ⴰⵏⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⵏ ⵍⴼⵉⵍⵎ ⴰⵎⴰⵣⵉⵖ ⴳ ⵓⴳⴰⴷⵉⵔ : ⴰⵕⵥⵥⵓⵎ ⵏ ⵜⵜⵕⵛⵉⵃ ⴳ ⵓⵎⵃⵉⵣⵡⴰⵔ ⴰⵎⴰⴷⴷⵓⴷ

05 ⵢⵓⵍⵢⵓⵣ 2021 Version Imprimable

ⴰⴳⴰⴷⵉⵔ - ⵜⵙⴳⵓⵔⴰ ⵜⵎⵙⵎⵓⵏⵜ "ⵉⵙⵏⵉ ⵏ ⵡⵓⵔⵖ" ⵏ ⵍⴼⵉⵍⵎ ⴰⵎⴰⵣⵉⵖ ⴰⵕⵥⵥⵓⵎⵏ ⵏ ⵜⵜⵕⵛⵉⵃ ⵉ ⵓⵎⵃⵉⵣⵡⴰⵔ ⴰⵎⴰⴷⴷⵓⴷ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵏⵎⵓⴳⴳⴰⵔ ⵏ ⵉⵙⵏⵉ ⵏ ⵡⵓⵔⵖ ⵏ ⵍⴼⵉⵍⵎ ⴰⵎⴰⵣⵉⵖ, ⵍⵍⵉ ⵔⴰⴷ ⵢⵉⵍⵉ ⵙⴳ 20 ⴰⵔ 24 ⴽⵜⵓⴱⵕ ⴰⴷ ⵢⵓⵛⴽⴰⵏ ⴳ ⵓⴳⴰⴷⵉⵔ ⴷⴷⵓ ⵏ ⵓⴱⵓⵔⵣ "ⴰⴳⴰⴷⵉⵔ, ⵜⴰⵎⴰⵣⵓⵏⵜ ⵏ ⵜⴷⵍⵙⴰ ⵜⵎⴰⵣⵉⵖⵜ".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵎⴰⵙ ⵜⵙⴳⵓⵔⵉ ⵢⴰⴷ ⵜⵡⵜⵜⵙ ⵉ ⴰⵢⵜ ⵙⵙⵉⵏⴰⵎⴰ ⴷ ⵉⵎⵙⵓⴼⵖⵏ ⴷ ⵉⵎⵙⵢⴰⴼⵓⵏ ⵅⴼ ⵓⵙⵎⵉⵍ "ⵍⴼⵉⵍⵎ ⴰⵖⵣⵣⵉⴼ : ⴰⵎⴰⵔⵓⵔ ⴷ ⵓⵜⵉⵎ", ⴷ "ⵍⴼⵉⵍⵎ ⴰⴳⵟⵓⵟ : ⴰⵎⴰⵔⵓⵔ ⴷ ⵓⵜⵉⵎ".

ⵜⵖⵔⴰ ⵜⵎⵙⵎⵓⵏⵜ ⵉ ⵎⴷⴷⵏ ⵍⵍⵉ ⵜ ⵉⵔⴰⵏ ⴰⴷ ⵄⵎⵎⵕⵏ ⵓⵔⵔⴰ ⵏ ⵜⵜⵕⵛⵉⵃ ⴳ ⵜⵙⵏⴰ ⵜⵎⴰⴷⴷⵓⴷⵜ ⵏ ⵓⵏⵎⵓⴳⴳⴰⵔ ⴳ ⵍⴼⵉⵢⵙⴱⵓⴽ ⴷ ⴰⴷ ⵜ ⴰⵣⵏⵏ ⵙ ⵜⵙⴽⵓⵜ ⴰⴷ : [email protected], ⴷⴰⵜ ⵏ ⴰⵙⵙ ⵏ 07 ⵖⵓⵛⵜ 2021.

ⵉⵜⵜⵓⵙⵏⵎⴰⵍⴰ ⵓⵏⵎⵓⴳⴳⴰⵔ ⴰⴷ ⵙ ⵜⴷⵔⴰⵡⵜ ⵏ ⵓⵙⵇⵇⵉⵎ ⵏ ⵜⴼⵔⴰⵏⵜ ⵏ ⵜⵖⵔⵎⵜ ⵏ ⵓⴳⴰⴷⵉⵔ, ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⴷ ⵓⵙⵇⵇⵉⵎ ⴰⵏⵎⵏⴰⴹ ⵏ ⵙⵓⵙ ⵎⴰⵙⵙⵜ, ⴷ ⵎⵏⵏⴰⵡ ⵏ ⵉⵎⴷⵔⴰⵡⵏ ⵢⴰⴹⵏⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%89%E2%B5%99%E2%B5%8F%E2%B5%89-%E2%B5%8F-%E2%B5%A1%E2%B5%93%E2%B5%94%E2%B5%96-%E2%B5%8F-%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%93%E2%B4%B3%E2%B4%B0%E2%B4%B7%E2%B5%89%E2%B5%94-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%9C%E2%B5%95%E2%B5%9B%E2%B5%89%E2%B5%83-%E2%B4%B3-%E2%B5%93%E2%B5%8E%E2%B5%83%E2%B5%89%E2%B5%A3%E2%B5%A1%E2%B4%B0%E2%B5%94-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7