"ⴽⵓⴼⵉⴷ-19": ⵜⴰⵥⴰⵍⵍⵉⵜ ⵏ ⵄⵉⴷ ⵍⴰⴹⵃⴰ ⵓⵔ ⵔⴰⴷ ⵜⵉⵍⵉ ⴳ ⵊⵊⵡⴰⵎⵄ ⴷ ⵜⵎⵣⴳⴰⴷ (ⵜⴰⵎⴰⵡⴰⵙⵜ ⵏ ⵍⵃⴰⴱⵓⵙ)

15 ⵢⵓⵍⵢⵓⵣ 2021 Version Imprimable

ⵕⵕⴱⴰⵟ - ⵜⵖⵜⵙ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴰⵙⵙ ⵏ ⵓⴽⵡⴰⵙ, ⴳ ⵓⵙⴰⵜⵉ ⵏ ⵜⵖⴰⵡⵙⵉⵡⵉⵏ ⵏ ⵓⵔⴰⵢ ⴰⴼ ⴰⴷ ⵙⴱⵉⴷⴷⵏ ⵓⴱⴰⵢⵢⵓⵕ, ⴰⴷ ⵓⵔ ⵜⵜⵓⵙⴽⴰⵔ ⵜⴰⵥⴰⵍⵍⵉⵜ ⵏ ⵄⵉⴷ ⵍⴰⴹⵃⴰ ⴳ ⵊⵊⵡⴰⵎⵄ ⵓⵍⴰ ⵜⵎⵣⴳⴰⴷ, ⵅⴼ ⴰⴽⵛⵛⵓⵎ ⵉⴳⴳⵓⵜⵏ ⵉⵜⵜⵉⵍⵉⵏ ⴳ ⵓⵣⵎⵣⵣⵓ ⵢⴰⴷ ⴷ ⵜⵛⵇⵇⵉⵜ ⴰⴷ ⵉⵜⵜⵓⵙⴽⴰⵔⵏ ⵜⵉⵎⵙⵓⵜⴰⵍ ⴳ ⵜⵓⴳⴳⵓⴳⵜ.

ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⵎⴰⵙ ⵔⴰⴷ ⵇⵇⵓⵎⵓⵏ ⵜⵎⵣⴳⴰⴷ ⵏⵏⵓⵕⵥⵎⵏ ⴰⴼ ⴰⴷ ⴳⵉⵜⵏ ⵜⵜⵓⵙⴽⴰⵔⵏ ⵙⵎⵎⵓⵙ ⵏ ⵜⵥⴰⵍⵍⵉⵜⵉⵏ ⴷ ⵜⵥⴰⵍⵍⵉⵜ ⵏ ⵓⵙⵉⵎⵡⴰⵙ, ⴷ ⵜⵔⵏⴰ ⵜⵏⵏⴰ ⵎⴰⵙ ⵜⵖⴰⵡⵙⴰ ⵢⴰⴷ ⵉⵣⴷⵉⵏ ⴷ ⵜⵥⴰⵍⵍⵉⵜ ⵏ ⵄⵉⴷ ⵍⴰⴹⵃⴰ ⵜⴳⴰⵜ ⵙⵓⵏⵏⴰ ⵍⵍⵉ ⵢⵥⴹⴰⵕⵏ ⴰⴷ ⵜⵜⵓⵙⴽⴰⵔ ⴳ ⵜⴳⵯⵎⵎⴰ.

ⵜⵔⴰ ⵜⵖⵜⴰⵙⵜ ⴰⴷ ⴰⴷ ⵜⵃⵟⵟⵓ ⵜⴰⴷⵓⵙⵉ ⵜⴰⴳⴷⵓⴷⴰⵏⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ, ⵉⵜⵜⵔ ⵕⴱⴱⵉ ⴰⴷ ⴰⵛⴽⵉⵏ ⵜⴼⵓⴳⵍⵉⵡⵉⵏ ⴰⴷ ⵢⵓⵛⴽⴰⵏ ⵙ ⵍⵅⵉⵔ ⴷ ⵜⵓⵎⵔⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%84%E2%B5%89%E2%B4%B7-%E2%B5%8D%E2%B4%B0%E2%B4%B9%E2%B5%83%E2%B4%B0-%E2%B5%93%E2%B5%94-%E2%B5%94%E2%B4%B0%E2%B4%B7-%E2%B5%9C%E2%B5%89%E2%B5%8D%E2%B5%89-%E2%B4%B3-%E2%B5%8A%E2%B5%8A%E2%B5%A1%E2%B4%B0%E2%B5%8E%E2%B5%84-%E2%B4%B7-%E2%B5%9C%E2%B5%8E%E2%B5%A3%E2%B4%B3%E2%B4%B0%E2%B4%B7-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%8D%E2%B5%83%E2%B4%B0%E2%B4%B1%E2%B5%93%E2%B5%99