Published on MAPNews (https://www.mapnews.ma/am)

Accueil > ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⵉⵔⵎⵜ ⵜⴰⵎⵖⵔⴰⴱⵉⵜ

ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⵉⵔⵎⵜ ⵜⴰⵎⵖⵔⴰⴱⵉⵜ

09 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ, ⵙⵉⵙⵉⵍ ⵔⵉⴱⵉⴽⴰ ⵎⵉⵜⴰ, ⵜⴳⵎⵉ ⵏ ⵓⵏⴳⵔⴰⵡ ⴰⵣⵔⴼⴰⵏ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ, ⵎⴰⵙ ⴳ ⵓⵙⵏⵓⴱⴳ ⵏⵏⵙ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵃⴱⵉⴱ ⵍⵎⴰⵍⴽⵉ, ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ.

ⵖ ⵓⵏⵎⵓⵇⵇⴰⵔ ⴰⴷ ⵖ ⵉⵃⴰⴹⵔ ⵓⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵍⴽⵓⵏⴳⵓ ⴳ ⵕⵕⴱⴰⵟ, ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵣⵏⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵍⴽⵓⵏⴳⵓ ⵜⴰⵣⵣⵉⴳⵣⵜ ⵏ ⵓⵏⴳⵔⴰⵡ ⴰⵣⵔⴼⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ, ⵜⵉⵏⵉ "ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵢⵉⴳⵔ ⴰⴷ, ⵏⵓⵛⴽⴰⴷ ⵃⵎⴰ ⴰⴷ ⵏⵍⵎⵎⴷ ⴷ ⴰⴷ ⵏⵥⵕ ⵙ ⵡⴰⴷⴰⵙ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ”, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ.

ⵉⵔⵏⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵙⵎⵏⵉⴷ ⵎⴰⵙⵙⴰ ⵙⵉⵙⵉⵍ ⵔⵉⴱⵉⴽⴰ ⵎⵉⵜⴰ ⴽⴰⵙⴰⵏⴷⴰ ⵉⵙⵓⵔⵙⵏ ⵏ ⵓⴱⵔⵉⴷ ⵏ ⵓⵙⴷⵓⵙ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ, ⵜⵙⴰⵡⵍ ⴼ ⵓⵙⵓⵊⴷ ⵏ ⵜⵙⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⴳ ⵓⵎⵏⵉⴷ ⴰⴷ ⴷ ⵜⵓⴳⴳⴰⵙ ⵏ ⵓⵙⴼⵔⴽ ⴷ ⵜⵉⵍⴰⵍ ⵢⴰⴹⵏⵉⵏ ⵍⵍⵉ ⵜⵙⴽⴰⵔ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵉ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵍⴽⵓⵏⴳⵓ.

ⵙ ⵜⵎⵍⴷⴰ, ⵜⵙⵓⵜⴳ ⵜⵏⵙⵙⵉⵅⴼⵜ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵙⵎⵓⵏⵏⵉⵏ ⵊⴰⵔ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵜⵉⵏⵉ" ⵉⵍⵍⴰ ⴱⴷⴷⴰ ⵍⵎⵖⵔⵉⴱ ⴷ ⵓⵎⴰⴷⴰⵏ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴳ ⵜⴰⵙⵙⴰⵙⵉⵏ ⵛⴷⴷⴰⵏⵉⵏ”, ⵎⴰ ⵢⴰⴷ ⵙⵓⵍ ⵉⵏⵏⴰ ⵉⵏⵏⴰ ⵡⵙⵉⵡⴹ.

ⵜⵙⴰⵡⵍ ⵙⵓⵍ ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⵓⵙⵏⴰⵍ ⵍⵍⵉ ⵜⴰⴽⴽⴰ ⵜⴳⵍⴷⵉⵜ ⴳ ⵢⵉⴳⵔ ⴰⴷⵓⵙⴰⵏ ⵙⵍⴰⵡⴰⵏ ⴰⴽⴽⵯ ⵜⵉⵡⵉⵣⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⴼⵉⵔⵓⵙ ⵉⴱⵓⵍⴰ ⴷ ⴽⵓⴼⵉⴷ 19, ⴷ ⵜⵙⵎⵉⴳⵍⵜ ⵏⵏⵙ ⴳ ⵓⴼⵔⴰⴳ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵍⴽⵓⵏⴳⵓ ⴷⴷⵓ ⵏ ⵓⵎⴰⵍⵓ ⵏ ⵜⵎⵜⵜⴰ ⵎⵓⵏⵏⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵙⵏⴰⵜ ⵜⵎⵉⵣⴰⵔ, ⵉⵙⵙⴽⵜⵉ ⴷ ⴰⵙⵙⵔⵖⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵅⴰⵜⴰⵔ ⴰⵏⵙⵙⵉⵅⴼ ⵏ ⵍⴽⵓⵏⴳⵓ ⵎⴰⵙⵙ ⴼⵉⵍⵉⴽⵙ ⵜⵛⵉⵙⵉⴽⵉⴷⵉ ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ ⴳ 2019, ⵎⴰ ⵢⴰⴷ ⵉⵏⵏⴰ ⵡⵉⵙⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵢⵉⵏⵉ ⵎⴰⵙ ⴷ ⵜⴰⴷⵔⴰⵡⵜ ⴳ ⵜⵡⵡⵓⵔⵉⵡⵉⵏ ⵏ ⵓⴼⵔⴰⴳ ⵏ ⵓⴼⵔⴰ ⴳ ⵍⴽⵓⵏⴳⵓ ⴷⴷⵓ ⵏ ⵓⵎⴰⵍⵓ ⵏ ⵜⵎⵜⵜⴰ ⵎⵓⵏⵏⵉⵏ ⴽⵛⵎⵏⵜ ⴳ ⵓⵎⵛⴰⴱⴱⴰⴽ ⵏ ⵍⵎⵖⵔⵉⴱ ⴳ ⵉⵥⵓⵕⴰⵏ ⵏⵏⵙ ⵉⴼⵔⵉⵇⵉⵢⵏ, ⴷ ⵜⵣⴷⴰⵢⵉⵏ ⵏⵏⵙ ⵜⵉⵎⵣⵔⴰⵢⵉⵏ ⴰⴽⴷ ⵜⴰⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴷ ⵓⴼⵔⴰⴽ ⵏⵏⵙ ⵉⴷⵓⵙⵏ ⵎⴰⵙ ⵉⴳⴰ ⵓⴼⵔⴰ ⴷ ⵓⵔⴳⴳⵉⴳ ⵜⵉⵔⵙⴰⵍ ⵜⵉⴷⵙⵍⴰⵏⵉⵏ ⵉ ⵜⴳⵎⵉ ⵜⴰⵙⵓⵍⴰⵏⵜ.

ⵢⵉⵏⵉ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⵍⵍⴰ ⵓⵣⴷⴰⵢ ⵉⴷⵓⵙⵏ ⵊⴰⵔ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵜⵎⵓⴽⵔⵉⵙⵜ ⵏ ⵓⵣⵡⴰⴳ, ⵢⵉⵏⵉ ⵎⴰⵙ ⴰ ⵉⵙⵡⵉⵏⴳⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵉⵜⵜⵓⵙⴽⵉⵔ ⵢⴰⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴼ ⵓⵣⵡⴰⴳ ⵍⵍⵉ ⵔⴰⴷ ⵉⵙⴰⵡⵍ ⴼ ⴽⵓ ⵉⵎⵔⵙⵉⵡⵏ ⵏ ⵢⵉⴳⵔ ⴰⴷ. ⵉⵙⴷⴷⵉⴷ ⵎⴰⵙ ⴷ ⴰⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵔⴰⴷ ⵉⴳ ⴰⵎⴰⵢⵏⵓ ⴷⴼⴼⵉⵔ ⵏ ⵓⵖⵓⴷⵓ ⵏ ⵜⵎⵙⵓⵜⵍⵉⵏ ⵜⵉⴷⵓⵙⴰⵏⵉⵏ ⵣⴷⵉⵏⵉⵏ ⴷ ⵓⴱⴰⵢⵢⵓⵕ ⵏ "ⴽⵓⴼⵉⴷ-19".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%93%E2%B5%9C%E2%B4%B3-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8F-%E2%B5%A1%E2%B4%B0%E2%B5%94%E2%B4%B0%E2%B5%A2-%E2%B4%B7-%E2%B5%93%E2%B5%99%E2%B4%B1%E2%B4%B7%E2%B4%B7%E2%B5%89-%E2%B5%8F-%E2%B5%93%E2%B5%99%E2%B5%96%E2%B5%A3%E2%B5%8F%E2%B5%89-%E2%B4%B3-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B4%B3-%E2%B5%9C%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F%E2%B5%9C