ⵙⵉⵏ ⵉⵎⵏⴷⴰⵀⵏ ⵏ ⵓⵎⴽⴽⴰⵍⵓ ⵉⵎⵖⵔⴰⴱⵉⵢⵏ ⵜⵜⵓⵏⵖⴰⵏ ⴷ ⵢⴰⵏ ⵉⵜⵜⵓⵔⵙ ⵙⴳ ⵉⴼⵔⴷⵉⵙⵏ ⵢⵓⵙⵉⵏ ⵙⵙⵍⴰⵃ ⴳ ⵎⴰⵍⵉ (ⵜⴰⵎⵙⴽⴰⴷⵜ)

13 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵙⵉⵏ ⵉⵎⵏⴷⴰⵀⵏ ⵏ ⵓⵎⴽⴽⴰⵍⵓ ⵉⵎⵖⵔⴰⴱⵉⵢⵏ ⵜⵜⵓⵏⵖⴰⵏ ⴷ ⵢⴰⵏ ⵉⵜⵜⵓⵔⵙ ⴰⵙⵙ ⵏ ⵓⵙⵉⴹⵢⴰⵙ ⵉⵣⵔⵉⵏ ⴳ ⵎⴰⵍⵉ, ⵙⴳ ⵉⵔⴳⴰⵣⵏ ⵢⵓⵙⵉⵏ ⵙⵙⵍⴰⵃ, ⵎⴰ ⵢⴰⴷ ⵜⵏⵏⴰ ⵜⵎⵙⴽⴰⴷⵜ ⵏ ⵍⵎⵖⵔⵉⴱ ⴳ ⴱⴰⵎⴰⴽⵓ, ⵉⵔⵏⴰⵏ ⵉⵏⵏⴰⵏ ⵎⴰⵙ ⵢⴰⵏ ⵓⵎⵏⴷⴰⵀ ⵢⴰⴹⵏⵉⵏ ⵉⴷⴷⵔ ⴷⴼⴼⵉⵔ ⵏ ⵓⵙⵓⴳⵉ ⵢⴰⴷ.

ⵉⵊⵕⴰ ⵡⵙⵓⴳⵉ ⴰⵎⵎⴰⵙ ⵏ ⵜⴳⵔⴰⵡⵜ ⵏ "ⴷⵉⴷⵢⵉⵏⵉ", ⵉⵍⵍⴰⵏ ⴳ ⵍⴰⵃⵡⴰⵍ ⵏ 300 ⵓⴽⵉⵍⵓⵎⵉⵟⵕ ⵅⴼ "ⴱⴰⵎⴰⴽⵓ", ⵍⵍⵉⵖ ⵓⵎⵥⵏ ⵉⵎⵏⴷⴰⵀⵏ ⵉⵎⵖⵔⴰⴱⵉⵢⵏ ⵓⵖⴰⵔⴰⵙ ⵙ ⵜⵎⴰⵥⵓⵏⵜ ⵜⴰⵎⴰⵍⵉⵜ ⴰⵎⵎⴰⵙ ⵏ ⵉⵎⴽⴽⴰⵍⵓⵏ ⵢⵓⵙⵉⵏ ⵙⵙⵍⵉⵄⵜ, ⴷⴰⵜ ⴰⴷ ⵜⵏ ⵙⵙⵓⴳⵉⵏ ⵙ ⵍⵇⵕⵟⴰⵙ ⵢⴰⵏ ⵓⴳⵔⴰⵡ ⵏ ⵉⴼⵔⴷⵉⵙⵏ ⵢⵓⵙⵉⵏ ⵙⵙⵍⴰⵃ ⵍⵍⵉ ⵢⵃⴹⴰⵏ ⴳ ⵜⴽⵯⵔⵎⵉⵏ ⵏ ⵉⴷⴷⴰⴳⵏ ⵜⴰⵎⴰ ⵏ ⵓⵖⴰⵔⴰⵙ, ⵎⴰ ⵢⴰⴷ ⵙⵓⵍ ⵜⵏⵏⴰ ⵜⵎⴰⵙⴽⴰⴷⵜ.

ⴰⵎⵎⴰ ⵓⵎⵏⴷⴰⵀ ⵍⵍⵉ ⵢⵜⵜⵓⵏⴳⴰⵙⵏ, ⵉⵔⴳⴳ ⵓⴷⴷⴰⴷ ⵏ ⵜⴷⵓⵙⵉ ⵏⵏⵙ ⴷ ⵓⵔ ⵉⵛⵇⵇⵉ, ⴷ ⵉⵡⵉⵏⵜ ⵙ ⵢⴰⵏ ⵚⵚⴱⵉⵟⴰⵕ ⴰⴼ ⴰⴷ ⵉⵙⵏⵓⴱⴳ ⵉⵊⵊⵉⵊⵉⵜⵏ ⵉⵅⵚⵚⴰⵏ.

ⵜⵇⵇⴰⵎⴰ ⵜⵎⵙⴽⴰⴷⵜ ⵏ ⵍⵎⵖⵔⵉⴱ ⴳ ⴱⴰⵎⴰⴽⵓ ⴳ ⵓⵡⴰⴹ ⴷ ⵉⵏⴱⴰⴹⵏ ⴳ ⵙⵏⴰⵜ ⵜⵎⵉⵣⴰⵔ, ⵓⵍⴰ ⴷ ⴰⵢⵜ ⵏ ⵓⵅⵅⴰⵎ ⵏ ⵉⵎⵏⴷⴰⵀⵏ ⵉⵎⵖⵔⴰⴱⵉⵢⵏ ⴰⴼ ⴰⴷ ⵜⵢⵢⴰⵎⴰⵥⵏ ⵉⵙⵡⴰⵔⵏ ⵉⵅⵚⵚⴰⵏ ⴳ ⵣⵓⵏⴷ ⵉⵙⵓⵔⴰⵙ ⴰⴷ, ⴰⵎⵎ ⵜⵓⵜⵜⵔⴰ ⵏ ⵓⵕⵥⵥⵓⵎ ⵏ ⵢⴰⵏ ⵓⵙⴰⴳⴳⵯ ⵙⴳ ⵉⵏⴱⴰⴹⵏ ⵉⵎⴰⵍⵉⵢⵏ ⴰⴼ ⴰⴷ ⵜⵓⵙⵙⴰⵏⵏ ⵜⵉⵎⵙⵓⵜⴰⵍ ⵏ ⵓⵙⵓⴳⵉ ⵢⴰⴷ, ⵓⵍⴰ ⴰⴷ ⵜⵓⵎⴰⵥⵏ ⵜⵉⵎⴳⴳⵉⵜⵉⵏ ⵉⵅⵚⵚⴰⵏ.

ⵜⵉⴼⴳⴳⴰⵜⵉⵏ ⵏ ⵙⵉⵏ ⵓⵏⴳⵉⵙⵏ ⴷⴷⴰⵏ ⵙ ⴱⴰⵎⴰⴽⵓ, ⵎⴰ ⵢⴰⴷ ⵙⵓⵍ ⵜⵏⵏⴰ ⵜⵎⵙⴽⴰⴷⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%99%E2%B5%89%E2%B5%8F-%E2%B5%89%E2%B5%8E%E2%B5%8F%E2%B4%B7%E2%B4%B0%E2%B5%80%E2%B5%8F-%E2%B5%8F-%E2%B5%93%E2%B5%8E%E2%B4%BD%E2%B4%BD%E2%B4%B0%E2%B5%8D%E2%B5%93-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F-%E2%B5%9C%E2%B5%9C%E2%B5%93%E2%B5%8F%E2%B5%96%E2%B4%B0%E2%B5%8F-%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%9C%E2%B5%9C%E2%B5%93%E2%B5%94%E2%B5%99-%E2%B5%99%E2%B4%B3-%E2%B5%89%E2%B4%BC%E2%B5%94%E2%B4%B7%E2%B5%89%E2%B5%99%E2%B5%8F-%E2%B5%A2%E2%B5%93%E2%B5%99%E2%B5%89%E2%B5%8F-%E2%B5%99%E2%B5%99%E2%B5%8D%E2%B4%B0%E2%B5%83-%E2%B4%B3-%E2%B5%8E%E2%B4%B0%E2%B5%8D%E2%B5%89