ⴰⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ..ⴰⵙⵇⵙⵉ ⵏ ⵓⵏⴳⵔⴰⵡ ⴰⴷⵣⴰⵢⵔⵉ ⵅⴼ ⴰⴼⵔⵓ ⵏ ⵜⵡⵙⵉⵏ ⵜⵉⵏⴼⴳⴰⵏⵉⵏ ⴳ ⵜⵎⵔⵙⵉⵡⵜ ⵏ ⵜⵉⵏⴷⵓⴼ

25 ⵢⵓⵏⵢⵓ 2021 Version Imprimable

ⵊⵓⵏⵉⴼ - ⵉⵏⴳⴹ ⵓⴽⴰⴱⴰⵕ ⴰⵎⵖⵔⴰⴱⵉ ⴷⵔⴰⵏ ⴳ ⵜⵙⵓⵜⵍⵜ ⴰⴷ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙ ⵏ ⵓⴽⵡⴰⵙ ⴳ ⵜⵙⴳⵓⵔⵉ ⵉⴷⴷⵓⵙⴰⵏ ⵜⵓⵙⴽⵉⵔⵜ ⵏ ⵓⵏⴳⵔⴰⵡ ⴰⴷⵣⴰⵢⵔⵉ ⵊⵛⵄ ⵙⵍⴰⵡⴰ ⴰⴽⴽⵯ ⵏ ⴰⴼⵔⵓ ⵏ ⵜⵡⵙⵉⵏ ⵜⵉⵏⴼⴳⴰⵏⵉⵏ ⵉ ⵜⵎⴰⵙⵉⵡⵏ ⵏ ⵜⵉⵏⴷⵓⴼ.

ⴳ ⵓⵙⴰⵜⵉ ⵏ ⵓⵎⵙⴰⴰⵡⴰⵍ ⴰⵎⵏⵖ ⴷ ⵓⵎⵓⵣⴰⵢ ⵉⵅⵚⵚⴰ ⴷ ⵜⴱⴷⴰⴷⵜ ⵜⴰⵎⴰⴹⵍⴰⵏⵜ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙⵙ 47 ⵏ ⵓⵙⵇⵉⵎ ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⴰⴱⵉ ⴳ ⵜⵙⴳⵓⵔⵉ ⵏⵏⵙ ⵅⴼ ⵜⵎⵙⵙⵓⴳⵔⵜ ⵜⴰⴷⵣⴰⵢⵔⵉⵜ ⴳ ⴰⴼⵔⵓ ⵏ ⵜⵡⵙⵉⵏ ⵜⵉⵏⴼⴳⴰⵏⵉⵏ ⵉⵙⵍⴽⵎⵏ ⵉ 105 ⵓⵎⵍⵢⵓⵏ ⵓⵕⵓ ⴳ ⵉⵙⴳⴳⵯⴰⵙⵏ 1994 ⴷ 2004 ⵜⵢⴰⴽⴽⴰ ⵜⵎⵓⵏⵜ ⵜⵓⵕⵓⴱⵉⵜ ⵉ ⵢⵎⵣⴷⴰⵖⵏ ⵏ ⵜⵎⵔⵙⵉⵡⵏ ⵏ ⵜⵉⵏⴷⵓⴼ ⴷ ⵜⵎⵜⵜⴰ ⴳⵉⵙ ⵏ ⵉⵏⴳⵔⴰⵡⵏ ⵉⴰⵣⵉⵏ.

ⵉⵣⵎⵎⵓⵎ ⴰⴽⴰⴱⴰⵕ ⴰⵎⵖⵔⴰⴱⵉ ⵎⴰⵙ " ⵓⵔ ⵉⴳ ⵜⵓⵎⵔⵜ ⵎⴰⵙ ⵓⵡⴰⵏⴽ ⴷⴷⵣⴰⵢⵔⵉ ⴳ ⵊⵊⵛⵄ ⴳ ⵓⵎⵎⴰⵙ ⵏ ⵓⵙⵔⵙ ⵏ ⵓⵔⴳⴰⵢ ⴳ ⵓⵙⵖⵏ 5% ⵙⴳ ⵜⵡⵙⵉⵏ ⴰⴷ " ⵉⵙⵓⵍ ⵉⵏⵏⴰ ⵎⴰⵙ ⵜⴳⵍⴷⵉⵜ ⵜⵖⵔⴰ ⴰⴷ ⵜⵙⵔⵙ ⵜⵎⵀⵍⴰ ⵏ ⵓⵣⵔⵓⵢ ⵏ ⵓⵎⵓⵔⵙ ⵏ ⵜⵡⵙⵉⵏ ⵜⵉⵏⴼⴳⴰⵏⵉⵏ ⵉⵜⵜⵓⵙⵎⵏⵉⴷ ⴷ ⴰⵣⵎⵎⵣⵓ ⵏ ⵉⵎⵣⴷⴰⵖⵏ ⴳ ⵜⵎⵔⵙⵡⵏ ⵏ ⵜⵉⵏⴷⵓⴼ ⴳ ⴷⴷⵣⴰⵢⵔ ⴷ ⵉⵙⵖⵍⴼ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵍⵎⵓⴼⵡⴰⴹⵢⵢⴰ ⵏ ⵜⵎⵜⵜⴰ ⵢⵎⴰⵏⵏ ⵏ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⴷ ⵓⴱⵔⵍⴰⵎⴰⵏ ⵓⵕⵓⴱⵉ ⵉⵙⴽⴽⵉⵏ ⵍⵍⵉ ⵓⵔ ⵉⵔⵉ ⵓⵏⴳⵔⴰⵡ ⴰⴷⵣⴰⵢⵔⵉ ⵜⵎⵍⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵓⵣⵣⵔⴰⵢ ⵏ ⵓⵙⵍⴳⴰⵏ ⴰⵏⴼⴳⴰⵏ ⴰⵎⴰⴹⴰⵍⵏ.

ⵉⵙⵓⵍ ⵉⵏⵏⴰ ⵡⴽⴰⴱⴰⵕ ⵎⴰⵙ "ⴰⵎⵣⴰⵢ ⴰⵎⵇⵇⵓⵕⵏ ⵎⴰⵙ ⵉⵎⵣⴷⵖⵏ ⵖⴰⵙ ⵏⵜⵜⵏⵉ ⴷⴷⵓ ⵏ ⵜⵉⵥⴹⵕⴰ ⵏ ⵜⴳⴳⴰⵍⵉⵏ ⵜⴷⵣⴰⵢⵔⵉⵏ ⵙⴳ ⵓⴳⴳⴰⵔ ⵏ 45 ⵓⵙⴳⴳⵯⴰⵙ ⴷ ⵜⵉⴹⴰ ⴷ ⴰⵄⵚⴽⵔⵉ ⵏ ⵎⵉⵍⵉⵛⵢⴰ ⵉⴱⴹⵓ ⴷ ⵙⵙⵍⴰⵃ ⵖⵓⵔⵙⵏ ⴳ ⴰⴽⴽⵯ ⵉⵏⴰⵡⵏ ⵏⵏⵏⵙ ⵉⵍⵍⴰ ⴳⵉⵙ ⵚⵔⵓⵖ ⴷ ⵉⵎⴰⵙⵙⵏ ⵉⴷⴷⵓⵔⵏ ⵙ ⵓⵙⵔⵉⴷ ⵙⴳ ⵜⵉⵏⴱⴰⴹⵉⵏ ⵜⵉⴷⵣⴰⵢⵔⵉⵏ ⴳ ⵜⴰⵏⴰⵢⵜ ⴷ ⴰⵣⵓⵖ ⵏ ⵓⵎⴰⴹⴰⵍ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B4%B0%E2%B5%99%E2%B5%87%E2%B5%99%E2%B5%89-%E2%B5%8F-%E2%B5%93%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%B7%E2%B5%A3%E2%B4%B0%E2%B5%A2%E2%B5%94%E2%B5%89-%E2%B5%85%E2%B4%BC-%E2%B4%B0%E2%B4%BC%E2%B5%94%E2%B5%93-%E2%B5%8F-%E2%B5%9C%E2%B5%A1%E2%B5%99%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%89%E2%B5%8F-%E2%B4%B3-%E2%B5%9C%E2%B5%8E%E2%B5%94%E2%B5%99%E2%B5%89%E2%B5%A1%E2%B5%9C