ⴰⵙⵜⴰⵢ ⵏ 08 ⵛⵓⵜⴰⵏⴱⵉⵔ: ⴰⵙⵜⴰⵢ ⵔⴰⴷ ⵢⵉⵍⵉ ⵙ ⵜⴽⴰⵕⴹⴰ ⵜⴰⵏⴰⵎⵓⵔⵜ ⴽⴰ (ⴰⵙⵉⵡⴹ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ)

07 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵏⵏⴰ ⵡⵙⵉⵡⴹ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ, ⴰⵙⵙ ⵏ ⵓⵙⵉⵏⴰⵙ, ⵎⴰⵙ ⵓⵙⵜⴰⵢ ⵙ ⵓⵣⵎⵎⵣⵓ ⵏ ⵓⵙⵜⴰⵢ ⵉⵜⵜⵓⵖⵜⴰⵙⵏ ⴰⵙⴽⴽⴰ ⵏ ⴰⵙⵙ ⵏ ⵓⴽⵕⴰⵙ, ⵔⴰⴷ ⵢⵉⵍⵉ ⵙ ⵜⴽⴰⵕⴹⴰ ⵜⴰⵏⴰⵎⵓⵔⵜ ⴽⴰ ⴰⴼ ⴰⴷ ⵜⵜⵓⵙⵙⴰⵏ ⵜⵎⴰⴳⵉⵜ ⵏ ⵉⵎⵙⵜⴰⵢⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ ⵎⴰⵙ "ⵖⵉⴽ ⵍⵍⵉ ⵏⵏⴰⵏ ⵍⴰⵃⴽⴰⵎ ⵉⵣⵔⵉⴼⵏ ⵉⵜⵜⵓⵙⵏⵎⴰⵍⴰⵏ ⵙⴳ ⵜⵎⵀⵍⴰ ⵏ ⵓⵙⵜⴰⵢ, ⵉⵙⵙⴽⵜⵉ ⵓⵎⴰⵡⵙⴰⵙ ⵏ ⵓⴳⵏⵙⵓ ⴰⴽⴽⵯ ⵉⵎⵙⵜⴰⵢⵏ ⴷ ⵜⵉⵎⵙⵜⴰⵢⵉⵏ ⵎⴰⵙ ⵔⴰⴷ ⵉⵣⵔⵉ ⵡⵙⵜⵉ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵉⵜⵜⵓⵖⵜⴰⵙⵏ ⴰⵙⴽⴽⴰ ⵏ ⵓⴽⵕⴰⵙ 08 ⵛⵓⵜⴰⵏⴱⵉⵔ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⴼⵔⴰⵏⵉⵏ ⴷ ⵜⵎⵏⴱⴰⴹⵉⵏ ⴷ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵜⵎⵏⴰⴹⵉⵏ, ⵔⴰⴷ ⵢⵉⵍⵉ ⵙ ⵜⴽⴰⵕⴹⴰ ⵜⴰⵏⴰⵎⵓⵔⵜ ⴽⴰ ⴰⴼ ⴰⴷ ⵜⵜⵓⵙⵙⴰⵏ ⵜⵎⴳⵉⵜ ⵏ ⵉⵎⵙⵜⴰⵢⵏ".

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ "ⵥⴹⴰⵕⵏ ⵉⵎⵙⵜⴰⵢⵏ ⴷ ⵜⵎⵙⵜⴰⵢⵉⵏ ⴰⴷ ⵙⴽⵔⵏ ⵉⵎⴰⴽⵏ ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵜⴽⵕⴹⴰ ⵜⴰⵏⴰⵎⵓⵔⵜ, ⴷ ⴰⴷ ⴷⵔⵓⵏ ⴳ ⵓⵙⵜⴰⵢ ⵙ ⵓⴳⵣⵣⵓⵎ ⵍⵍⵉ ⵔⴰⴷ ⵜⴼⴽ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵙ ⵓⵙⴰⴳⴳⵯⵎ ⵏ ⵓⵙⵙⵓⴼⵖ ⵏ ⵜⴽⵕⴹⴰ ⵜⴰⵏⴰⵎⵓⵔⵜ, ⴷⴼⴼⵉⵔ ⵍⵍⵉⵖ ⵉⵙⴷⴷⴻⴷ ⵓⵙⵉⵔⴰ ⵏ ⵓⵙⵜⴰⵢ ⵜⴰⵎⴰⴳⵉⵜ ⵏ ⴽⵔⴰ ⵢⴳⴰⵜⵜ ⵓⵎⵙⵜⴰⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%9C%E2%B4%B0%E2%B5%A2-%E2%B5%8F-08-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B0%E2%B5%99%E2%B5%9C%E2%B4%B0%E2%B5%A2-%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%99-%E2%B5%9C%E2%B4%BD%E2%B4%B0%E2%B5%95%E2%B4%B9%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B4%BD%E2%B4%B0-%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B4%B3%E2%B5%8F%E2%B5%99%E2%B5%93