Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴹⵉⵙⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴹⵉⵙⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

27 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜⴰ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ ⴷ ⵓⵏⵙⵙⵉⵅⴼ ⵏ ⵓⵡⵏⴰⴽ ⵏ ⵙⴰⵏⵉⴳⴰⵍ ⵎⴰⴽⵉ ⵚⴰⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴹⵉⵙⵜ ⵏ ⵕⵎⴹⴰⵏ ⵅⴼ ⵜⵎⵔⵏⵓⵜ « ⵜⵉⵍⴰⵍⵜ ⵏ ⵜⴼⵍⵙⵜ ⴳ ⵓⵏⵀⵍ ⵏ ⵜⴷⵓⵙⵉ ⵏ ⵢⵉⵎⴰⵏⵏ ⴷ ⵜⴼⴳⴳⵉⵡⵉⵏ ».

ⵜⴰⵎⵣⵣⵔⴷⵜ ⴰⴷ ⵜⵙⵎⵓⵙⵙⴰⵜ ⵜ ⵎⴰⵙⵙⴰ ⴰⵎⵉⵏⴰ ⵍⵄⵉⵕⴰⵇⵉ, ⵜⴰⵎⵙⵏⵉⵊⵊⵉⵜ ⵜⴰⵎⵙⴳⵏⴰⴼⵜ ⵏ ⵢⵉⵍⵎ ⴷ ⵜⴰⵎⵙⵜⴳⴳⴰⵔⵜ ⵖ ⵓⵙⵇⵇⵉⵎ ⴰⴷⵖⵔⴰⵏ ⵏⵍⵄⵓⵍⴰⵎⴰ ⵏ ⵕⵕⴱⴰⵟ ⵅⴼ ⵜⵎⵔⵏⵓⵜ « ⵜⵉⵍⴰⵍⵜ ⵏ ⵜⴼⵍⵙⵜ ⴳ ⵓⵏⵀⵍ ⵏ ⵜⴷⵓⵙⵉ ⵏ ⵢⵉⵎⴰⵏⵏ ⴷ ⵜⴼⴳⴳⵉⵡⵉⵏ ».

ⵜⵙⴰⵡⵍ ⵎⴰⵙⵙⴰ ⴰⵎⵉⵏⴰ ⵅⴼ ⵜⵣⴷⴰⵢⵜ ⵉⵍⵍⴰⵏ ⴳⵔ ⵜⴰⵢⵔⵉ ⵏ ⵓⵙⵍⵎⴷ ⵏ ⵓⵙⴳⴷ ⴷ ⵓⵏⵀⵍ ⵏ ⵜⴷⵓⵙⵉ ⵏ ⵜⴼⴳⴳⴰ ⴷ ⵢⵉⵎⴰⵏ, ⵜⴱⴹⴰ ⵜⵉⵏⴰⵡⵜ ⵏⵏⵙ ⵅⴼ ⴽⵕⴰⴹ ⵏ ⵓⵙⴳⵓⵎⵏ : ⴰⵙⵉⴷⴷ ⵏ ⵜⵣⴷⴰⵢⵜ ⴳⵔ ⵜⴰⴼⵍⵙⵜ ⴷ ⵜⴷⵓⵙⵉ, ⵜⴰⴼⵍⵙⵜ ⴷ ⵜⴷⵓⵙⵉ ⵏ ⵜⴼⴳⴳⴰ ⴷ ⵜⴰⴼⵍⵙⵜ ⴷ ⵜⴷⵓⵙⵉ ⵏ ⵢⵉⵎⴰⵏ.

ⵜⵏⵏⴰ ⵎⴰⵙ ⵟⵟⴰⴼⵏ ⵉⵎⵓⵙⵙⵓⵜⵏ ⵉⴷⵍⵙⴰⵏ ⵜⵓⵙⵓⵔⵜ ⵉⴳⴳⵓⵜⵏ ⴼ ⵜⴷⵓⵙⵉ ⵏ ⵓⴼⴳⴰⵏ. ⵎⵇⵇⴰⵕ ⵜⵍⴽⵎ ⵜⵙⵏⵉⵊⵊⵉⵜ ⵜⴰⵎⴰⵢⵏⵓⵜ ⵎⴰⴷ ⵉⴳⴳⵓⵜⵏ, ⵓⵔⵜⴰ ⵜⵥⴹⴰⵕ ⴰⴷ ⵜⴰⴼ ⵉⵙⴰⴼⴰⵔⵏ ⵉ ⵎⵏⵏⴰⵡ ⵏ ⵜⵎⵓⴹⴰⵏ.

ⵜⵏⵏⴰ ⵎⴰⵙ ⵉⵅⵚⴰ ⴰⵙⵜ ⵜ ⵢⴰⵡⵉ ⵓⴼⴳⴰⵏ ⴳ ⵢⵉⵎⴰⵏ ⵏⵏⵙ ⵉⴳ ⴰⵎⵣⵣⵉⴹⵕ, ⴰⴼⴰⴷ ⴰⴷ ⵉⵣⵔⵉ ⵜⵓⵎⵓⴽⵔⵉⵙⵉⵏ ⵏ ⵜⵓⴷⵔⵜ, ⵖⵎⴽⵍⵍⵉ ⵙ ⵉⵏⵏⴰ ⵓⵙⴳⴷ.

ⵙ ⵓⵣⵎⵓⵣⵣⵓ ⵢⴰⴷ, ⵉⴼⴽⴰ ⵓⵎⴰⵡⵙⴰⵙⵏ ⵍⵃⴰⴱⵓⵙ ⴷ ⵉⵙⴽⴽⵉⵏⵏ ⵏ ⵍⵉⵙⵍⴰⵎ ⵎⴰⵙⵙ ⵃⵎⴰⴷ ⵜⴰⵡⴼⵉⵇ ⵉ ⵓⵏⵙⵙⵉⵅⴼ ⴰⵙⵉⵏⵉⴳⴰⵍⵉ ⵢⴰⵜ ⵜⵓⵏⵖⵉⵍⵜ ⵏ ⵍⵇⵇⵕⴰⵏ ⵉⵥⵉⵍⵏ ( ⵍⵎⵓⵚⵃⴰⴼ ⵍⵎⵓⵃⴰⵎⵎⴰⴷⵉ), ⵍⵍⵉ ⴷ ⵜⵙⵙⴼⴰⵖ ⵜⵎⵔⵙⵍ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵓⵣⵓⵣⵣⵔ ⵏ ⵍⵇⵕⴰⵏ.

ⴳ ⵜⴳⴰⵔⴰ, ⵉⵥⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵓⵏⵙⵙⵉⵅⴼ ⴰⵙⵉⵏⵉⴳⴰⵍⵉ ⵢⴰⵜ ⵜⵔⴰⴱⴱⵓⵜ ⵏ ⵜⵏⴹⴰⴼⵜ ⵜⴰⴳⵍⴷⴰⵏⵜ, ⵉⵎⵙⴰⴼⴰⴹ ⵉⵍⵎⵎⴰ ⵉⵏⴱⴳⵉ ⵏⵏⵙ ⴰⵅⴰⵜⴰⵔ.

Dernière modification : 27 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B9%E2%B5%89%E2%B5%99%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0