ⵔⴰⴷ ⵉⴱⵉⴷⴷ ⵍⵎⵖⵔⵉⴱ ⴳ ⵓⵎⵖⵍⴰⵍ ⵜⴰⵎⴰⵏ ⵏ ⵜⵎⵔⵙⴰⵍⵉⵏ ⵜⵉⵙⵍⴳⴰⵏⵉⵏ ⵜⵉⵍⵉⴱⵢⵉⵏ (ⵎⴰⵙⵙ ⴱⵓⵕⵉⵟⴰ)

25 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⵙ ⵏⴰⵙⵕ ⴱⵓⵕⵉⵟⴰ ⵉⴹⵍⵍⵉ ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ ⵎⴰⵙ ⵍⵎⵖⵔⵉⴱ ⵖⵉⴽ ⵏⵏⴰⵏ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵔⴰⴷ ⵉⴱⵉⴷⴷ ⵍⵎⵖⵔⵉⴱ ⴳ ⵓⵎⵖⵍⴰⵍ ⵜⴰⵎⴰⵏ ⵏ ⵜⵎⵔⵙⴰⵍⵉⵏ ⵜⵉⵙⵍⴳⴰⵏⵉⵏ ⵜⵉⵍⵉⴱⵢⵉⵏ ⵔⴰⴷ ⵉⵏⵏⴰⵍ ⵏ ⵜⵓⴳⴳⴰⵣ ⵉⵎⴰⴹⵍⴰⵏ ⵏ ⵓⵎⵙⴰⵙⴰ ⵏ ⵜⵙⵙⴰⵙⵜ ⵍⵍⵉ ⵜⵣⵔⵉ ⵜⵎⴰⵣⵉⵖⵜ ⵜⴰⵎⴰⵖⴰⵔⵉⴱⵉⵜ " ⴳ ⵓⵙⴰⵜⵉ ⵏ ⵓⵎⵙⴰⵙ ⴳⵉⵙ ⴷ ⵜⵔⴰⴱⴱⵓⵜⵉⵏ ⵜⵉⵍⵉⴱⵢⵉⵏ ⵙⴰⵍⴰⵡⵏ ⴰⴽⴽⵯ ⵉⵜⵜⵓⵙⴽⴰⵔ ⵏ ⵉⵙⵜⴰⵢⵏ ⴳ ⵓⵏⵎⵓⵇⵇⴰⵔⵏ ⵉⵣⵍⵉⵏ ⴳ ⵓⵙⵙⴰⵏ ⵉⵣⵔⵉⵏ.

ⵉⵙⵓⵍ ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⴷ ⵎⴰⵙⵙ ⵄⵇⵉⵍⴰ ⵚⴰⵍⵉⵃ , ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ ⵎⴰⵙ "ⵍⵎⵖⵔⵉⴱ ⵉⵏⵏⴰ ⵎⴰⵙ ⴰⵙⵏⵎⵍⴰ ⵏ ⵉⵙⵜⴰⵢⵏ ⵔⴰⴷ ⵉⴳ ⵡⵜⵜⴰⵙ ⴰⴷⵍⵙⴰⵏ ⵏ ⵜⴽⵍⵉⵜ ⵢⵓⵛⴽⴰⵏ ⴳ ⵍⵉⴱⵢⴰ " ⵉⵙⵓⵍ ⵉⵏⵏⴰ ⵎⴰⵙ ⵉⵅⵚⵚⴰ ⵏ ⵓⵍⵜⵖ ⵏ ⵜⵎⵔⵙⴰⵍⵉⵏ ⵜⵉⵍⵉⴱⵢⵉⵏ ⵓⵙⵓⵊⴷ ⵏ ⵉⵎⵃⵣⵡⵔⵏ ⵎⵢⴰⴷ ⵜⵣⵔⵉ ⴳ ⵉⵙⵓⵜⵍⵏ ⵉⴼⵓⵍⴽⵉⵏ.

ⵉⵙⵓⵍ ⵉⵏⵏⴰ ⵎⴰⵙ ⵍⵎⵖⵔⵉⴱ ⵉⵎⵢⴰⵡⴰⴹ ⴳ ⵓⵎⵖⵍⵍⴰ ⴷ ⴽⵓⵍ ⵜⵎⵔⵙⴰⵍⵉⵏ ⵜⵉⵍⵉⴱⵢⵉⵏ ⵉⵍⵍⴰ ⴳⵉⵙⵏ ⵓⵙⵡⵡⵉⵎ ⵏ ⵉⵎⵓⵔⴰ "ⵎⴰⵢⴰⴷ ⵉⴳⴰ ⵜⵎⵔⵙⴰⵍⵜ ⵜⴰⴷⵍⵙⴰⵏⵜ ⴳ ⵓⵖⴰⵡⴰⵙ ⵏ ⵓⵙⵓⵊⴷ ⵏ ⵉⵙⵜⴰⵢⵏ ⵉⵍⵉⴱⵢⵉⵏ (ⵜⵉⴱⵕⵍⴰⵎⵏⵢⵉⵏ ⴷ ⵜⵉⵏⵙⵙⵉⵅⴼⵏ) ⵎⴰⵢⴰⴷ ⵔⴰⴷ ⵜⵥⴹⴰⵕ ⵉⵍⵉⴱⵢⵉⵏ ⴰⴷ ⵙⵜⵉⵏ ⵜⵎⵔⵙⴰⵍⵉⵏ ⵉⵙⵎⴷⵢⵉⵏ ⵏⵏⵙⵏ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B4%B1%E2%B5%89%E2%B4%B7%E2%B4%B7-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%8E%E2%B5%96%E2%B5%8D%E2%B4%B0%E2%B5%8D-%E2%B5%9C%E2%B4%B0%E2%B5%8E%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%99%E2%B5%8D%E2%B4%B3%E2%B4%B0%E2%B5%8F%E2%B5%89%E2%B5%8F-%E2%B5%9C%E2%B5%89%E2%B5%8D%E2%B5%89%E2%B4%B1%E2%B5%A2%E2%B5%89%E2%B5%8F-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0