ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵔⴰⴷ ⵉⵙⵙⵉⵅⴼ ⵜⵉⴼⴼⵓⴳⵍⴰ ⵉⵙⵙⴽⵜⵉⵏ ⵜⴰⴼⵓⴳⵍⴰ ⵏ ⵓⴷⴰⴱⵓ ⴷ ⵔⴰⴷ ⵉⴼⴽ ⵢⴰⵏ ⵉⵏⴰⵡ ⵉ ⵜⵎⵜⵜⵉ

29 ⵢⵓⵍⵢⵓⵣ 2013 Version Imprimable

ⵕⵕⴱⴰⵟ - ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ, ⵔⴰⴷ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵍⵉⴼⵟⴰⵕ ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵎⴰⵢⴰⴷ ⴰⴷ ⵉⵏⵏⴰ ⴰⵙⵙ ⵏ ⵓⵢⵏⴰⵙ ⵜⵎⴰⵡⴰⵙⵜ ⵏ ⵜⴳⵎⵎⵉ ⵜⴰⴳⵍⴷⴰⵏⵜ ⴷ ⵓⴱⵕⵓⵟⵓⴽⵓⵍ ⴰⵎⵎⴰⵙ ⵏ ⵢⴰⵏ ⵓⵙⵉⵡⴹ.

ⵔⴰⴷ ⵉⵣⵔⵉ ⵉⵏⴰⵡ ⵏ ⵓⴷⴰⴱⵓ ⵙ ⵓⵙⵔⴰⴷ ⴳ ⵓⵏⵣⵡⴰⵢ ⴷ ⵜⵜⵉⵍⵉⴼⵉⵣⵢⵓⵏ ⵉⵏⴰⵎⵓⵔⵏ ⴳ 01 ⵏ ⵜⵣⴷⵡⵉⵜ, ⵉⵔⵏⵓ ⵢⵏⵏⴰ ⵓⵙⵉⵡⴹ ⴰⴷ.

ⵔⴰⴷ ⵙⵓⵍ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⴰⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵊⵉⵏⵉⵕⴰⵍ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⴰⴳⵍⴷⴰⵏⵉⵏ (ⴼⴰⵕ), ⴷ ⵢⵉⴹ ⵏ ⵓⴽⵕⴰⵙ ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵜⴰⴼⵓⴳⵍⴰ ⵏ ⵜⵏⴽⴷⴰ ⵏ ⵓⴳⴳⴰⵍ ⵍⵍⵉ ⵔⴰⴷ ⴼⴽⵉⵏ ⴹⵓⴱⴱⴰⵟ ⵉⵎⴰⵢⵏⵓⵏ ⵍⵍⵉ ⴼⴼⵖⵏ ⴰⵎⵎⴰⵙ ⵏ ⵜⵉⵏⵎⵍⴰ ⴷ ⵉⵙⵉⵏⴰⴳⵏ ⵉⵄⵚⴽⵕⵉⵏ ⴷ ⵓⵣⴳⵏ ⵉⵄⵚⵔⵕⵉⵏ ⴷ ⵉⵖⵔⵉⵎⵉⵏ.

ⵔⴰⴷ ⵙⵙⵉⵅⴼⵏⵜ ⵉⵙⵜⵜ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⵉⴳⵍⴷⴰⵏⵉⵏ ⵢⴰⵜ ⵜⴼⵓⴳⵍⴰ ⵏ ⵓⵙⵏⵓⴱⴳ ⵍⵍⵉ ⵔⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ ⵙ ⵓⴱⵓⵔⵣ ⵏ ⵜⵎⵖⵔⴰⵉⵏ ⵜⵉⵎⵉⵍⴰⵏⵉⵏ.

Dernière modification : 29 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%94%E2%B4%B0%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B5%89%E2%B4%BC%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%89%E2%B5%99%E2%B5%99%E2%B4%BD%E2%B5%9C%E2%B5%89%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B4%B7-%E2%B5%94%E2%B4%B0%E2%B4%B7-%E2%B5%89%E2%B4%BC%E2%B4%BD-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1#comment-0