵎ "ⴰⵙⵏⴳⵓ ⴰⵎⵣⵡⴰⵔⵓ ⴳ ⵜⵙⴳⴰ ⵏ ⵙⴰⵃⵉⵍ ⵖⵎⴽⵍⵍⵉ ⴷ ⵉⴼⵖ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵏ ⴱⵓ ⴳ ⵉⴼⴼⵓⵙ-ⵜⴰⴳⵓⵜ ⵏ ⴼⵕⴰⵏⵚⴰ ⴳ ⵉⵏⵏⴰⵢⵜ 2020.

ⵄⴰⴷⵏⴰⵏ ⴰⴱⵓ ⵡⴰⵍⵉⴷ ⵚⵚⴰⵃⵕⴰⵡⵉ ⵉⴳⴰ ⴳ ⵜⵙⴳⴰ ⵏⵏⵙ ⴰⵎⵙⵙⵓⴳⵔ ⵙⴳ ⵉⵙⵓⴳⵉⵜⵏ ⵏ "ⵉⵡⵜⵜⴰ ⴽⵕⴰⴹ" ⵍⵍⵉ ⵉⵍⵍⴰⵏ ⴳ ⵢⴰ ⵡⴰⴽⴰⵍ ⴰⴱⴰⵔⴰⵡ ⵍⵍⵉ ⴷⴰⵔ ⵉⵡⵜⵜⴰ ⵉⵛⵛⴰⵔⵏ ⴳⵔ ⵎⴰⵍⵉ ⴷ ⵏⵏⵉⵊⵉⵔ ⴷ ⴱⵓⴻⴽⵉⵏⴰ ⴼⴰⵙⵓ.

ⵜⴰⵙⴳⴰ ⵢⴰⴷ ⵜⴳⴰ ⴰⵡⵜⴰⵙ ⵏ ⵉⵙⵉⴳⵉⵜⵏ ⵍⵍⵉ ⵜⵙⴽⴰⵔ ⵙⵏⴰⵜ ⵜⴰⴱⵓⵜⵉⵏ ⵜⵉⵊⵉⵀⴰⴷⵉⵢⵉⵏ :ⴰⵡⴰⵏⴽ ⵓⵙⵍⵉⵎ ⴳ ⵚⵚⵃⵕⴰ ⵜⴰⵎⵇⵔⴰⵏⵜ ⴷ ⵜⵔⴰⴱⵓⵜ ⵏ ⵡⴰⵏⵏⴰⵍ ⵏ ⵍⵉⵙⵍⴰⵎ ⴷ ⵉⵎⵓⵙⵍⵎⵏ ⵍⵍⵉ ⵉⴹⴼⵕⵏ ⵉ ⵢⵓⵙⵏⵎⴰⵍⴰ ⵏ ⵍⵇⴰⵄⵉⴷⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%9C%E2%B5%9C%E2%B5%8F%E2%B5%96%E2%B4%B0-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B5%A1%E2%B4%B0%E2%B5%8F%E2%B4%BD-%E2%B5%93%E2%B5%99%E2%B5%8D%E2%B5%89%E2%B5%8E-%E2%B4%B3-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F%E2%B5%9C-%E2%B4%B7-%E2%B5%89%E2%B5%8E%E2%B5%8F%E2%B4%B3%E2%B5%89%E2%B5%94%E2%B5%89%E2%B5%8F-%E2%B5%8F-%E2%B4%B1%E2%B5%93%E2%B5%8D%E2%B5%89%E2%B5%A3%E2%B4%B0%E2%B5%94%E2%B5%A2%E2%B5%93