ⵉⵙⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ ⴷⴼⴼⵉⵔ ⵍⵍⵉⵖ ⵜⵏⵏⵔⴰ ⵜⴰⴽⵓⵙⵜ ⵏ "ⵍⴽⴰⴼ"

11 ⵢⵓⵍⵢⵓⵣ 2021 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴱⵔⴰⵜ ⵏ ⵓⵙⵎⵖⵔ ⵉ ⵢⴳⵎⴰⵎⵏ ⵏ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ, ⴳ ⵓⵣⵎⵣⵣⵓ ⵏ ⵜⵏⵏⵔⵓⵜ ⵏⵏⵙ ⵏ ⵜⴽⵓⵙⵜ ⵏ ⵜⴽⵓⵏⴼⵉⴹⵉⵕⴰⵍⵉⵜ ⵜⵉⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ (ⵍⴽⴰⴼ).

ⴳ ⵜⴱⵔⴰⵜⵜ ⴰⴷ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵎⵖⵔⵏ ⵉⵅⴰⵜⴰⵔⵏ ⵏⵏⵙ ⵉ ⵜⵔⴰⴱⴱⵓⵜ ⵏ ⴹⴹⴰⵕⵍⴱⵉⴹⴰ, ⴷ ⵜⵎⵀⵍⴰ ⵏⵏⵙ, ⴷ ⵉⵙⴰⵜⵉⵏ ⵉⵎⵙⵙⵓⴳⵓⵔⵏ ⴷ ⵉⵜⵉⵇⵏⵉⵏ ⵏⵏⵙ, ⴷ ⵉⵎⴹⴼⴰⵕⵏ ⵏⵏⵙ, ⵅⴼ ⵜⵏⵔⵓⵜ ⵜⴰⵎⵏⵣⴰⵡⵜ ⵉⵜⵜⵓⵙⵎⵖⵔⵏ.

ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⴰⵡⵙⴰ ⵜⴰⵎⵏⵣⴰⵡⵜ ⴰⴷ ⵉⵎⵇⵇⵓⵕⵏ, ⵍⵍⵉ ⵢⴼⵓⵍⴽⵉⵏ ⵉ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⴰⴱⵉⵜ, ⴷ ⵍⵍⵉ ⵢⵓⵛⴽⴰⵏ ⴷⴼⴼⵉⵔ ⵏ ⵜⵓⴳⴳⴰⵣ ⵉⵔⵏⴰⵏ ⵍⵍⵉ ⵙⴽⵔⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ, ⵓⵍⴰ ⵉⵥⵍⵉ ⴷ ⵓⵎⵢⵉⵣⵡⵔ ⵍⵍⵉ ⴱⴷⴷⴰ ⵎⵍⴰⵏ ⴳ ⵜⴱⵔⵣⴰ ⵜⵉⴼⵔⵉⵇⵉⵜ ⴰⴷ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵙⵙⵏ ⵎⴰⵙ ⵜⵔⵏⵓⵜ ⴰⴷ ⵔⴰⴷ ⵜⴰⵊⵊ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵕⵕⴰⵊⴰ ⴰⴷ ⴼⴽⵉⵏ ⵓⴳⴳⴰⵔ ⵏ ⵜⵓⴳⴳⴰⵣ ⵍⵍⵉ ⵢⴰⴷ ⵍⵍⵉ ⴼⴽⴰⵏ ⴰⴼ ⴰⴷ ⵍⴽⵎⵏ ⵉ ⵜⵏⵏⵔⵓⵜⵉⵏ ⵢⴰⴹⵏⵉⵏ, ⵎⴰ ⵔⴰⴷ ⵢⵙⵙⴽⵛⵎ ⵓⴳⴳⴰⵔ ⵏ ⵜⴱⵔⵣⵉⵏ ⵢⴰⴹⵏⵉⵏ ⵙ ⵜⵎⴰⵖⵓⵏⵜ ⵏ ⵕⵕⴰⵊⴰ, ⵍⵍⵉ ⵢⵄⵎⵎⵕⵏ ⵙ ⵜⵔⵏⵓⵜⵉⵏ ⵜⵙⴳⴰⵜⵉⵏ ⴷ ⵜⵎⵏⵣⴰⵡⵉⵏ ⴷ ⵜⴳⵔⴰⵖⵍⴰⵏⵉⵏ.

Dernière modification : 11 ⵢⵓⵍⵢⵓⵣ 2021

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%8E%E2%B5%96%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%95%E2%B5%95%E2%B4%B0%E2%B5%8A%E2%B4%B0-%E2%B5%8F-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8D%E2%B5%8D%E2%B5%89%E2%B5%96-%E2%B5%9C%E2%B5%8F%E2%B5%8F%E2%B5%94%E2%B4%B0-%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%8D%E2%B4%BD%E2%B4%B0%E2%B4%BC