ⴰⵙⵎⵏⵉⴷ ⵏ ⵜⵡⵍⴰⴼⵜ ⵜⴰⵎⵣⵡⴰⵔⵓⵜ ⴷ ⵓⵎⴰⵜⴰⵢ ⵏ ⵜⵖⵓⵔⵉ ⵏ ⵓⵙⵏⵜⵉ ⵏ ⵜⵓⵚⴽⴰ ⵏ ⵓⵎⵣⴳⵓⵏ ⴰⵎⵇⵇⵕⴰⵏ ⵏ ⵓⴳⴰⴷⵉⵔ

10 ⵖⵓⵛⵜ 2021 Version Imprimable

ⴰⴳⴰⴷⵉⵔ - ⵜⵎⵓⵏ ⴳ ⵓⵙⵙⴰⵏ ⵣⵔⵉⵏⵉⵏ ⵢⴰⵜ ⵜⵙⵎⵓⵏⵉ ⵙ ⵡⴰⴳⴳⵓⴳ ⵙ ⵜⵏⵙⵙⵉⵅⴼⵜ ⵏ ⵍⵡⴰⵍⵉ ⵏ ⵜⵎⵏⴰⴹⵜ ⵙⵏ ⵙⵓⵙ ⵎⴰⵙⵙⵜ ⴷ ⵓⵏⴱⵉⴹ ⵏ ⵜⵎⵏⴱⴰⴹⵜ ⵏ ⵓⴳⴰⴷⵉⵔ ⵉⴷⴰⵡⵜⴰⵏⴰⵏ ⵎⴰⵙⵙ ⴰⵃⵎⴰⴷ ⵃⵊⵊⵉ ⵉⵣⵍⵉⵏ ⵙ ⵓⵙⵎⵏⵉⴷ ⵏ ⵜⵡⵍⴰⴼⵜ ⵜⴰⵎⴰⵣⵡⴰⵔⵓⵜ ⴷ ⵓⵎⴰⵜⴰⵢ ⵏ ⵜⵖⵓⵔⵉ ⵏ ⵓⵙⵏⵜⵉ ⵏ ⵜⵓⵚⴽⴰ ⵏ ⵓⵎⵣⴳⵓⵏ ⴰⵎⵇⵇⵕⴰⵏ ⵏ ⵓⴳⴰⴷⵉⵔ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵎⴰⵙ ⵉⵜⵜⵓⵙⴽⵔⴰ ⵏ ⵓⵙⵏⵜⵉ ⴰⴷ ⵔⴰⴷ ⵉⴷⴷⴰ ⵉ ⵓⴳⵔⴰⵡ ⵏ ⵄⵓⵎⵔⴰⵏ ⵎⴰⵢⴰⴷ ⵉⴳⴰⵏ ⵙ ⵜⵙⵓⵜ ⵜⴰⵎⴰⵢⵏⵓⵜ ⵏ ⵉⵎⵣⴳⵓⵏ =ⵜⵜⵓⵙⴽⴰⵡⵉⵏ ⴳ ⴽⵔⴰ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.

ⵔⴰⴷ ⵜⵜⵓⵚⴽⴰ ⵜⵓⵚⴽⴰ ⵜⴰⵏⴰⵥⵓⵕⵜ ⵍⵍⵉ ⵔⴰⴷ ⵜⵙⵏⵓⴱⴳ ⵜⵓⵔⵜⵉⵜ ⵜⵓⵖⵔⵉⵎⵜ "ⵉⵏⴱⵉⵖⴰⵜ" ⴳ ⵓⴳⴰⴷⵉⵔ ⴳ ⵓⴳⵣⵣⵓⵎ ⵏ ⵡⴰⴽⴰⵍ 2 ⵀⵉⴽⵜⴰⵔ ⵎⴰⵢⴰⴷ ⵉⴳⴰⵏ ⵙ ⵉⵙⵏⵜⵉⵏ ⵉⵖⴰⵡⵙⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⵓⵖⵔⵎⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ 2020/2024; ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴱⴷⵓ ⵏⵏⵙ ⴳ ⵡⴰⵢⵢⵓⵔ ⵏ ⴼⴱⵔⴰⵢⵔ 2020.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%9C%E2%B5%A1%E2%B5%8D%E2%B4%B0%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B7-%E2%B5%93%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%96%E2%B5%93%E2%B5%94%E2%B5%89-%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%93%E2%B5%8E%E2%B5%A3%E2%B4%B3%E2%B5%93%E2%B5%8F-%E2%B4%B0%E2%B5%8E%E2%B5%87%E2%B5%87%E2%B5%95%E2%B4%B0%E2%B5%8F-%E2%B5%8F