Published on MAPNews (https://www.mapnews.ma/am)

Accueil > ⴹⴹⴰⵕⵍⴱⵉⴹⴰ: ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵡⵓⴷⴷⵉⵙ ⵓⵏⴰⵎⵓⵏ ⴰⵙⴳⵎⴰⵏ ⴳ ⴹⴰⵕ ⴱⵓⵄⵣⵣⴰ
  1. Accueil
  2. Activités royales

ⴹⴹⴰⵕⵍⴱⵉⴹⴰ: ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵡⵓⴷⴷⵉⵙ ⵓⵏⴰⵎⵓⵏ ⴰⵙⴳⵎⴰⵏ ⴳ ⴹⴰⵕ ⴱⵓⵄⵣⵣⴰ

23 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵡⵓⴷⴷⵉⵙ ⴰⵏⴰⵎⵓⵏ ⴰⵙⴳⵎⴰⵏ ⴷ ⵡⵉⵏ ⵓⵙⵉⴷⴼ ⵏ ⵉⵄⵔⵔⵉⵎⵏ, ⴰⵙⵙ ⵏ ⵓⵙⵉⵏⴰⵙ ⴳ ⵜⵓⴷⴷⵓⵔⵜ ⵏ ⵕⵕⵃⵎⴰ ⵖ ⵜⴳⵔⴰⵡⵜ ⵏ ⴹⴰⵕ ⴱⵓⵄⵣⵣⴰ (ⵜⴰⵙⴳⴰ ⵏ ⵏⵏⵡⴰⵚⵕ).

ⴰⵙⵏⵜⵉ ⵢⴰⴷ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵉⵔⴰⴷ ⵉⵙⴷⵓⴷ ⵜⴰⵙⴳⵓⵔⵉⵏ ⵏ ⵉⵄⵔⵔⵉⵎⵏ ⴷ ⴰⵙⵉⴷⴼ ⵏⵏⵙⵏ ⴳ ⵡⴰⵎⵓⵏ. ⵉⵔⴰⴷ ⵢⴰⵡⵙ ⴳ ⵓⵙⵙⵓⴼⵖ ⵏ ⵉⵎⵓⵙⵙⵓⵜⵏ ⵍⵍⵉ ⴷ ⵜⵜⴰⵡⵉⵏⵉⵏ ⵜⵉⵖⵔⴰⴷ.

ⵉⵟⵟⴰⴼ ⵓⴷⴷⵉⵙ ⴰⴷ, ⵍⵍⵉ ⵢⵓⵎⵥⵏ 2.660 ⵓⵎⵉⵜⵔⵓ ⴰⵎⴽⴽⵓⵥ, ⵢⴰⵏ ⵓⵙⴰⵢⵔⴰⵔ ⵏ ⵉⵄⵔⵔⵉⵎⵏ ⵉⵙⵏⵓⴱⴳⵏ ⵎⵏⵏⴰⵡ ⵏ ⵜⵙⴰⵡⵔⵜⵉⵏ (ⵜⴰⵙⵏⵎⴰⵍⴰⵢⵜ ⴷ ⵜⴰⵏⴼⵓⴳⵕⴰⴼⵉⵜ ⵜⵓⵙⵏⵉⵙⵜ ⴷ ⵓⵥⵟⵟⴰ ⴷ ⵓⵏⵀⵍⵍⴰ ⵏ ⵓⵎⴰⵜⵜⵉⵡ ⵏ ⵜⵙⵏⵎⴰⵍⴰⵢⵜ ⴷ ⵓⴽⴰⵣ ⵏ ⵜⵉⵀⵉⵔⵉⵜ) ⴷ ⵜⴷⴰⵍⴰ ⵏ ⵓⵙⵎⵓⵜⵜⴳ ⵅⴼ ⵜⴰⵣⵣⵓⵍⵜ ⵏ ⵜⵏⴼⵔⵓⵜ ⴷ ⵓⵏⵀⵍⵍⴰ, ⴷ ⵢⴰⵜ ⵜⴷⴰⵍⴰ ⵏ ⵓⵏⵢⴰⵍⴽⴰⵎ ⴷ ⵜⵓⵜⵍⴰⵢⵉⵏ ⵉⴱⵕⵕⴰⵏⵉⵏ, ⴷ ⵢⴰⵜ ⵜⴷⴰⵍⴰ ⵏ ⵓⵏⵏⴰⵍ ⴰⵏⵎⵍⴰⵏ ⴷ ⵓⵙⵡⴰⵍⴰ ⴰⴱⵉⴷⴰⵖⵓⵊⵉ, ⴷ ⵢⴰⵜ ⵜⴰⴷⴰⵍⴰ ⵜⵉⵎⵢⴰⵏⴰⵡⵏⵜ ⵡⵍⴰ ⵢⴰⵏ ⵓⵙⴰⵢⵔⴰⵔ ⴰⵎⵙⵎⵓⵏ ⴷ ⴰⵎⵢⴰⵡⴰⵙ.

ⵉⵟⵟⴰⴼ ⵙⵓⵍ ⵓⴷⴷⵉⵙ ⴰⴷ ⵎⵏⵏⴰⵡ ⵏ ⵉⵙⴰⵢⵔⴰⵔⵏ ⵏ ⵜⵎⵖⴰⵕⵉⵏ ⴷ ⵉⴼⵔⵅⴰⵏ.
ⴰⵎⵎⴰⵙ ⴰⴷ ⵉⵜⵜⵓⵙⴽⴰⵔ ⵙ ⵢⴰⵜ ⵜⵎⵙⴰⵙⵜⵍⵜ ⵍⵍⵉ ⵉⵍⴽⵎⵏ 10 ⵏ ⵓⵎⵍⵢⵓⵏ ⵏ ⴷⴷⵔⵀⵎ ⵜⴼⴽⴰⵜⵜ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⵎⵙⵙⵓⵔⵜ ⵉⴷⵎⴰⵊ ⴰⵙⵙⴰⴽⴰⵏ.

ⴰⵙⵡⵓⴷⴷⵓ ⵏ ⵓⵙⵏⵜⵉ ⴰⴷ ⵔⴰⴷ ⵓⵎⵥⵏⵜ ⵜⵉⵎⵙⵎⵓⵏⵉⵏ ⵜⵉⴷⵖⵔⴰⵏⵉⵏ ⵙ ⵜⵎⴷⵔⴰⵡⵜ ⵏ ⵓⵙⵉⵔⴰ ⵏ ⵓⵙⵎⵓⵜⵜⴳ ⴷ ⵜⵏⴽⵔⴰ ⵙ ⵜⵡⵓⵔⵉ .

ⵙ ⵓⵣⵎⵣⵣⵓ ⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵎⵏⵏⴰⵡ ⵏ ⵉⵎⴰⵙⵏ ⵉⵎⴰⵏⵓⵏⵏ ⵍⵍⵉ ⴳⴰⵏⵉⵏ ⵢⴰⵜ ⵜⵉⴽⴽⵉ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵉ 10 ⵜⵎⵙⵎⵓⵏⵉⵏ ⵜⵉⴷⵖⵔⴰⵏⵉⵏ.

Dernière modification : 23 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%A1%E2%B5%93%E2%B4%B7%E2%B4%B7%E2%B5%89%E2%B5%99-%E2%B5%93%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B4%B0%E2%B5%99%E2%B4%B3%E2%B5%8E%E2%B4%B0%E2%B5%8F-%E2%B4%B3-%E2%B4%B9%E2%B4%B0%E2%B5%95-%E2%B4%B1%E2%B5%93%E2%B5%84%E2%B5%A3%E2%B5%A3%E2%B4%B0#comment-0