ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⵔⵉⵏ ⵏ ⵍⵎⵖⵔⵉⴱ ⵉⵕⵥⵎ ⵜⴰⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵜⵙⵎⵖⵓⵔⵜ ⵍⴰⵍⵍⴰ ⵎⵔⵢⵉⵎ ⵏ ⵉⵙⵍⵍⵡⵉ ⴷ ⵓⵎⵓⵔⵙ

16 ⵖⵓⵛⵜ 2021 Version Imprimable

ⵕⵕⴱⴰⵟ - ⵜⵕⵥⵎ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⵔⵉⵏ ⵏ ⵍⵎⵖⵔⵉⴱ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵜⵎⵙⵖⵓⵔⵜ ⵏ ⵍⵍⴰⵍⴰ ⵎⵔⵢⵎ ⵏ ⵉⵙⵍⵍⵡⵉ ⴷ ⵓⵎⵓⵔⵙ ⵙ ⵓⵣⵣⵉⴳⵔ ⵏ ⵉⵙⵡⴰⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵉⵡⵜⵜⴰⵙ ⵏ ⵓⵙⵔⵇⴱ ⵏ ⵜⵙⵏⵜⴰⵢⵉⵏ ⵜⵎⵖⵔⵉⵏ ⵜⵉⵏⵙⵙⵉⵅⴼⵏⵜ ⴷ ⵓⵙⴷⵓⵙ ⵏ ⵉⵎⴰⵍ ⵏ ⵜⵏⴰⵢⵜ ⵜⵙⵏⵜⴰⵢⵜ ⴷ ⵜⵎⵙⵙⵏⵜⵉⵏ ⴷⴰⵔ ⵜⵎⵖⵔⵉⵏ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⵔⵉⵏ ⵏ ⵍⵎⵖⵔⵉⴱ ⵎⴰⵙ ⵉⵜⵜⵓⵕⵥⵓⵎ ⵜⴰⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵜⵙⵎⵖⵓⵔⵜ ⵙ ⵜⴷⵔⴰⵡⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵎⵓⵜⴳ ⴷ ⵓⵙⵍⵎⴰⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏ ⴷ ⵜⵎⴰⵡⴰⵙⵜ ⵏ ⵜⴱⴷⴰⴷⵜ ⴷ ⵜⴳⵎⵉ ⵜⴰⵏⴰⵎⵓⵏⵜ ⴷ ⵓⵙⵙⵉⴽⵍ ⴷ ⵍⴱⴰⵔⵉⴷ ⴱⴰⵏⴽ ⴷ ⵓⴳⵔⴰⵡ ⵏ ⵓⵎⵟⵟⴰⵍ ⴰⵏⴼⵍⵍⴰⵃ ⴳ ⵍⵎⵖⵔⵉⴱ ⴷ ⵜⵉⵏⵎⵍⴰ ⵜⴰⵏⴼⵍⴰⵏⵜ ⵏ ⵉⵎⴰⵙⵙⵏ ⵏ ⵜⴷⵎⵙⴰ ⴷ ⵜⴰⵙⵙⴱⴰⴱⵜ ⴷ ⴰⴼⵔⵓ-ⴰⵟⵍⴰⵚⵉ « ESSEC Afrique Atlantique ».

ⵉⵙⵓⵍ ⵉⵏⵏⴰ ⵎⴰⵙ ⵓⵖⴰⵡⴰⵙ ⵏ ⵜⵎⵙⵙⵏⵜⵉⵏ ⵔⴰⴷ ⵜⵉⵍⵉ ⴳ ⵜⵙⵓⵜⵍⵏ ⵓⵙⵎⵎⵓⵜⴳ ⵉⴳⴳⵓⵜⵏ (ⴰⵏⵜⵉⵔⵏⵉⵜ ⴷ ⵜⵉⵍⵉⵜ) ⴳ 4 ⵉⵢⵢⵓⵔⵏ ⴳ ⵎⵏⵏⴰⵡ ⵏ ⵉⴳⵔⵏ ⵉⵍⵍⴰ ⴳⵉⵙⵏ ⵎⵉⴷⴷⵏ ⵏ ⵜⵎⵙⵙⵏⵜⵉⵏ ⴷ ⵜⵉⵥⴹⵔⴰ ⵉⵙⴼⵍⵓⵍⵏ ⴷ ⵜⴳⵎⵉ ⵙ ⵉⵅⴼ ⴷ ⵉⵏⴽⵔⵙ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⴷ ⵓⵏⵏⴰⵏ ⵏ ⵉⵙⵏⵜⵉⵏ ⵉⵔⴰⵏ ⵙⵎⵖⵔⵏ ⵏ ⵜⵉⵔⴱⴰ ⴷⴰⵔⵜⵏ ⵉⵍⵍⴰ ⴳⵔ 20ⴷ 40 ⵓⵙⴳⴳⴰⵙ ⵙⴳ ⵉⵎⴰⴹⴰⵍⵏ ⴰⴼⵔⴰⵏ ⴷ ⴰⵎⵎⴰ ⵖⵔⵎⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B5%8E%E2%B5%96%E2%B5%94%E2%B5%89%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%95%E2%B5%A5%E2%B5%8E-%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%8F-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%89%E2%B5%8E-%E2%B5%8F