Published on MAPNews (https://www.mapnews.ma/am)

Accueil > ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ ⴳ ⵓⵙⴳⵔⴰⵡ ⵏ "ⵍⴰⵎⴰⴱ" : ⵜⴰⵖⵜⴰⵙⵜ ⵜⴰⴳⵍⴷⴰⵏⵜ ⵏ ⵜⵙⵢⴰⴼⵓⵜ ⵏ ⵜⴳⵣⵣⴰⵢⵜ ⵎⴳⴰⵍ "ⴽⵓⴼⵉⴷ-19" ⴳ ⵍⵎⵖⵔⵉⴱ ⵜⵎⵍⴰ ⴰⵙⵡⴰⵍ ⴰⵙⵜⵔⴰⵜⵉⵊⵉ ⵏ ⵜⴳⵍⴷⵉⵜ ⴰⵎⵎ ⵜⴰⴳⴳⴰⵍⵜ ⵜⴰⵙⴳⵉⵡⵜ ⵉⴼⵓⵍⴽⵉⵏ

ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ ⴳ ⵓⵙⴳⵔⴰⵡ ⵏ "ⵍⴰⵎⴰⴱ" : ⵜⴰⵖⵜⴰⵙⵜ ⵜⴰⴳⵍⴷⴰⵏⵜ ⵏ ⵜⵙⵢⴰⴼⵓⵜ ⵏ ⵜⴳⵣⵣⴰⵢⵜ ⵎⴳⴰⵍ "ⴽⵓⴼⵉⴷ-19" ⴳ ⵍⵎⵖⵔⵉⴱ ⵜⵎⵍⴰ ⴰⵙⵡⴰⵍ ⴰⵙⵜⵔⴰⵜⵉⵊⵉ ⵏ ⵜⴳⵍⴷⵉⵜ ⴰⵎⵎ ⵜⴰⴳⴳⴰⵍⵜ ⵜⴰⵙⴳⵉⵡⵜ ⵉⴼⵓⵍⴽⵉⵏ

07 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵉⵙⴷⴷⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ "ⵍⵉⵙⵜⵉⵇⵍⴰⵍ", ⵏⵉⵥⴰⵕ ⴱⴰⵕⴰⴽⴰ, ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ, ⵎⴰⵙ ⵜⵖⵜⴰⵙⵜ ⵜⴰⴳⵍⴷⴰⵏⵜ ⵏ ⵜⵙⵢⴰⴼⵓⵜ ⵏ ⵜⴳⵣⵣⴰⵢⵜ ⵎⴳⴰⵍ "ⴽⵓⴼⵉⴷ-19" ⴳ ⵍⵎⵖⵔⵉⴱ ⵜⵎⵍⴰ ⴰⵙⵡⴰⵍ ⴰⵙⵜⵔⴰⵜⵉⵊⵉ ⵏ ⵜⴳⵍⴷⵉⵜ ⴰⵎⵎ ⵜⴰⴳⴳⴰⵍⵜ ⵜⴰⵙⴳⴰⵡⴰⵏⵜ.

ⵉⴼⵔⴰ ⵢⵏⵏⴰ ⵎⴰⵙⵙ ⴱⴰⵕⴰⴽⴰ, ⵎⴰ ⵢⴰⴷ ⵉⴳⴰⵏ ⵓⵏⴱⴳⵉ ⵏ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ) ⴰⴼ ⵉⵙⴰⵡⵍ ⵅⴼ ⵓⵙⴳⵓⵎ "ⴰⴽⴰⴱⴰⵕ ⵏ ⵍⵉⵙⵜⵉⵇⵍⴰⵍ ⴷⴰⵜ ⵏ ⵜⵏⵥⵕⵉⵏ ⵏ ⵓⵙⵢⵔⵙ ⴰⵙⵔⵜⴰⵏ ⴷ ⵉⵎⵓⵍⵍⵉ ⴰⵏⴰⵎⵓⵔ", ⵎⴰⵙ ⴰⵙⵏⵜⵉ ⵢⴰⴷ ⵉⵕⵥⵎ ⵢⴰⵜ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵍⵍⵉ ⵔⴰⴷ ⵢⴰⵊⵊ ⵍⵎⵖⵔⵉⴱ, ⴰⵎⵎ ⵜⴳⴳⴰⵍⵜ ⵜⴰⵙⴳⵡⵉⵜ ⴷ ⵜⴰⵏⵎⵏⴰⴹⵜ ⵉⴼⵓⵍⴽⵉⵏ, ⴰⴷ ⵉⵙⴽⵔ ⵢⴰⵜ ⵜⵉⵍⴰⵍⵜ ⵜⴰⵎⵇⵕⴰⵏⵜ ⴳ ⵓⵎⵏⵣⴰⵡ ⴰⴼⵔⵉⵇⵉ ⴷ ⵜⵖⴰⵡⵙⵉⵡⵉⵏ ⵉⵎⵇⵇⵓⵕⵏ, ⵙⵡⴰ ⴳ ⵓⵙⵡⵉⵔ ⴰⵄⵕⴰⴱ ⵏⵖⴷ ⵓⵕⵓ ⴰⵏⴰⵎⵎⴰⵙ.

ⵉⵙⵓⵍ ⵉⵏⵏⴰ ⵎⴰⵙ ⵜⴷⴳⴳⵯⴰⵏⵜ ⵏ ⵜⵙⵢⴰⴼⵓⵜ ⵏ ⵜⵉⴳⵣⵣⴰⵢ ⵔⴰⴷ ⵜⵜⵙⵔⴰⵙ ⵙ ⵜⵎⴷⵔⴰⵡⵜ ⵏ ⵉⵎⴷⵔⴰⵡⵏ ⵉⵛⵉⵏⵡⵉⵏ, ⵎⴰ ⵢⴰⴷ ⵉⵎⵍⴰⵏ ⵉⵙⵡⴰⵍⵏ ⴰⵊⵢⵓ-ⵉⵙⵔⵜⵉⵊⵉⵏ ⵉⵎⴰⵢⵏⵓⵏ.

ⵉⵙⵓⵍ ⵉⵏⵏⴰ ⵡⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ ⵏ "ⵍⵉⵙⵜⵉⵇⵍⴰⵍ" ⵎⴰⵙ ⵍⵎⵖⵔⵉⴱ ⵔⴰⴷ ⵉⴳ ⴰⵎⵎⴰⵙ ⵏ ⵉⵡⴰⵏⴽⵏ ⵉⴷⵔⵓⵙⵏ ⵍⵍⵉ ⵖⵓⵔⵙⵏ ⵜⵉⵥⴹⵕⴰ ⵏ ⵓⵙⵢⴰⴼⵓ ⵏ ⵓⴳⵣⵣⴰⵢ ⵎⴳⴰⵍ "ⴽⵓⴼⵉⴷ-19" ⴷ ⵜⴳⵣⵣⴰⵢⵉⵏ ⵢⴰⴹⵏⵉⵏ, ⵉⵔⵏⴰ ⵢⵏⵏⴰ ⵎⴰⵙ ⵓⵙⵏⵜⵉ ⴰⵅⴰⵜⴰⵔ ⴰⴷ ⵔⴰⴷ ⵉⴷⵔⵓ ⴳ ⵓⵙⴷⵓⵙ ⵏ ⵜⵏⴱⴰⴹⵜ ⵜⴰⵏⴰⵎⵓⵔⵜ ⴷ ⵜⵏⴱⴰⴹⵜ ⵜⴰⴷⵓⵙⴰⵏⵜ ⵏ ⵍⵎⵖⵔⵉⴱ, ⵓⵍⴰ ⵔⴰⴷ ⵢⴰⵡⵉ ⴰⵏⵏⴰⵍ ⵉ ⵜⴷⵉⴱⵍⵓⵎⴰⵙⵉⵜ ⵜⴰⴷⵓⵙⴰⵏⵜ ⴳ ⵓⵎⵏⵣⴰⵡ ⴰⴼⵔⵉⵇⵉ. 

ⵉⵙⵙⵏ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰ ⵢⴰⴷ ⵉⴳⴰⵏ ⴰⵏⵙⴰ ⵏ ⵉⵎⴹⴰⴽⴰⵕⵏ ⵅⴼ ⵉⵙⴳⵓⵎⵏ ⴳ ⵉⴳⵔⵏ ⵉⵙⵔⵜⴰⵏ ⴷ ⵉⴷⵍⵙⴰⵏ ⴷ ⵉⴷⵎⵙⴰⵏ ⴷ ⵉⵏⴰⵎⵓⵏⵏ, ⵉⵙⵙⵏ ⵜⴷⵔⴰⵡⵜ ⵏ ⵉⵙⵎⴷⵢⴰⵡⵏ ⵏ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵎⴷⴷⵏ ⵏ ⵎⵛⵜⴰ ⵏ ⵉⵎⵏⵉⴷⵏ ⵜⴰⵎⴰ ⵏ ⵉⵙⵎⴷⵢⴰⵡⵏ ⵏ ⵜⵏⵖⵎⴰⵙⵜ ⵍⵍⵉ ⵢⵜⵜⵓⵖⵔⴰⵏ.

ⵉⵜⵜⵓⵙⵏⵎⴰⵍⴰ ⵡⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵙ ⵓⵣⵔⴽ ⵏ ⵉⵙⵓⴷⴷⵓⵏ ⴷ ⵉⵎⴰⴽⵏ ⵏ ⵓⵃⵟⵟⵓ ⵙⴳ ⵓⴼⵉⵔⵓⵙ "ⴽⵓⴼⵉⴷ-19".

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B5%8F%E2%B5%89%E2%B5%A5%E2%B4%B0%E2%B5%95-%E2%B4%B1%E2%B4%B0%E2%B5%95%E2%B4%B0%E2%B4%BD%E2%B4%B0-%E2%B4%B3-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%9C%E2%B4%B0%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%99%E2%B5%A2%E2%B4%B0%E2%B4%BC%E2%B5%93%E2%B5%9C-%E2%B5%8F-%E2%B5%9C%E2%B4%B3%E2%B5%A3%E2%B5%A3%E2%B4%B0%E2%B5%A2%E2%B5%9C-%E2%B5%8E%E2%B4%B3%E2%B4%B0%E2%B5%8D-%E2%B4%BD%E2%B5%93%E2%B4%BC%E2%B5%89%E2%B4%B7