ⵕⵕⴱⴰⵟ: ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵢⴰⵡⴰⵙ ⴳⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴷ ⵓⵙⵉⵏⴰⵏ ⵏ "ⴷⵉⴽⴰⵔⵜ" ⴳ ⵉⴳⵔ ⵏ ⵓⵙⵍⵎⴷ ⵏ ⵜⵎⴰⵣⵉⵖⵜ

30 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴷ ⵓⵙⵉⵏⴰⵏ "ⴷⵉⴽⴰⵔⵜ", ⵉⴹ ⵍⵍⵉ ⵏ ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ, ⵢⴰⵜ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵎⴰⵣⵉⵖⵜ.

ⵉⴳⴰ ⵡⵙⴼⵓⴳⵍⵓ ⵢⴰⴷ ⴰⵣⵎⵣⵣⵓ ⵏ ⵓⵙⵓⵜⴳ ⵏ ⵜⵎⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵍⵎⴷ ⵏ ⵜⵎⴰⵣⵉⵖⵜ ⴳ ⵓⵙⵉⵏⴰⵏ "ⴷⵉⴽⴰⵔⵜ" ⴳ ⵡⴰⵢⵢⵓⵔ ⴰⴷ ⵏ ⵢⵓⵏⵢⵓ, ⴷ ⵓⵙⴼⴼⵍⴷ ⵏ ⵉⵙⴳⵓⵔⵉⵏ ⵏ ⵉⵎⵃⴹⴰⵕⵏ ⵍⵍⵉ ⵙⴱⵖⵔⵏ ⵙⴳ ⵜⵙⵙⴰⵔⵓⵜⵉⵏ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵉⵎⴰⵣⵉⵖⵏ, ⴷ ⵜⵖⵓⵔⵉ ⵏ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵔⵙⵍⵉⵏ ⴳ ⵉⴳⵔ ⴰⴷ, ⵓⵍⴰ ⴰⵙⵎⵏⵉⴷ ⵏ ⵜⵉⴽⴽⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⵉ ⵓⵙⵉⵏⴰⵏ "ⴷⵉⴽⴰⵔⵜ", ⵎⴰ ⵢⴰⴷ ⵉⴳⴰⵏ ⵉⵎⵓⵙⵙⵓⵏ ⵏ ⵓⵙⵍⵎⴷ.

ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵃⵎⴰⴷ ⴱⵓⴽⵓⵙ, ⴳ ⵢⴰⵜ ⵜⵙⴳⵓⵔⵉ ⵉ ⵡⵙⵙⴰⵔⵓ ⵏ ⵜⵏⵖⵎⴰⵙⵜ ⵜⵎⵖⵔⴰⴱⵉⵜ (ⵎ24) ⵉⴹⴼⴰⵕⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ) ⵎⴰⵙ ⵓⵎⴰⴳⵔ ⴰⴷ ⵉⴳⴰ "ⴰⵎⵣⵔⵓⵢ" ⴰⵛⴽⵓ ⵜⴽⴰ ⵜⵡⴰⵍⴰ ⴰⴽⴽⵯ ⵉⵣⵡⴰⵔⵏ ⵍⵍⵉⵖ ⵜⴽⵛⵎ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵎⴰⵣⵉⵖⵜ ⵙ ⵓⵙⵉⵏⴰⵏ "ⴷⵉⴽⴰⵔⵜ".

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B3%E2%B5%94-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B7-%E2%B5%93%E2%B5%99%E2%B5%89%E2%B5%8F%E2%B4%B0%E2%B5%8F-%E2%B5%8F