Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵙⴳⴰ ⵉ ⵜⵎⵖⴰⵔⵉⵏ ⵜⵉⵏⴰⵎⵓⵥⵉⵏ ⵉⵎⵓⵏⵏ ⴷ ⵜⴰⵣⵣⴰⵏⵉⵏ ⵏⵏⵙⵏⵜ ⴳ ⵜⵎⵔⵙⵍⵜ ⵜⴰⵎⵙⴳⴳⴷⵜ ⵏ ⵄⵓⴽⴰⵛⴰ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵙⴳⴰ ⵉ ⵜⵎⵖⴰⵔⵉⵏ ⵜⵉⵏⴰⵎⵓⵥⵉⵏ ⵉⵎⵓⵏⵏ ⴷ ⵜⴰⵣⵣⴰⵏⵉⵏ ⵏⵏⵙⵏⵜ ⴳ ⵜⵎⵔⵙⵍⵜ ⵜⴰⵎⵙⴳⴳⴷⵜ ⵏ ⵄⵓⴽⴰⵛⴰ

27 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⴹⴹⴰⵕⵍⴱⵉⴹⴰ, ⵢⴰⵜ ⵜⵙⴳⴰ ⵉ ⵜⵎⵖⴰⵔⵉⵏ ⵜⵉⵏⴰⵎⵓⵥⵉⵏ ⵉⵎⵓⵏⵏ ⴷ ⵜⴰⵣⵣⴰⵏⵉⵏ ⵏⵏⵙⵏⵜ « ⵜⵉⴳⵎⵎⵉ ⵏ ⵢⵉⵎⵎⴰ» ⴳ ⵜⵎⵔⵙⵍⵜ ⵜⴰⵎⵙⴳⴳⴷⵜ ⵏ ⵄⵓⴽⴰⵛⴰ.

"ⵜⵉⴳⵎⵎⵉ ⵏ ⵢⵉⵎⵎⴰ" ⴰⵔ ⵜⵎⵎⴰⵍ ⴰⴱⵖⵓⵔ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵎⵉⴷⴷⵏ ⵍⵍⵉ ⵜⵜⵢⴰⵎⴰⵥⵏⵉⵏ, ⴰⴼⴰⴷ ⴰⴷ ⵉⵥⴹⵉⵕⵏ ⴰⴷ ⴽⵛⵎⵏ ⴰⵎⵓⵏ ⵉⵃⴷ ⴼⴼⴰⵖⵏ ⴷ ⴰⴷ ⴰⴷⵓⵔ ⵉⵡⵔⵔⵉⵏ ⵙ ⵓⴱⴽⴽⵉⴹ.

ⵢⵓⵙⵉ ⵓⵙⵏⵜⵉ ⵢⴰⴷ 24 ⵏ ⵜⵎⵖⴰⵕⵜ ⴷ ⵜⴰⵣⵣⴰⵏⵉⵏ ⵏⵙⵏⵜ. ⵉⵜⵜⵓⵙⴽⴰⵔ ⵙ 4,7 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵍⵉⵏ ⴳⵉⵙ 12 ⵏ ⵓⵃⴰⵏⵓ, ⵢⴰⵏ ⵓⴷⵖⴰⵔ ⵏ ⵜⵏⴰⵎⵓⵥⵉⵏ, ⵢⴰⵜ ⵜⵙⴷⴰⵍⵜ, ⵢⴰⵜ ⵜⴷⴰⵍⴰ ⵏ ⵜⵓⵏⵏⵓⵏⵜ ⴷ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ.

ⵔⴰⴷ ⴳⵉⵙ ⵢⵉⵍⵉ ⵓⴹⴼⴼⵓⵕ ⵏ ⵜⴰⵣⵣⴰⵏⵉⵏ ⴷ ⵓⵙⴳⵎⵉ ⵏⵙⵏ ⵉⵍⵉⵏ ⴳⵉⵙ ⵉⴹⴱⵉⴱⵏ ⵏ ⵜⴰⵙⵏⵉⵊⵊⵉⵜ ⵏ ⵜⵡⵜⵎⵉⵏ ⴷ ⵜⵉⵏ ⵜⴰⵣⵣⴰⵏⵉⵏ.

ⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵔⴰⴷ ⴳⵉⵙ ⵉⵍⵉⵏ ⵉⵙⵎⵓⵜⵜⴳⵏ ⴳ ⵜⴰⵙⵖⵔⴼⵜ, ⵜⴰⵙⵉⵔⵎⵜ ⴷ ⵜⵏⴰⴼⵓⵜ ⵏ ⵜⴷⵓⵍⵉ, ⵔⴰⴷ ⴳⵉⵙ ⵜⵉⵍⵉ ⵓⵍⴰ ⵢⴰⵏ ⵓⵙⴰⴽⴰ ⵏ ⵜⵏⵉⴹⵉ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵓⵣⵣⵓ ⵢⴰⴷ ⵜⴰⵏⴰⴽⵉⵏ ⵏ ⵜⵍⴰⵍⵉ ⵉ ⴰⴽⴽⵯ ⵜⵡⵓⵜⵎⵉⵏ ⵎⴰⵏⵏⵉⵏ ⴷ ⵜⴰⵣⵣⴰⵏⵉⵏ ⵏⵙⵏⵜ, ⵉⴼⴽⴰ ⵓⵍⴰ ⵉⵙⵍⴽⵉⵏⵏ ⵏ ⵍⴱⴰⴽⴰⵍⵓⵕⵢⴰ ⴷ ⵜⵓⵔⴰⴳⵜ ⵉ 10 ⵏ ⵉⵏⴰⵎⵓⵥⵏ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⴰⵏⴰⴽⵉⵏ ⵏ ⵓⵎⵓⵔⵙ ⵉ ⵙⵎⵎⵓⵙ ⵏ ⵡⵉⵍⵍⵉ ⵖⵕⴰⵏⵉⵏ ⴳ ⵓⵖⴰⵡⴰⵙ ⵏ ⴰⵙⵉⴷⵍⴼ, ⵉⴼⴽ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵉⴷⵉⴱⵍⵓⵎⵏ ⵉ10 ⵏ ⵉⵏⵍⵎⴰⴷⵏ ⵏ ⵓⵙⵎⵓⵜⵜⴳ ⵉⵣⵣⵓⵍⴰⵏ.

ⵉⴼⴽⴰ ⵉⵍⵎⵎⴰ ⴱⴰⴱ ⵏ ⵡⴰⴷⴷⵓⵔ ⵉ 30 ⵏ ⵡⵉⵍⵍⵉ ⵢⴰⴷ ⵜⵜⵢⴰⵎⴰⵥⵏⵉⵏ ⵍⵍⵉ ⴽⴽⴰⵏⵉⵏ ⴰⵎⵎⴰⵙ ⵏ ⵓⴹⴼⴼⵓⵕ ⵏ ⴷⴼⴼⵉⵔ ⵏ ⵓⵖⵣⵓ ⵏ ⴹⴹⴰⵕⵍⴱⵉⴹⴰ, ⵛⵛⵉⴽⴰⵜ ⴷ ⵉⵎⴰⵜⵜⵉⵡⵏ ⵏ 700.000 ⵏ ⴷⴷⵔⵀⵎ, ⵍⵍⵉ ⵔⴰⴷⴰⵙⵏ ⵢⴰⵡⵙ ⴳ ⵓⵎⴰⴹⴰⵍ ⵏ ⵜⵡⵓⵔⵉ.

Dernière modification : 27 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%99%E2%B4%B3%E2%B4%B0-%E2%B5%89-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%A5%E2%B5%89%E2%B5%8F-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B4%B7-%E2%B5%9C%E2%B4%B0%E2%B5%A3%E2%B5%A3%E2%B4%B0%E2%B5%8F%E2%B5%89%E2%B5%8F-%E2%B5%8F%E2%B5%8F%E2%B5%99%E2%B5%8F%E2%B5%9C-%E2%B4%B3#comment-0