Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

05 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵔⴰⴷ ⵉⵎⵓⵏ, ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉⵖ ⵔⴰⴷ ⵉⵖⵔ ⴳ ⵍⴱⴷⵓ ⵏⵏⵙ ⵓⵙⵏⵜⵉ ⵏ ⵓⵙⵍⴳⴰⵏ ⵉⵥⵍⵉⵏ ⵙ ⵓⵙⵙⵓⴼⵖ ⵏ ⵜⵙⵏⵓⵕⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵓⴷⴷⵓ ⴰⵙⵜⵔⴰⵜⵉⵊⵉ ⴷ ⵜⵎⴷⵔⴰⵡⵜ ⵏ ⵓⵡⴰⵏⴽ ⴷ ⵓⴹⴼⵓⵕ ⵏ ⵜⵎⵙⴽⵔⵜ ⵏ ⵜⵎⵔⵙⴰⵍⵉⵏ ⵏ ⵜⵎⵙⵙⵏⵜⵉⵏ ⵜⵉⴳⴷⵓⴷⴰⵏⵉⵏ.

ⵔⴰⴷ ⵉⵖⵔ ⵓⵙⵇⵇⵉⵎ ⴷⴼⴼⵉⵔ ⴰⴷ, ⴽⵕⴰⴹ ⵏ ⵉⵙⵏⵉⵏ ⵉ ⵉⵎⵕⵚⵓⵎⵏ, ⴰⵎⴰⵣⵡⴰⵔⵓ ⵉⵥⵍⵉ ⵙ ⵓⵙⵖⵣⵣⵉⴼ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⵏ ⵡⴰⴽⴰⵍ ⴰⵏⴰⵎⵓⵔ ⴷⴰⵜ ⵏ ⵓⵙⴼⵙⵔ ⵏ ⵓⴼⵉⵔⵓⵙ "ⴽⵓⵕⵓⵏⴰ" (ⴽⵓⴼⵉⴷ-19), ⴷ ⵡⵉⵙⵙ ⵙⵉⵏ ⵉⵥⵍⵉ ⵙ ⵉⵍⵓⴳⵏ ⵏ ⵓⵙⵏⵎⴰⵍⴰ ⵏ ⵜⵎⵙⵙⵓⴳⵉⵏ ⵏ ⵓⵡⴰⵏⴽ ⴷ ⵓⵣⵍⵣⵉ ⵏ ⵜⵥⵍⴰⵢⵜ ⵏⵏⵙ, ⴷ ⵡⵉⵙⵙ ⴽⵕⴰⴹ ⵏ ⵓⵙⵏⴼⵍ ⴷ ⵓⵎⵕⵚⵓⵎ ⵉⴼⵔⵓⵔⵉⵏ ⴳⵔ ⵜⵣⵇⵇⴰ ⵏ ⵜⵙⴱⴱⴰⴱⵜ ⴷ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ ⴷ ⵜⵣⵇⵇⴰ ⵏ ⵜⵎⴳⵔⵉ ⵜⴰⵇⴱⵓⵕⵜ ⴷ ⵜⵣⵇⵇⴰ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵙⴷⴰⵡⵉⵏ ⵏⵏⵙ 10% ⵏ ⵓⴷⵡⴰⵍ ⵏ ⵓⵔⴳⴰⵢ ⴰⵣⵣⵓⵍⴰⵏ.

ⵔⴰⴷ ⵉⵣⵔⵉ ⵓⵙⵇⵇⵉⵎ ⴷⴼⴼⵉⵔ ⴰⴷ, ⵙ ⵜⵖⵓⵔⵉ ⵏ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵜⵏⴰⴼⵓⵜⵉⵏ ⵏ ⵡⴰⴹⵓ ⴳⵔ ⵜⴳⵍⴷⵉⵜ ⵜⵎⵖⵔⴰⴱⵉⵜ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ ⵉⵜⵜⵓⵙⴳⵎⴹⵏ ⴳ ⵕⵕⴱⴰⵟ ⴷ ⴱⵓⴳⵓⵜⴰ ⴰⵙⵙ ⵏ 6 ⵉⴱⵔⵉⵔ 2021, ⴷ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵎⵙⵙⴰⵙ ⵅⴼ ⵓⵎⵙⴰⵙⴰ ⵢⴰⴷ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-33