ⵉⵙⴷⵓⵙ ⵓⵎⵎⴰⵙ ⵏ ⵜⵙⴳⵓⵔⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴰⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴳ ⵉⴳⵔ ⵏ ⵓⵏⵏⴰⵍ ⵏ ⵜⵉⵥⴹⵕⴰ ⴷ ⵜⵙⵔⵜⴰⵏⵉⵏ ⵏ ⵓⵏⵣⵡⵉ

25 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⵎⴰⵏ ⵓⵎⵎⴰⵙ ⵏ ⵜⵙⴳⵓⵔⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⵉⴹⵍⵍⵉ ⴰⵙⵙ ⵏ ⵓⴽⵕⴰⵙ ⴳ ⵓⴱⵔⵉⴷ ⵏ ⵜⴰⵜⵉⵇⵏⵉⵜ ⵏ ⵓⵎⵢⴰⵡⴹ ⵏ ⵜⵏⴰⵢⵜ ⴳ ⵓⵙⵇⵇⵉⵎ ⴰⵎⵙⴳⴳⵓⵔ ⵡⵉⵙⵙ ⵎⵔⴰⵡⴷ ⵜⴰⵎⵙⴰⵎⵓⵏⵜ ⵏⵏⵙ ⵜⴰⵎⴰⵜⴰⵢⵜ ⵜⴰⵙⵏⵡⴰⵏⵜ ⴳ ⵉⵜⵜⵓⵙⴽⴰⵔⵏ ⵏ ⵓⵎⵎⴰⵙ ⴳ ⵓⵙⴳⴳⵯⴰⵙ ⵉⵣⵔⵉⵏ ⵏ ⵜⵖⵓⵔⵉ ⵏ ⵓⵖⴰⵡⴰⵙ ⵓⵥⵕⴼ ⵏ ⵓⵙⴳⴳⵯⴰⵙ 2021-2022.

ⵜⵙⵎⵏⵉⴷ ⵎⴰⵙⵙⴰ ⵕⵊⴰ ⵛⴼⵉⵍ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵎⵎⴰⵙ ⴳ ⵓⵎⴰⴳⵔ ⴰⴷ ⵏ ⵜⵜⵓⵙⴽⴰⵔⵉⵏ ⵉⴷⴷⵓⵔⵏ ⵉⵣⵍⵉⵏ ⵙ ⵓⵙⵎⵓⵜⵜⴳ ⴷ ⵓⵙⴱⵉⴷⴷ ⵏ ⵓⵙⵏⴼⵍ ⵏ ⵓⵏⵣⵡⵉ ⴳ ⵓⵎⵎⴰⵙ ⵏⵏⵙ ⵉⵄⵄⵔⵉⵎⵏ ⴷ ⵉⵎⵙⴽⴰⵔⵏ ⴳ ⵉⴳⵔ ⵏ ⵡⴰⴽⴰⵍ ⴷ ⵜⵎⵙⵙⵓⴳⵔⵉⵏ ⵉⵏⴰⵎⵎⴰⵙⵏ ⴷ ⵓⵔ ⵉⵏⵏⴱⵉⴹ ⴷ ⵜⵎⴰⵍⴰⵢⵉⵏ ⵓⵔ ⴳⴰⵏⵜ ⵜⵓⵏⴱⵉⴹ .

ⵜⵙⵓⵍ ⵜⵏⵏⴰ ⵎⴰⵙ ⵎⵇⵇⴰⵕ ⵏ ⵉⵙⵡⵓⴷⵓⵏ ⵏ ⵓⵃⵟⵟⵓ ⵍⵍⵉ ⵢⵙⵔⵙ ⵡⴰⴷⴷⴰⴷ ⴰⴷⵓⵙⴰⵏ ⴰⴳⵔⴰⵖⵍⴰⵏ ⵉⵙⴱⵖⵓⵔ ⵓⴳⴳⵔ 2000 ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵉⴼⵔⵉⵇⵢⴰ ⴷ ⵜⵙⵙⵔⵓⵜⵉⵏ ⵏ ⵓⵙⵎⵓⵜⵜⴳ ⴰⴽⴽⵯ ⵏⵏⵏⵙ ⵉⵄⵄⵔⵉⵎⵏ ⵉⵙⴽⵍⵏ ⴳ ⵓⵙⴰⵜⵉ ⵏ ⵓⵖⴰⵡⴰ ⵏ ⵜⵉⵏⵎⵍ ⴳ ⴰⵏⵜⵉⵔⵏⵉⵜ ⵏ ⵓⵏⵣⵡⵉ (Master Class) ⵎⴰⵔⴰ ⴰⴷ ⵥⴹⴰⵕⵏ ⵏ ⵓⴳⵔⴰⵡ ⵏ ⵉⵓⵣⴰⵢⵏ ⴷ ⵉⵄⵄⵔⵉⵎⵏ ⴳ ⵉⴳⵔ ⴷ ⴰⵙⵔⵇⴱ ⵏ ⵜⵓⴳⵉ ⵏ ⵉⵣⵎⵣⵏ ⵏ ⵜⵡⵓⵔⵉ ⴳ ⵉⴳⵔ ⵏ ⵜⵏⴼⵓⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%B7%E2%B5%93%E2%B5%99-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B5%99%E2%B4%B3%E2%B5%93%E2%B5%94%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%8F%E2%B4%BC%E2%B5%8D-%E2%B5%8F-%E2%B5%93%E2%B5%8F%E2%B5%A3%E2%B5%A1%E2%B5%89-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%8F%E2%B5%8F%E2%B5%99-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%93%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%9C%E2%B5%89%E2%B5%A5%E2%B4%B9%E2%B5%95%E2%B4%B0-%E2%B4%B7