Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵜⴰⴳⵓⵔⵉ ⵉ ⵜⵉⵎⵜⵜⵉ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ.
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵜⴰⴳⵓⵔⵉ ⵉ ⵜⵉⵎⵜⵜⵉ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ.

30 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⴳⵓⵔⵉ ⵉ ⵜⵉⵎⵜⵜⵉ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵜⵉⵙⵙ 14.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴳⵓⵔⵉ ⴰⴷ ⵎⴰⵙ ⵉⵕⵥⵎ ⵙⴳ ⵍⵍⵉⵖ ⵉⴳⵉⵡⵔ ⵅⴼ ⵓⴷⴰⴱⵓ ⵎⵏⵏⴰⵡ ⵉⵙⵏⵜⴰ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵙ ⵓⵎⵙⴰⴷⴰⵖ ⵏ ⵉⵙⴳⴳⴷⵏ ⵉⵙⵔⵜⴰⵏⵏ ⴷ ⵉⵎⵔⵙⵍⵏ ⵍⵍⵉ ⵉⵔⴰ ⵓⴳⴷⵓⴷ ⴰⵎⵖⵔⵉⴱⵉ.

ⵉⵔⵏⵓ ⵉⵏⵏⴰ ⵎⴰⵙ ⵉⵣⵔⵉ ⵍⵎⵖⵔⵉⴱ ⵢⴰⵜ ⵜⵎⵔⵏⵉⵡⵜ ⵉⵖⵓⴷⴰⵏ ⴳ ⵉⴳⵔ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷⴼⴼⵉⵔ ⵍⵍⵉⵖ ⴽⵛⵎⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵉⴼⴰⵡⵜ ⵉ ⴽⵔⴰ ⵢⵉⴳⴰⵜ ⵜⴰⵎⴷⵉⵏⵜ ⵓⵍⴰ ⵓⵙⵓⵏ.ⵖⵎⴽⵍⵍⵉ ⵜⵎⵓⵔⵙ ⵜⴳⵍⴷⵉⵜ ⴷ ⵓⵙⴷⵓⵙ ⵉ ⵢⵉⵣⴰⴳⵯⵣⵏ ⴷ ⵉⴼⵜⴰⵙⵏ ⴷ ⵉⴱⵔⵉⴷⵏ.

ⵉⵜⵜⵔ ⵓⴳⵍⵍⵉⴷ ⵉ ⵜⵏⴱⴰⴹⵜ ⴰⴷ ⵜⴼⴽ ⴰⵜⵉⴳ ⵉ ⵜⴳⵎⵉ ⴷ ⵓⵙⵡⵓⵔⵉ ⵖⵎⴽⵍⵍⵉ ⵉⵙⴷⴷⵉⴷ ⴰⵙⵓⵖⵏ ⵏⵏⵙ ⴰⴷ ⵉⵙⵙⴱⵖⵙ ⴰⵙⵙⴰⵔⵓ.

ⴳ ⵉⴳⵔ ⵏ ⵜⴼⵍⵍⴰⵃⵜ ⵉⵏⵏⴰ ⴱⴰⴱ ⵏⵡⴰⴷⴷⵓⵔ ⵎⴰⵙ ⵓⵔⴰⴷ ⵙⵓⵍ ⵢⵉⵍⵉ ⵓⵙⵍⵉⴷ ⵏ ⵓⵔⴳⴰⵢ ⵍⵍⵉ ⵔⴰⴷ ⵉⵙⴰⵍⴰ ⴳ ⵜⴳⵉⵔⴰ ⵏⵓⵙⴳⴳⵯⴰⵙ ⴰⴷ ⴳ ⵎⴰⴷ ⵉⵥⵍⵉⵏ ⵙ ⵉⵙⵙⴰⵔⵓⵜⵏ ⵉⵏⴼⵍⴰⵃⵏ ⵉⵅⴰⵜⴰⵔⵏ.ⴰⵙⵍⵉⴷ ⵏ ⵓⵔⴳⴰⵢ ⵔⴰⴷ ⵉⵇⵇⴰⵎⴰ ⴳ ⵉⴳⵔ ⵏ ⵜⵏⴼⵍⴰⵃⵜ ⵜⴰⵎⵊⴰⵀⴷⵉⵢⵜ ⴷ ⵜⴰⵎⵥⵢⴰⵏⵜ

ⵉⵜⵜⵔ ⵉ ⵜⵏⴱⴰⴹⵜ ⴰⴷ ⵜⵙⵏⴼⵍ ⵢⴰⵜ ⵜⵙⵏⵓⵔⴰⵢⵜ ⵉⵥⵍⵉⵏ ⵙ ⵓⵎⵙⴰⵙⴰ ⵏ ⵜⵙⵜⵔⴰⵜⵉⵊⵉⵜ ⵜⴰⵏⴼⵍⴰⵃⵜ ⴷ ⵓⵡⵏⴰⴹ ⵏ ⵉⵎⵣⴷⴰⵖⵏ ⵙⵍⴰⵡⴰⵏ ⴰⴽⴽⵯ ⴳ ⵉⴷⵔⴰⵔⵏ.

ⴳ ⵜⵙⴳⴰ ⵢⴰⴹⵏ ,ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵜⵉⴳ ⵉ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ .ⵉⵙⴷⴷⵉⴷ ⵎⴰⵙ ⴷ ⵉⵇⵇⴰⵏ ⴰⴷ ⵜⵜⵙⴷⵓⵙ ⵜⵙⵏⵜⴰⵢⵜ ⴰⴷ ⵉⵖⴰⵡⴰⵙⵏ ⵏⵏⵙ ⵏ ⵖⵉⵍⴰⴷ ⵙ ⵉⵎⴰⵙⵏ ⵉⵎⴰⵢⵏⵓⵜⵏ ⵍⵍⵉ ⵢⴰⴽⴽⴰⵏ ⵜⴰⵎⵙⴷⴷⵓⵔⵜ ⵉ ⵉⵙⵏⵜⴰ ⵍⵍⵉ ⵏ ⵜⵎⵔⵏⵉⵡⵜ ⵏ ⵜⵉⵖⵔⴰⴷ.

ⴳ ⵜⵙⴽⴰ ⵏ ⵓⵙⴷⴰⵡ ⵏ ⵚⵚⵃⵕⴰ ⵉⵏⵏⴰ ⵓⴳⵍⵍⵉⴷ ⵎⴰⵙ ⵜⵙⴷⴷⵉⴷ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏ ⵜⵉⵎⵜⵜⴰ ⵉⵎⵓⵏⵏ ⵅⴼ ⵉⵙⴱⴷⴰⴷⵏ ⴰⴼⴰⴷ ⴰⴷ ⵢⵉⵍⵍⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⵏⵉⵍⴰⵡ ⵖⵎⴽⵍⵍⵉ ⵜⵎⵍⴰ ⵜⵖⵜⴰⵙⵜ ⴰⴷ ⴰⵎⵏⴰⴷ ⴰⵏⵎⵏⴰⴹ ⵏ ⵓⵎⵏⵣⴰⵖ ⴰⴷ ⵓⵍⴰ ⵙⵓⵍ ⵜⴰⵎⵙⵜⴳⴳⴰⵔⵜ ⵏ ⴷⴷⵣⴰⵢⵔ ⵍⵍⵉ ⵙⵉⵙ ⵉⵥⵍⵉⵏ ⴳ ⵉⴳⵔ ⵏ ⵓⵙⵡⵉⵔ ⴰⵙⵔⵜⴰⵏ ⴷ ⴰⵣⵔⴼⴰⵏ ⴷ ⴰⵏⴼⴳⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵓⵔⵙ ⵏ ⵜⵎⵕⵚⵉⴹⵉⵏ ⵏ ⵜⵉⵏⴷⵓⴼ.

ⴳ ⵜⴳⵉⵔⴰ ⵏ ⵜⴳⵓⵔⵉ ⴰⴷ ⵉⵙⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵉⵎⴰⵏⵏ ⵏ ⵉⵏⵎⵖⵓⵔⵏ ⵏ ⵓⵙⴷⵔⴼⵉ ⴷ ⵜⴰⵙⵉⵎⴰⵏⵜ ⴷ ⵡⵉⵍⵍⵉ ⴷⵔⵓⵏⵉⵏ ⴳ ⵜⵓⵚⴽⴰⵏ ⵏ ⵓⵡⴰⵏⴽ ⴰⵎⵖⵔⵉⴱⵉⵢ ⴰⵜⵔⴰⵔ ⵍⵍⵉ ⵎⵉ ⵣⵡⴰⵔⵏ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵀⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜⵏ ⵉⵕⵃⵎ ⵕⴱⴱⵉ ⵓⵍⴰ ⴰⴽⴽⵯ ⵉⵎⵙⴳⴳⴰⵢⵜⴰ ⵏ ⵓⵙⴷⵔⴼⵉ ⴷ ⵜⵎⵓⵏⵜ ⵜⴰⵎⵓⵔⴰⵏⵜ.

ⵖⵎⴽⵍⵍⵉ ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵉⵊⴰⴹⴰⵕⵎⵉⵏ ⴷ ⵍⴱⵓⵍⵉⵙ ⴷ ⵜⴳⴳⴰⵍⵉⵏ ⵏ ⵜⵡⵉⵙⵉ ⴷ ⵜⵎⵙⵙⵓⴳⵓⵔⵜ ⵏ ⵡⴰⴽⴰⵍ ⴳ ⵉⴳⵔ ⵏ ⵓⵎⵣⴰⵖ ⵅⴼ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⵏ ⵜⵎⴰⵣⵉⵔⵜ.






 

Dernière modification : 30 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%9C%E2%B4%B0%E2%B4%B3%E2%B5%93%E2%B5%94%E2%B5%89-%E2%B5%89-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B5%89-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F#comment-0