ⵔⴰⴷ ⵉⴱⴷⴷ ⵍⵎⵖⵔⵉⴱ ⴳ ⵓⵎⵖⵍⴰⵍ ⵜⴰⵎⴰⵏ ⵏ ⵍⵉⴱⵢⴰ ⴷ ⵔⴰⴷ ⵉⵎⵓⵏ ⵜⵓⴳⴳⴰⵣ ⵏⵏⵙ ⴱⵍⴰ ⵏ ⴽⵔⴰ ⵏ ⵓⴽⵛⵛⵓⵎ ⵏⵖⴷ ⴰⵊⵊⵏⴷⴰ (ⵎⴰⵙⵙ ⴱⵓⵕⵉⵟⴰ)

26 ⵖⵓⵛⵜ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴰⵙⵙ ⵏ ⵓⴽⵕⴰⵙ ⵎⴰⵙ ⵔⴰⴷ ⵉⴱⴷⴷ ⵍⵎⵖⵔⵉⴱ ⵙ ⵓⵎⵖⵍⴰⵍ ⵜⴰⵎⴰⵏ ⵍⵉⴱⵢⴰ "ⴱⵍⴰ ⴽⵔⴰ ⵏ ⴰⵊⵊⵏⴷⴰ ⵓⵙⵍⵉⴷ ⵜⵏⴼⵔⵓⵜ ⴷ ⵓⵔⴳⴳⵉⴳ " ⵏ ⵜⵎⴰⵣⵉⵖⵜ ⴰⴷ .

ⵉⴼⵔⴰ ⵢⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵢⴰⵏ ⵓⵎⴰⴳⵔ ⵏ ⵜⵏⵖⵎⴰⵙⵜ ⵉⵛⵛⴰⵔⵏ ⴷ ⵓⵎⴰⵔⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵓⵏⵙⵙⵉⵅⴼ ⴰⵍⵉⴱⵉ ⵄⴱⴷⵍⵍⴰⵀ ⵍⵍⴰⴼⵉ ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⵍⵍⵉ ⵢⵙⴽⵔⵏ ⵙⵏⴰⵜ ⵜⴼⵓⵍⵉⵏ ⵎⴰⵙ ⵜⴳⵍⴷⵉⵜ "ⵔⴰⴷ ⵜⵜⵉⵍⵉ ⵙ ⵓⵎⵖⵍⴰⵍ ⵜⴰⵎⴰⵏ ⵍⵉⴱⵢⴰ ⵜⵎⵓⵏ ⵏ ⵜⵓⴳⴳⴰⵣ ⵏⵏⵙ ⴷ ⵜⵓⴳⴳⴰⵣ ⵏ ⵓⴳⵔⴰⵡ ⴰⵎⴰⴹⵍⴰⵏ ⴱⵍⴰ ⴽⵔⴰ ⵢⴳⴰⵜ ⵓⴽⵛⵛⵓⵎ ⵏⵖⴷ ⴰⵊⵊⵏⴷⴰ ⵙ ⵓⵙⵍⵉⴷ ⵜⵏⴼⵔⵓⵜ ⴷ ⵓⵔⴳⴳⵉⴳ ⵏ ⵍⵉⴱⵢⴰ ⵎⴰⵢⴰⴷ ⵉⴳⴰⵏ ⴰⵙⴽⴽⵉⵏ ⵉⴷⴷⵓⵔⵏ ⴳ ⵜⵙⴳⴰ ⵏ ⵍⵎⵖⵔⵉⴱ ⴰⵎⵇⵕⴰⵏ ⵍⵍⵉ ⵜⵙⵙⵙⵏ ⵜⵉⵏⵥⵔⵉⵏ.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵉⵎⵍⴰ ⵉ ⵎⴰⵙⵙ ⵍⵍⴰⴼⵉ ⵓⵏⵏⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵖⴰⵔⴰⵙⵜ ⵜⴰⵙⵔⵜⴰⵏⵜ ⴰⵍⵉⴱⵉ ⵎⴰⴷ ⵉⵙⴽⵔ ⵓⵏⵙⵇⵇⵉⵎ ⵏ ⵜⵏⵙⵙⵉⵅⴼⵜ ⴷ ⵜⵉⵏⴱⴰⴹⵉⵏ ⵜⵉⵎⵙⴽⴰⵔⵏⵉⵏ ⵜⵉⴽⵓⴷⴰⵏⵏ ⴳ ⵍⵉⴱⵢⴰ ⵏ ⵜⵜⵓⵙⴽⴰⵔⵏ ⵙⴳ ⵓⵎⵎⴰⵣ ⵏ ⵜⵡⵓⵔⵉⵡⵉⵏ ⵏⵏⵙ ⵓⵍⴰ ⵓⵏⵏⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵓⴼⵙⴰⵢ ⵏ ⵜⵉⵎⵓⴽⵔⵉⵙⵉⵏ ⴷ ⵓⵔⴰⵔ ⵅⴼ ⴳⵯⴰⵏⵉⵏ ⵏ ⵉⵍⵉⴱⵢⵉⵏ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B4%B1%E2%B4%B7%E2%B4%B7-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%8E%E2%B5%96%E2%B5%8D%E2%B4%B0%E2%B5%8D-%E2%B5%9C%E2%B4%B0%E2%B5%8E%E2%B4%B0%E2%B5%8F-%E2%B5%8F-%E2%B5%8D%E2%B5%89%E2%B4%B1%E2%B5%A2%E2%B4%B0-%E2%B4%B7-%E2%B5%94%E2%B4%B0%E2%B4%B7-%E2%B5%89%E2%B5%8E%E2%B5%93%E2%B5%8F-%E2%B5%9C%E2%B5%93%E2%B4%B3%E2%B4%B3%E2%B4%B0%E2%B5%A3-%E2%B5%8F%E2%B5%8F%E2%B5%99-%E2%B4%B1%E2%B5%8D%E2%B4%B0-%E2%B5%8F-%E2%B4%BD%E2%B5%94%E2%B4%B0-%E2%B5%8F-%E2%B5%93%E2%B4%BD%E2%B5%9B%E2%B5%9B%E2%B5%93%E2%B5%8E