Published on MAPNews (https://www.mapnews.ma/am)

Accueil > ⵜⴰⵙⵓⵍⴰⵏⵜ ⵏ ⵉⵎⴹⵉⴽⵉⵕⵏ ⵏ ⵎⴰⵙⵙ ⴰⵣⵉⵣ ⴰⵅⵏⵓⵛ ⴷ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵅⴼ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ

ⵜⴰⵙⵓⵍⴰⵏⵜ ⵏ ⵉⵎⴹⵉⴽⵉⵕⵏ ⵏ ⵎⴰⵙⵙ ⴰⵣⵉⵣ ⴰⵅⵏⵓⵛ ⴷ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵅⴼ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ

15 ⵛⵓⵜⴰⵏⴱⵉⵔ 2021 Version Imprimable
ⵕⵕⴱⴰⵟ - ⵉⵙⴽⵔ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵍⵉ ⵉⵜⵜⵉⵙⵜⴰⵢⵏ ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵉⵎⴹⵉⴽⵉⵕⵏ ⵏⵏⵙ ⵢⴰⴹⵏ ⴷ ⵉⴽⴰⴱⴰⵔⵏ ⵉⵙⵔⵜⴰⵏⵏ ⴰⴼⴰⴷ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵙ ⵉⵎⵓⵇⵇⴰⵔⵏ ⴷ ⵉⵏⵙⵙⵉⵅⴼⵏ ⵏ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ .

ⵙ ⵖⵎⴽⴰⴷ ⵉⵏⵎⴰⵇⴰⵔ ⵎⴰⵙⵙ ⴰⵅⵏⵓⵛ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵔ ⵏ ⵓⴼⴰⵔⴰ ⴷ ⵜⵓⵎⵍⴰ ⵎⵓⵃⵎⵎⴷ ⵏⴰⴱⵉⵍ ⴱⵏⵄⴱⴷⵍⵍⴰⵀ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵔ ⵏ ⵓⵎⵓⵙⵙⵓ ⴰⴷⵉⵎⵓⵇⵔⴰⵜⵉ ⴰⵏⴰⵎⵓⵏ ⵄⴱⴷ ⵚⵚⴰⵎⴰⴹ ⵄⵕⵛⴰⵏ ; ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵔ ⵉⵏⵉⵔ ⵏ ⵜⴷⵓⵙⵉⵏ ⵜⴰⴷⵉⵎⵓⵇⵔⴰⵜⵉⵜ ⵎⵚⵟⴰⴼⴰ ⴱⵏⵄⵍⵉ.

ⵉⴽⴽⵇⵜⵏ  ⵎⴰⵙⵙ ⴰⵅⵏⵓⵛ ⵉⵏⵎⴰⵇⴰⵔ   ⴰⵙⵙ ⵏ ⵓⵢⵏⴰⵙ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵍⵍⵉ ⵏ ⵜⵎⵥⵖⵕⵜ ⴷ ⵜⵎⴰⵜⵔⴰⵔⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ ⵏ ⵍⵉⵙⵜⵉⵇⵍⴰⵍ ⵎⴰⵙⵙ ⵏⵉⵣⴰⵕ ⴱⴰⵕⴰⴽⴰ ,ⴷ ⵓⵏⴼⵍⵓⵙ ⴰⵎⵣⵡⴰⵔⵓ ⵏ ⵜⴰⵎⵓⵏⵜ ⵜⴰⵏⵎⵍⴰⵢⵜ ⵏ ⵉⵖⴰⵍⵍⵏ ⵉⴳⴷⵓⴷⴰⵏⵏ ⵎⴰⵙⵙ ⴷⵔⵉⵙ ⵍⴰⵛⴳⴰⵕ .

 ⵖⵎⴽⵍⵍⵉ ⵉⵏⵎⴰⵇⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵍⵉ ⵉⵜⵜⵉⵙⵜⴰⵢⵏ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⴰⵓⵎⵓⵙⵙⵓ ⴰⵎⴷⵏⴰⵏ ⵎⴰⵙⵙ ⵎⵃⵏⴷ ⵍⵄⵏⵚⵕ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵔ ⴰⴷⵓⵙⵜⵓⵔⵉ ⵎⴰⵙⵙ ⵎⵓⵃⵎⵎⴷ ⵙⴰⵊⵉⴷ.

 ⵉⴽⴽⴰⵜⵏ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵉⵏ ⵜⵉⴳⵍⴷⴰⵏⵉⵏ ⴷ ⵓⴱⵕⵓⵟⵓⴽⵓⵍ ⴷ ⵜⵎⵉⴷⴰⵢⵉⵏ ⵎⴰⵙ ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵙⵉⵎⵡⴰⵙ ⵉⵣⵔⵉⵏ ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴼⴰⵙ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵢⵉⵙⵉⵎⴰⵏⵏ ⵉⵙⵜⵉⵜ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵎⴳⵍⵜ ⵙ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ.

 ⵉⵔⵏⵓ ⵉⵏⵏⴰ ⵓⵙⵉⵡⴹ ⵎⴰⵙ ⵜⴽⵛⵎ ⵜⵖⵓⵔⵉ ⵢⴰⴷ ⴳ ⵓⵙⴰⵜⵉ ⵏ ⵉⵙⵡⵉⵔⵏ ⵏ ⵓⴷⵓⵙⵜⵓⵔ ⴷ ⵜⵢⴰⴼⵓⵜⵉⵏ ⵏ ⵉⵙⵜⴰⵢⵏ ⵓⵣⵔⵉⴼⵏ ⵏ 8 ⵛⵓⵜⴰⵏⴱⵉⵔ 2021.

 ⵉⴽⴽⴰⵜⵏ ⵉⵏⵏⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵢⵉⵙⵉⵎⴰⵏⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⵔⴰⴷ ⵢⵉⵍⵉ ⵍⴱⴷⵓ ⵏ ⵉⵎⴹⵉⴽⵉⵕⵏ ⴷ ⵉⴽⴰⴱⴰⵔⵏ ⵉⵙⵔⵜⴰⵏⵏ ⴰⴼⴰⴷ ⵜⵓⴳⵉ ⵏ ⵢⴰⵜ ⵜⵓⴳⵜ ⵉⵎⵙⴰⵙⴰⵏ ⴷ ⵉⴷⵓⵙⵏ ⵍⵍⵉ ⴷⴰⵔ ⵉⵖⴰⵡⴰⵙⵏ ⵉⵎⵔⵡⴰⵙⵏ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B5%99%E2%B5%93%E2%B5%8D%E2%B4%B0%E2%B5%8F%E2%B5%9C-%E2%B5%8F-%E2%B5%89%E2%B5%8E%E2%B4%B9%E2%B5%89%E2%B4%BD%E2%B5%89%E2%B5%95%E2%B5%8F-%E2%B5%8F-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%A3%E2%B5%89%E2%B5%A3-%E2%B4%B0%E2%B5%85%E2%B5%8F%E2%B5%93%E2%B5%9B-%E2%B4%B7-%E2%B5%89%E2%B4%BD%E2%B4%B0%E2%B4%B1%E2%B4%B0%E2%B5%94%E2%B5%8F-%E2%B5%89%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%8F-%E2%B5%85%E2%B4%BC-%E2%B5%9C%E2%B5%93%E2%B4%B3%E2%B5%89-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C