ⴽⵓⴼⵉⴷ-19..ⵍⵎⵖⵔⵉⴱ ⴳⵔ ⵜⵎⵉⵣⴰⵔ ⵍⵍⵉ ⵢⵙⴽⵔⵏ ⵓⵡⵜⵜⴰⵙ ⴰⴳⵔⴰⵖⵍⴰⵏ ⵏ ⵓⴳⵣⵣⴰⵢ (ⴰⵙⵉⵔⴰ ⴰⵙⴳⵡⴰⵏ ⵏ ⵜⵏⵎⴰⵍⴰⵢⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ )

02 ⵛⵓⵜⴰⵏⴱⵉⵔ 2021 Version Imprimable

ⴱⵔⴰⵣⴰⴼⵉⵍ - ⵉⵙⴷⴷⵉⴷ ⵓⵙⵉⵔⴰ ⴰⵙⴳⵡⴰⵏ ⵏ ⵜⵏⵎⴰⵍⴰⵢⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ ⴳ ⵉⴼⵔⵉⵇⵢⴰ ⴰⵙⵙ ⵏ ⵓⴽⵡⴰⵙ ⵎⴰⵙ ⵍⵎⵖⵔⵉⴱ ⴳⵔ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⵍⵍⵉ ⵉⵙⴽⵔⵏ ⵡⵜⵜⴰⵙ ⴰⴳⵔⴰⵖⵍⴰⵏ ⵏ ⵓⴳⵣⵣⴰⵢ ⵍⵍⵉ ⵜⵙⵔⵙ ⵜⵎⵙⵎⵓⵏⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ ⴳ ⵓⴳⵣⵣⴰⵢ ⵏ 10% ⵏ ⵉⵙⵎⵍⵏ ⵓⴳⴳⵔ ⵉⵙⴼⵙⵔⵏ ⵙ ⴽⵓⴼⵉⴷ-19 ⴷⴰⵜ ⵏ ⵓⵇⵇⵏ ⵏ ⵛⵓⵜⴰⵏⴱⵉⵔ.

ⵉⵏⵏⴰ ⵓⵙⵉⵔⴰ ⵏ ⵜⵏⵍⴰⵍⴰⵢⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ ⵏ ⵉⴼⵔⵉⵇⵢⴰ ⴳ ⵓⵙⵉⵜ ⵏⵏⵙ ⴳ ⵓⵥⵟⵟⴰ ⵏ ⴰⵏⵜⵉⵔⵏⵉⵜ ⵎⴰⵙ " ⵜⵥⴰ ⵏ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⵉⵍⵍⴰ ⴳⵉⵙⵏ ⵉⴼⵔⵉⵇⵢⴰ ⵏ ⵉⴼⴼⵓⵙ ⴷ ⵍⵎⵖⵔⵉⴱ ⴷ ⵜⵓⵏⵙ ⵙⴽⵔⵏ ⵓⵡⵜⵜⴰⵙ ⴰⴳⵔⴰⵖⵍⴰⵏ ⵏ ⵓⴳⵣⵣⴰⵢ ⵎⴰⵢⴰⴷ ⵜⵙⵔⵙ ⴳ ⵡⴰⵢⵢⵓⵔ ⵏ ⵎⴰⵢⵢⵓ ⵏ ⵜⵎⵙⵎⵓⵏⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ ⵜⴳⴰ ⵓⵍⴰ ⵓⵏⴳⵔⴰⵡ ⵢⴰⵜⵜⵓⵢⵏ ⵏ ⵓⵙⵙⵓⴼⵖ ⵏ ⵜⵖⵜⴰⵙⵔ ⴳ ⵜⵏⵎⴰⵍⴰⵢⵜ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ .

ⴳ ⵓⵎⵓⵙⵙⵓ ⵏ ⴷⵖⵉ ⵉⵍⵍⴰ ⴽⵕⴰⴹ ⵏ ⵉⵡⴰⵏⴽⵏ ⵉⴼⵔⵉⵇⵢⵉⵏ ⵢⴰⴹⵏⵉⵏ ⴳ ⵓⴱⵔⵉⴷ ⵏⵏⵙ ⵏ ⵓⵙⴽⵔ ⵏ ⵡⵜⵜⴰⵙ ⴰⴷ ⴷ ⵥⴹⴰⵕⵏ ⵏ ⵙⵏⴰⵜ ⵜⵎⵉⵣⴰⵔ ⵢⴰⴹⵏⵉⵏ ⴰⵙⴽⵔ ⵏ ⵓⵍⴰⵢ ⵏ ⵓⵎⵓⵙⵙⵓ ⵏ ⵜⵓⴳⵣⵣⴰⵢ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3%E2%B5%94-%E2%B5%9C%E2%B5%8E%E2%B5%89%E2%B5%A3%E2%B4%B0%E2%B5%94-%E2%B5%8D%E2%B5%8D%E2%B5%89-%E2%B5%A2%E2%B5%99%E2%B4%BD%E2%B5%94%E2%B5%8F-%E2%B5%93%E2%B5%A1%E2%B5%9C%E2%B5%9C%E2%B4%B0%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B4%B0%E2%B5%99%E2%B5%89%E2%B5%94%E2%B4%B0-%E2%B4%B0%E2%B5%99%E2%B4%B3%E2%B5%A1%E2%B4%B0%E2%B5%8F-%E2%B5%8F