Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 68 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵉⵏⴰⵡ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 68 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ

20 ⵖⵓⵛⵜ 2021 Version Imprimable
ⴼⴰⵙ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵜⵎⵜⵜⴰ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 68 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵎⴰⵙ ⵉⴳⴰ ⵓⴽⵜⵜⴰⵢ ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⵢⴰⵏ ⵓⵣⵎⵣⵣⵓ ⴰⵅⴰⵜⴰⵔ ⵏ ⵓⵙⵙⴽⵜⵉ ⵏ ⵉⵜⵉⴳⵏ ⵏ ⵓⵙⴻⵍ ⴷ ⵓⵙⵓⴼⵓ ⴰⴼⴰⴷ ⵜⴰⴷⵔⴼⵉ ⵏ ⵜⵎⵓⵔⵜ ⴷ ⵜⵙⵉⵎⴰⵏⵜ ⵏⵏⵙ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⴷ ⵢⵓⵛⴽⴰ ⵓⵙⴼⵓⴳⵍⵓ ⵏ ⵓⴽⵜⵜⴰⵢ ⴰⴷ ⵎⵏⵏⴰⵡ ⵓⵙⵙⴰⵏ ⴷⴰⵜ ⵉⵙⵜⵢⵏ ⴷ ⵢⵓⵛⴽⴰⵏ. 

ⵉⵔⵏⵓ ⵢⵏⵏⴰ ⵎⴰⵙ ⵔⴰⴷ ⵣⵔⵉⵏ ⵉⵙⵜⴰⵢⵏ ⴰⴷ ⴳ ⵉⵙⵡⵉⵔⵏ ⵓⵣⵔⵉⴼⵏ ⴷ ⵉⵏⵎⵏⴰⴹⵏ ⵉⴷⵖⵔⴰⵏⵏ, ⵎⴰⵢⴰⴷ ⴰⵔ ⵉⵎⵎⴰⵍ ⵜⴰⴷⵔⵓⵜ ⵏ ⵜⵡⵡⵓⵔⵉ ⵜⴰⴷⵉⵎⵓⵇⵔⴰⵟⵉⵜ.

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵉⴷⵎⵓ ⵎⴰⵙ ⴰⵔ ⵉⵜⴷⵓⵙ ⵓⵡⴰⵏⴽ ⵙ ⵜⵎⵔⵙⴰⵍⵉⵏ ⵏⵏⵙ ⴷ ⵡⴰⵎⵓⵏ ⵏ ⵉⵙⵎⴰⵜⵜⴰⴳⵏ ⵏⵏⵙ ⵉⵏⴰⵎⵓⵔⵏ.

ⵉⴼⵔⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙ ⵉⴳⴰ ⵍⵎⵖⵔⵉⴱ ⴰⵡⵜⵜⴰⵙ ⵏ ⴽⵔⴰ ⵏ ⵉⵡⴰⵏⴽⵏ ⴷ ⵜⵏⵎⴰⵍⴰⵢⵉⵏ ⵍⵍⵉ ⵉⵜⵜⵓⵙⵙⴰⵏ ⵙ ⵓⴽⵙⴰⵍ ⵏⵏⵙⵏ ⵉ ⵜⵎⴰⵣⵉⵔⵜ ⵏⵏⵖ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵉⴳⴰ ⵍⵎⵖⵔⵉⴱ ⴰⵡⵜⵜⴰⵙ ⴰⵛⴽⵓ ⵉⴳⴰ ⴰⵡⴰⵏⴽ ⴰⵇⴱⵓⵔ ⵍⵍⵉ ⴷⴰⵔ 12 ⵏ ⵜⴰⵙⵓⵜⵉⵏ ⴷ ⵓⵍⴰ ⴰⵎⵣⵔⵓⵢ ⴰⵎⴰⵣⵉⵖ ⵉⵖⵣⵣⵉⴼⵏ, ⵜⵙⵏⵎⴰⵍⴰ ⵜⵡⵓⵔⵉⵡⵉⵏ ⵏⵏⵙ ⵜⴰⴳⵍⴷⴰ ⵜⴰⵏⴰⵎⵓⵔⵜ ⵙⴳ ⴽⴽⵯⵓⵥ ⵏ ⵜⴰⵙⵓⵜⵉⵏ ⵙ ⵢⴰⵏ ⵓⵎⵢⴰⵙⵙⴰ ⵉⴷⵓⵙⵏ ⴳⵔ ⵓⴷⴰⴱⵓ ⴷ ⵓⴳⴷⵓⴷ.

ⵉⴳⴰ ⵍⵎⵖⵔⵉⴱ ⴰⵡⵜⵜⴰⵙ ⵓⵍⴰ ⵅⴼ ⵜⴰⵏⴰⴼⵓⵜ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⵍⵍⵙ ⵉⵜⵢⴰⵡⵙⵙⴰⵏ ⴳ ⵓⵎⴰⴹⴰⵍ, ⵎⴰⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵎⵇⵇⴰⵕ ⵖⵉⴽ ⴰⵏⵏ, ⵉⵜⵜⵓⵙⵙⴰⵏⵏ ⵍⵎⵖⵔⵉⴱ ⵙ ⵓⵙⵓⵎⵍ ⵏⵏⵙ ⵍⵍⵉ ⵓⵔ ⴼⵍⵍⴰⵜ ⵉⵜⵜⵏⵏⴰⵇⴰⵛ ⴽⵔⴰ ⵢⴳⴰⵜⵜ ⵢⴰⵏⵏ, ⴷ ⵙ ⵓⵥⵟⵟⴰ ⵏ ⵜⵓⵇⵇⵏⵉⵏ ⵉⵛⵇⵇⴰⵏ ⴷ ⵓⴱⴰⵔⴰⵡ, ⴷ ⵜⵍⵍⴰ ⴷⴰⵕⵜ ⵜⵖⵍⵉⴼⵜ ⴳ ⵓⵙⵡⵉⵔ ⴰⵎⴰⴹⵍⴰⵏ ⵓⵍⴰ ⵉⴳⵔⴰⵖⵍⴰⵏ. 

ⵉⵙⵙⵏ ⵍⵎⵖⵔⵉⴱ, ⵣⵓⵏⴷ ⴽⵔⴰ ⵏ ⵉⵡⴰⵏⴽⵏ ⵏ ⵜⵎⵓⵏⵜ ⵏ ⵍⵎⵖⵔⵉⴱ ⴰⵎⵇⵕⴰⵏ, ⵉ ⵢⴰⵜ ⵜⵎⵀⵍⴰ ⵜⴰⵎⴰⴷⵓⵜ ⵉⵜⵜⵢⵓⵔⴰⵏ, ⴰⵛⴽⵓ ⵢⵎⵏⵖⵏ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⴳⵍⴷⵉⵜ ⵓⵔ ⵔⵔⵉⵏ ⴰⴷ ⵉⵍⵍⴻⵍ ⵍⵎⵖⵔⵉⴱ ⴷ ⴰⴷ ⴷⴰⵔⵜ ⵢⵉⵍⵉ ⵉⴹⵉⵚ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ. 

ⵉⵏⵏⴰ ⵎⴰⵙ ⴽⵔⴰ ⵏ ⵉⵡⴰⵏⴽⵏ, ⵙⵍⴰⵡⴰⵏ ⴰⴽⴽⵯ ⵡⵉⵏⵏ ⵉⴳⴰⵏ ⵓⵕⵓⴱⴱⵉⵢⵏ, ⵍⵍⵉ ⴳⴰⵏ ⴰⵎⵎⴰⵙ ⵏ ⵉⵎⴷⵔⴰⵡⵏ ⵉⵣⴰⵢⴽⵓⵏ, ⴰⵔ ⵜⵜⵉⴽⵚⵓⴹⵏ ⵅⴼ ⵜⵏⴰⴼⵓⵜⵉⵏ ⵜⵉⴷⵎⵙⴰⵏⵉⵏ ⵏⵏⵙⵏ, ⴷ ⵅⴼ ⵉⴳⴰⴷⴰⵣⵏ ⴷ ⵉⵎⵎⴰⵙⵏ ⵏ ⵓⵏⴱⴰⴹ ⵏⵏⵙⵏ ⴳ ⵜⵙⴳⴰ ⵜⵎⵖⵔⴰⴱⵉⵜ.

ⵓⵔ ⵔⵉⵏ ⴰⴷ ⵙⵙⵏⵏ ⵉⵙ ⴱⴷⴷⵍⵏ ⵉⵍⵓⴳⵏⵏ ⵏ ⵜⵓⵇⵇⵏⴰ, ⴷ ⵎⴰⵙ ⵜⵎⵉⵣⴰⵔ ⵏⵏⵖ ⵥⴹⴰⵕⵏⵜ ⴰⴷ ⵙⵡⵓⴷⴷⵓⵏ ⵜⵖⴰⵡⵙⵉⵡⵉⵏ ⵏⵏⵙⵏ ⴷ ⴰⴷ ⵙⵙⴰⵔⵓⵏ ⵉⵙⴰⴳⵎⵏ ⵏⵏⵙⵏ ⵉ ⵢⴳⴷⵓⴷⵏ ⵏⵏⵙⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵜⵓⵙⵎⴰⵏⵏ ⵎⵏⵏⴰⵡ ⵉⵎⴰⵙⵙⵏ ⴰⴼ ⴰⴷ ⵓⵜⵏ ⵍⵎⵖⵔⵉⴱ ⴷ ⴰⴷ ⵜ ⵙⵙⴽⵛⵎⵏ ⴳ ⵜⵎⵓⴽⵔⵉⵙⵉⵏ ⴷ ⵉⵎⵣⴰⵔⴰⵢⵏ ⴷ ⴽⵔⴰ ⵏ ⵜⵎⵉⵣⴰⵔ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⴼⵔⴰ ⵢⵏⵏⴰ ⵎⴰⵙ ⵉⵜⵜⵓⵙⴽⴰⵔ ⵙⵓⵍ ⵢⴰⵏ ⵓⵎⵣⵉⵣⵣⵍ ⴰⴱⴰⵔⴰⵡ ⵉⵔⴰⵏ ⴰⴷ ⵉⵙⵙⵅⵛⵏ ⵜⴰⵡⵍⴰⴼⵜ ⵏ ⵜⵎⵔⵙⴰⵍ ⵜⵉⵏⴼⵔⵓⵜⵉⵏ ⵏⵏⵖ. 

ⵉⵙⴷⴷⴻⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵔⴰⴷ ⵉⵔⵏⵓ ⵍⵎⵖⵔⵉⴱ ⵜⵖⴰⵔⴰⵙⵜ ⵏⵏⵙ, ⵎⵇⵇⴰⵕ ⵉⵖ ⵓⵔ ⵔⵉⵏ ⵖⵉⴽⴰⵏⵏ ⵉⵛⴻⵏⴳⵓⵏ ⴷ ⵉⵛⵛⵃⵏⴰⵏ.

ⵉⵏⵏⴼⵍ ⵍⵎⵖⵔⵉⴱ ⵎⴰⵛ ⵓⵔ ⵖⵉⴽ ⵍⵍⵉ ⵔⴰⵏ ⵡⵉⴷ, ⴰⵛⴽⵓ ⵓⵔ ⵉⵇⴱⵉⵍ ⵎⴰⴷ ⵉⵜⵜⴳⴳⴰⵔⵏ ⵉ ⵜⵏⴰⴼⵓⵜⵉⵏ ⵜⵉⵎⴰⵜⵜⴰⵢⵉⵏ ⵏⵏⵙ, ⵎⴰⵛ ⵉⵔⴰ ⵙⵓⵍ ⴰⴷ ⵉⵙⵔⵙ ⵜⵓⵇⵇⵏⴰⵏ ⵓⵜⵜⵓⵚⴽⴰⵏ ⴷ ⵉⵎⵢⴰⵙⵏ, ⵙⵍⴰⵡⴰⵏ ⴰⴽⴽⵯ ⴷ ⵉⵡⴰⵏⴽⵏ ⵉⴷⴷⵊⴰⵕⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵔⴰ ⵢⵏⵏⴰ ⵎⴰⵙ ⵖⵉⴽ ⴰⵏⵏ ⴰⴷ ⵉⴳⴰ ⵍⵃⴰⵍ ⴳ ⵜⵓⵇⵇⵏⴰ ⵍⵍⵉ ⵏⵖ ⵉⵙⵎⴰⵏⵏ ⴷ ⵜⴰⴷⴷⵊⴰⵕⵜ ⵏⵏⵖ ⵚⴱⴰⵏⵢⴰ, ⵓⵍⴰ ⴷ ⴼⵕⴰⵏⵚⴰ.

ⵉⵖ ⵜⴳⴰ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⵢⴰⵜ ⵜⵖⴰⵡⵙⴰ ⵜⴰⵎⵣⵔⵓⵢⵜ ⴳ ⵜⵖⴰⵔⴰⵙⵜ ⵏ ⵜⵍⴻⵍⵍⵉ ⵏ ⵍⵎⵖⵔⵉⴱ ⴷ ⵜⵙⵉⵎⴰⵏⵜ ⵏⵏⵙ, ⵏⵍⵍⴰ ⵖⵉⵍ ⴰⴷ ⴷⴰⵜ ⵏ ⵢⴰⵜ ⵜⴽⵍⵉ ⵜⴰⵎⴰⵢⵏⵓⵜ ⵉⵔⴰⵏ ⴰⴷ ⵢⵉⵍⵉ ⵡⵣⵔⴰⴽ ⵏ ⵉⵎⴰⵏ ⵏ ⵜⵏⴰⵎⵓⵔⵜ ⵉⵖⵥⴰⵏⵏ, ⴰⴼ ⴰⴷ ⵜⵜⵢⵓⵙⴰⵏ ⵜⵉⵏⵥⵕⵉⵏ ⵏ ⵓⴳⵏⵙⵓ ⵓⵍⴰ ⵏ ⴱⵕⵕⴰ. 

Dernière modification : 20 ⵖⵓⵛⵜ 2021
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99