Published on MAPNews (https://www.mapnews.ma/am)

Accueil > ⴰⴽⵛⵛⵓⵎ ⵓⵔ ⴰⴽⴽⵯ ⵉⵍⵍⴰⵏ ⵙ ⵜⵉⵍⵉⴼⵓⵏ: ⴽⵔⴰ ⵢⴳⴰⵜⵜ ⵢⴰⵏ ⵉⴼⴽⴰⵏ ⴰⴱⵔⵙⴽⴷ ⵉ ⵍⵎⵖⵔⵉⴱ ⵉⵅⵚⵚⴰⵜ ⴰⴷ ⵉⵙⵎⵏⴷ ⴰⵏⵥⴰ (ⵎⴰⵙⵙ ⴱⵓⵕⵉⵟⴰ)

ⴰⴽⵛⵛⵓⵎ ⵓⵔ ⴰⴽⴽⵯ ⵉⵍⵍⴰⵏ ⵙ ⵜⵉⵍⵉⴼⵓⵏ: ⴽⵔⴰ ⵢⴳⴰⵜⵜ ⵢⴰⵏ ⵉⴼⴽⴰⵏ ⴰⴱⵔⵙⴽⴷ ⵉ ⵍⵎⵖⵔⵉⴱ ⵉⵅⵚⵚⴰⵜ ⴰⴷ ⵉⵙⵎⵏⴷ ⴰⵏⵥⴰ (ⵎⴰⵙⵙ ⴱⵓⵕⵉⵟⴰ)

23 ⵢⵓⵍⵢⵓⵣ 2021 Version Imprimable
ⴱⴰⵔⵉⵣ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⴽⵡⴰⵙ, ⵎⴰⵙ ⴽⵔⴰ ⵢⴳⴰⵜⵜ ⵢⴰⵏ ⵏⵖⴷ ⵓⵏⴳⵔⴰⵡ ⵉⴼⴽⴰⵏ ⵓⴱⵔⵙⴽⴷ ⵉ ⵍⵎⵖⵔⵉⴱ ⵉⵅⵚⵚⴰⵜ ⴰⴷ ⵎⵙⵏⴷ ⴰⵏⵥⴰ, ⵏⵖⴷ ⴰⴷ ⵢⴰⵙⵉ ⵜⵉⵍⴽⴰⵎⵉⵏ ⵏ ⵓⵙⴽⵔⴽⵉⵙ ⵏⵏⵙ ⴷⴰⵜ ⵏ ⵜⵙⵏⴱⴹⴰⵢⵜ.

ⵜⵓⵛⴽⴰ ⵜⵙⴳⵓⵔⵉ ⵢⴰⴷ ⵅⴼ ⵎⴰⴷ ⵉⵥⵍⵉⵏ ⵙ ⵓⵎⵣⵣⵉⵣⵍ ⵏ ⵜⵏⵖⵎⴰⵙⵜ ⵍⵍⵉ ⵙⵓⵍ ⵉⵙⴰⵡⴰⵍⵏ ⵅⴼ ⵓⴽⵛⵛⵓⵎ ⵓⵔ ⴰⴽⴽⵯ ⵉⵍⵍⵉⵏ ⵙ ⵜⵜⵉⵍⵉⴼⵓⵏ ⵏ ⵎⵏⵏⴰⵡ ⵏ ⵉⵏⴼⴳⴰⵏ ⵉⴳⴷⵓⴷⴰⵏ ⵉⵏⴰⵎⵓⵔⵏ ⴷ ⵉⴱⵕⵕⴰⵏⵉⵢⵏ ⵙ ⵢⴰⵏ ⵓⵖⴰⵡⴰⵙ ⴰⵙⵏⵎⵍⴰⵢ.

ⵉⵏⵏⴰ ⵙⵓⵍ ⵓⵎⴰⵡⵙⴰⵙ ⴳ ⵢⴰⵏ ⵓⵎⵙⵉⵡⵍ ⴷ ⵜⵙⵖⵓⵏⵜ "ⵊⵓⵏ ⴰⴼⵔⵉⴽ"  ⵎⴰⵙ "ⵜⵉⵍⴰⵍⵜ ⵏ ⵜⵣⵔⴼⵜ ⵜⴳⴰⵜ ⴰⴷ ⵜⵙⵉⴳⴳⵍ ⵉⴱⵔⵙⴽⴷⵏ ⴳ ⵜⴼⴰⵡⵜ ⵏ ⵉⵏⵥⴰⵏ ⵉⴽⵎⴰⵎⵏ, ⴽⵔⴰ ⵏ ⵎⴷⴷⵏ ⵙⵜⵉⵏ ⵓⵖⴰⵔⴰⵙ ⴰⴷ ⴷ ⵔⴰⴷ ⵎⵍⵉⵏ ⴰⵏⵥⴰ ⵍⵍⵉ ⵟⵟⴰⴼⵏ". 

ⵉⴼⵔⴰ ⵢⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙ ⵉⵙⵜⵉ ⵍⵎⵖⵔⵉⴱ ⴰⴷ ⵉⵙⵔⵙ ⵜⵖⵍⵉⴼⵜ ⵏⵏⵙ ⴳ ⵜⵣⵔⴼⵜ, ⵙⵡⴰ ⴳ ⵓⴳⵏⵙⵓ ⵏⵖⴷ ⴳ ⵓⵙⵡⵉⵔ ⴰⵎⴰⴹⵍⴰⵏ, ⴷ ⵉⵏⴳⴹ "ⵜⴰⵎⵀⵍⴰ ⵏ ⵉⵃⵍⴰⵍⵏ ⵉⵜⵜⵓⵙⴽⴰⵔⵏ ⵙⴳ "ⴰ" ⴰⵔ "ⵥ" ⴱⵍⴰ ⴽⵔⴰ ⵢⴳⴰⵜⵜ "ⴰⵏⵥⴰ", ⴷ ⵉⵖⵔⴰ ⴰⴷ "ⵜⵜⵓⵙⵔⴰⵙ ⵜⴼⴰⵡⵜ ⵅⴼ ⵜⵉⴷⴷⵜ, ⵙ ⵜⵖⴰⵔⴰⵙⵜ ⵉⴳⴳⵓⴳⵏ ⵅⴼ ⵉⵃⵍⴰⵍⵏ".

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ""ⴼⵓⵔⴱⵉⴷⵏ ⵙⵜⵓⵔⵉⵣ" ⴷ "ⵜⴰⵏⵎⵍⴰⵢⵜ ⵏ ⵓⵙⵓⵔⴼ ⵜⴰⵎⴰⴹⵍⴰⵏⵜ" ⴱⴷⴷⵏⵜ ⵅⴼ ⵉⵡⴰⵍⵉⵡⵏ ⴽⴰ", ⵉⵣⵎⵎⴻⵎ ⵎⴰⵙ ⴽⵔⴰ ⵏ ⵉⵏⵙⴰⵏ ⵉⵣⴷⵉⵏ ⴷ ⵜⵓⵚⴽⴰ ⵢⴰⴷ "ⴰⵔ ⵜⵡⵡⵓⵔⵉⵏ ⵢⴰⵜ ⵍⴰⵊⵉⵏⴷⴰ ⵉⵜⵜⵢⵓⵙⵙⴰⵏ ⵉⵙ ⵓⵔ ⵜⵃⵎⵉⵍ ⵍⵎⵖⵔⵉⴱ ⴷ ⵓⵔ ⵜⵇⴱⵉⵍ ⵉⵎⵓⵔⵙⵏ ⵏⵏⵙ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ".

ⵉⵏⵏⴰ ⵙⵓⵍ ⵎⴰⵙ ⵉⵖ ⵍⵍⴰⵏ "ⵉⵙⴼⴽⴰⵏ ⵉⵜⵜⵓⵎⵍⴰⵏ", ⴳⴰⵏⵜ ⵓⴱⴰⵢⵏ ⵏ ⵜⵄⴷⴰⵡⵜ ⴰⴷ ⴳ ⵜⴼⴰⵡⵜ "ⵍⵍⵉ ⵔ ⵙⵓⵍ ⵉⵥⴹⴰⵕ ⴰⴷ ⵉⵃⴹⵓ ⴷⴷⵓ ⵏ ⵜⵏⴰⵢⵉⵏ ⵉⴼⵓⵍⴽⵉⵏ ⴷ ⵉⵜⵔⴰⵔⵏ ⵏⵏⵙ". 

ⵓⵔ ⵜⴳⴰ ⵅⵜⴰⴷ ⵜⵏⵖⵎⴰⵙⵜ, ⵜⴳⴰ ⴰⵙⴽⵉⵟⵟⵉ ⵢⵓⵙⵙⵄⴰⵏ ⴱⴰⵀⵔⴰ", ⵎⴰ ⵢⴰⴷ ⵉⵏⵏⴰ ⵓⵎⴰⵡⵙⴰⵙ ⵎⴰⵖⵔⴰⴱⵉ.

ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⵉⵙ ⵙⵓⵍ ⵢⵓⵎⵥ ⵍⵎⵖⵔⵉⴱ ⴰⴷⴷⴰⴷ ⵍⵍⵉ ⵢⵙⴷⴷⵉⴷ ⴳ 2019 ⵎⴰⵢⴰⴷ ⵉⴳⴰⵏ ⵎⴰⵙ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⵔ ⵊⵊⵓ ⵏⵜⵜⴰⵜⵏ ⴰⴷ ⵉⵟⵟⴰⴼⵏ ⵓⵏⴳⵔⴰⵡ "ⴱⵉⴳⴰⵙⵓⵙ", ⵉⵏⵏⴰ ⵡⵎⴰⵡⵙⴰⵙ "ⵏⵍⵜⵖ ⵎⴰⴷ ⵏⴻⵏⵏⴰ ⵏⵓⵎⵥ ⵜⴰⵎⵙⵙⵓⴳⵔⵜ ⵏⵏⵖ ⴼⵍⵍⴰⵜ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%BD%E2%B5%9B%E2%B5%9B%E2%B5%93%E2%B5%8E-%E2%B5%93%E2%B5%94-%E2%B4%B0%E2%B4%BD%E2%B4%BD%E2%B5%AF-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B5%99-%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B4%BD%E2%B5%94%E2%B4%B0-%E2%B5%A2%E2%B4%B3%E2%B4%B0%E2%B5%9C%E2%B5%9C-%E2%B5%A2%E2%B4%B0%E2%B5%8F-%E2%B5%89%E2%B4%BC%E2%B4%BD%E2%B4%B0%E2%B5%8F-%E2%B4%B0%E2%B4%B1%E2%B5%94%E2%B5%99%E2%B4%BD%E2%B4%B7-%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%85%E2%B5%9A%E2%B5%9A%E2%B4%B0%E2%B5%9C-%E2%B4%B0%E2%B4%B7-%E2%B5%89%E2%B5%99%E2%B5%8E%E2%B5%8F%E2%B4%B7