ⴰⵙⴱⵉⴷⴷ ⵏ ⵓⵎⵓⵔⵉ ⴰⴱⵍⵊⵉⴽⵉ ⴽⵔⵉⵙⵜⵓⴼⵕ ⵎⴰⵕⵛⴰⵏ ⴰⴷ ⵉⴽⵛⵎ ⵙ ⵓⴳⵏⵙ ⵏ ⵡⴰⴽⴰⵍ ⴰⵏⴰⵎⵓⵔ ⵉⴳⴰ ⵜⵖⵜⴰⵙⵜ ⵏ ⵜⵏⴱⴰⴹⵜ ⵉⴹⴼⴰⵕⵏ ⴰⵙⵍⴳⵏ (ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ)

29 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵙⴷⴷⵉⴷⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵎⴰⵙ ⵓⵙⴱⵉⴷⴷ ⵏ ⵓⵎⴰⵔⵉ ⴰⴱⵍⵊⵉⴽⵉ ⴽⵔⵉⵙⵜⵓⴼⵕ ⵎⴰⵕⵛⴰⵏ ⴰⴷ ⵉⴽⵛⵎ ⵙ ⵡⴰⴽⴰⵍ ⴰⵏⴰⵎⵓⵔ ⵉⴳⴰ ⵜⵖⵜⴰⵙⵜ ⵜⴰⵏⴱⴰⴹⵜ ⵉⴹⴼⴰⵕⵏ ⴰⵙⵍⴳⴰⵏ ⵡⵉⵙⵙ 03.02 ⵉⵥⵍⵉⵏ ⵙ ⵓⴽⵛⵛⵓⵎ ⴷ ⵜⵎⵣⴷⵖⵜ ⵏ ⵉⴱⵕⵕⴰⵏⵉⵢⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵣⵣⵓ ⵓⵔ ⵉⵙⵍⴳⴰⵏⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵉⵔⴰⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⵙⵉⵏⴰⵙ, ⵎⴰⵙ ⴷⴼⴼⵉⵔ ⵍⵍⵉⵖ ⵜⴼⴼⵖ ⵜⵖⵜⴰⵙⵜ ⵜⴰⵏⴱⴰⴹⵜ ⵜⴰⵎⵙⵙⵓⴳⵜ ⵉⵥⵍⵉⵏ ⵙ ⵓⵙⴱⵉⴷⴷ ⵏ ⵓⴼⴳⴰⵏ ⴰⴷ ⵉⴽⵛⵎ ⵙ ⵡⴰⴽⴰⵍ ⴰⵏⴰⵎⵓⵔ ⴰⴼ ⴰⴷ ⵉⴹⴼⵕ ⵜⵙⵏⴱⴹⴰⵢⵜ ⵉⵍⵍⴰⵏ ⵖⵉⵍ ⴰⴷ, ⵥⴹⴰⵕⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵏ ⵎⵛⵜⴰ ⵏ ⵜⵎⵉⵣⴰⵔ ⴰⴷ ⴽⵛⵎⵏⵜ ⵙ ⵡⴰⴽⴰⵍ ⴰⵏⴰⵎⵓⵔ ⴰⴼ ⴰⴷ ⴹⴼⴰⵕⵏⵜ ⵜⵙⵏⴱⴹⴰⵢⵜ ⵉⵍⵍⴰⵏ, ⵜⴰⵎⴰ ⵏ ⵉⵙⵎⴷⵢⴰⵡⵏ ⵙⴳ ⴽⵔⴰ ⵢⴳⴰⵜⵜ ⵉⴳⵔⴰⵡⵏ ⴰⴷⵉⴱⵍⵓⵎⴰⵙⵉⵢⵏ ⵙⴳ ⵜⵎⵔⵙⴰⵍⵜ ⵜⴰⵏⴰⵎⵓⵔⵜ ⵏ ⵉⵣⴼⵔⴰⵏ ⵏ ⵓⴼⴳⴰⵏ, ⵎⴰ ⵢⴰⴷ ⵉⴽⵛⵎⵏ ⴳ ⵓⵙⴰⵜⵉ ⵏ ⵜⵉⵔⴰⵜ ⵏ ⵓⵥⵜⵉ ⵉⵙⵎⴰⵏⵏ ⵏ ⵜⵙⵏⴱⴹⴰⵢⵜ ⴰⴷ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵢⵓⵛⴽⴰ ⵓⵎⵓⵔⵉ ⴰⴱⵍⵊⵉⴽⵉ ⵢⴰⴷ, ⵍⵍⵉ ⵎⵓ ⵜⴳⴳⵔ ⵜⵖⵜⴰⵙⵜ ⵏ ⵓⵙⴱⵉⴷ ⵏ ⵓⴽⵛⵛⵓⵎ ⵙ ⵡⴰⴽⴰⵍ ⴰⵏⴰⵎⵓⵔ, ⵉⵜⵜⵢⵓⵙⵙⴰⵏ ⵙ ⵉⵎⵏⵖⵉ ⵏⵏⵙ ⵏ ⵍⵎⵖⵔⵉⴱ ⴷ ⵜⴼⴷⴰ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵏⵏⵙ, ⵎⴰ ⵢⴰⴷ ⵉⴳⴰⵏ "ⵜⵉⵔⴰⵜ ⴰⴷ ⵉⵙⵢⴰⴼⴰ ⵜⵉⵍⵉⵜ ⵏⵏⵙ ⴳ ⵍⵎⵖⵔⵉⴱ ⴰⴼ ⴰⴷ ⵉⵙⵙⵍⴽⵎ ⵉⵡⴰⵍⵉⵡⵏ ⵓⵔ ⵉⵃⵍⵉⵏ ⵅⴼ ⵜⵎⵙⴰⵔⵜ ⴷⴰⵜ ⵏ ⵜⵙⵏⴱⴹⴰⵢⵜ".

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵓⴼⴳⴰⵏ ⴰⴷ, ⵎⵇⵇⴰⵕ ⵉⵙ ⵉⵙⵙⵏ ⵎⴰⵙ ⵔⴰⴷ ⵉⵜⵜⵓⵙⴱⴷⴷ ⵓⴽⵛⵛⵓⵎ ⵏⵏⵙ ⵙ ⵡⴰⴽⴰⵍ ⴰⵏⴰⵎⵓⵔ ⵙⴳ 24 ⴱⵕⴰⵢⵕ 2021, ⵉⵔⴰ ⴰⴷ ⵉⴷⴷⵓ ⵙ ⵍⵎⵖⵔⵉⴱ ⵎⵔⴰ ⴰⴷ ⵉⵙⵔⵙ ⵜⵉⴷⴷⵜ ⵏⵏⵙ ⴷ ⴰⴷ ⵓⵙⵢⴰⴼⴰ ⵜⴼⴷⴰ ⵏ ⵜⵎⴰⵣⵉⵔⵜ ⴷ ⴰⴷ ⵉⵙⴽⵔ ⵜⵉⵍⴰⵍⵜ ⵏ ⵓⵏⴳⴰⵙ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B1%E2%B5%89%E2%B4%B7%E2%B4%B7-%E2%B5%8F-%E2%B5%93%E2%B5%8E%E2%B5%93%E2%B5%94%E2%B5%89-%E2%B4%B0%E2%B4%B1%E2%B5%8D%E2%B5%8A%E2%B5%89%E2%B4%BD%E2%B5%89-%E2%B4%BD%E2%B5%94%E2%B5%89%E2%B5%99%E2%B5%9C%E2%B5%93%E2%B4%BC%E2%B5%95-%E2%B5%8E%E2%B4%B0%E2%B5%95%E2%B5%9B%E2%B4%B0%E2%B5%8F-%E2%B4%B0%E2%B4%B7-%E2%B5%89%E2%B4%BD%E2%B5%9B%E2%B5%8E-%E2%B5%99-%E2%B5%93%E2%B4%B3%E2%B5%8F%E2%B5%99-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%89%E2%B4%B3%E2%B4%B0-%E2%B5%9C%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%8F