Published on MAPNews (https://www.mapnews.ma/am)

Accueil > ⵕⵕⴱⴰⵟ : ⵜⵉⴽⴽⵉ ⵏ ⵍⴱⴷⵓ ⵏ ⵜⵡⵡⵓⵔⵉⵡⵉⵏ ⵏ ⵓⵙⵏⵜⵉ "ⴰⵙⴰⵔⵉ ⵉⵏⵓ: ⴰⴳⴰⵎⴰ ⴷ ⵜⵓⵙⵙⵏⴰ"

ⵕⵕⴱⴰⵟ : ⵜⵉⴽⴽⵉ ⵏ ⵍⴱⴷⵓ ⵏ ⵜⵡⵡⵓⵔⵉⵡⵉⵏ ⵏ ⵓⵙⵏⵜⵉ "ⴰⵙⴰⵔⵉ ⵉⵏⵓ: ⴰⴳⴰⵎⴰ ⴷ ⵜⵓⵙⵙⵏⴰ"

22 ⵢⵓⵏⵢⵓ 2021 Version Imprimable
ⵕⵕⴱⴰⵟ - ⵉⵜⵜⵓⴼⴽⴰ ⴰⵙⵙ ⵏ ⵓⵙⵉⵏⴰⵙ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵏⵜⵉ " ⴰⵙⴰⵔⵉ ⵉⵏⵓ: ⴰⴳⴰⵎⴰ ⴷ ⵜⵓⵙⵙⵏⴰ".

ⵉⵔⴰ ⵓⵙⵏⵜⵉ ⵢⴰⴷ, ⵍⵍⵉ ⵢⵕⵥⵎ ⵓⵙⵇⵇⵉⵎ ⵏ ⵜⵎⵏⴱⴰⴹⵜ ⴰⴳⴷⴰⵍ-ⵕⵕⵉⵢⴰⴹ ⵙ ⵜⵎⴷⵔⴰⵡⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⴰⴷ ⵉⵙⵓⵜⴳ ⴰⵢⴷⴰ ⵓⵔ ⵉⵎⴰⵜⵜⵉⵡ ⵏ ⵜⵖⵔⵎⵜ ⵏ ⵕⵕⴱⴰⵟ, ⵙⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⵏⵏⵙ ⴰⵎⴰⵣⵉⵖ.

ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵎⴰⵙⵙ ⵃⵎⴰⴷ ⴱⵓⴽⵓⵙ, ⵎⴰⵙ ⵉⵔⴰ ⵓⵙⵉⵏⴰⴳ ⴳ ⵜⵎⴷⵔⴰⵡⵜ ⵏⵏⵙ ⴳ ⵓⵎⵃⵉⵣⵡⴰⵔ ⴰⴷⵍⵙⴰⵏ ⴰⴷ, ⴰⴷ ⵉⵕⵥⵎ ⵅⴼ ⵓⵡⵏⴰⴹ ⵏⵏⵙ.

ⵉⵙⵓⵍ ⵉⵏⵏⴰ ⵎⴰⵙⵙ ⴱⵓⴽⵓⵙ ⵎⴰⵙ ⵓⵙⵉⵏⴰⴳ ⵉⴳⴰ ⵓⵎⴷⵔⴰⵡ ⴰⴷⵍⵙⴰⵏ ⵏ ⵓⵙⴼⵔⴰⴳ ⵙ ⵜⵉⵍⵉⵜ ⵏ ⵜⴷⵍⵙⴰ ⵜⵎⴰⵣⵉⵖⵜ ⴳ ⵜⵖⵔⵎⵜ ⵏ ⵕⵕⴱⴰⵟ, ⴷ ⴳ ⵓⵙⴱⴰⵢⵏ ⵏ ⵜⴷⵍⵙⴰ ⵢⴰⴷ ⴳ ⵓⵙⵡⵉⵔ ⴰⵎⵣⵔⵓⵢ ⴷ ⵏ ⵜⴰⵏⵟⵕⵓⴱⵓⵍⵓⵊⵉⵜ ⵜⴰⴷⵍⵙⴰⵏⵜ, ⵓⵍⴰ ⴳ ⵓⵙⵡⵉⵔ ⵏ ⵜⵏⵥⵓⵕⵉⵏ ⵜⵎⵖⵔⴰⴱⵉⵢⵏ ⵖⵓⵔⵙⵏⵜ ⵜⵖⵔⴰ ⵜⵎⴰⵣⵉⵖⵜ.

ⵉⵙⵓⵍ ⵉⵏⵏⴰ ⵎⴰⵙⵙ ⴱⵓⴽⵓⵙ ⵎⴰⵙ ⴳ ⵓⵙⴰⵜⵉ ⵏ ⵜⵎⵙⵙⵓⴳⵔⵜ ⴰⴷ, ⵔⴰⴷ ⵉⵙⴽⵔ ⵓⵙⵉⵏⴰⴳ ⵎⵏⵏⴰⵡ ⵏ ⵉⵙⴼⵙⵔⵏ ⵅⴼ ⵉⵙⵖⵍⴼⴰⵏ ⵏ ⵓⵙⵉⵏⴰⴳ ⴷ ⵜⵉⵍⵉⵜ ⵏ ⵜⴷⵍⵙⴰ ⵜⵎⴰⵣⵉⵖⵜ ⴳ ⵜⵖⵔⵎⵜ ⵏ ⵕⵕⴱⴰⵟ.

ⵉⵍⵍⴰ ⵙⵓⵍ ⴳ ⵓⵎⵎⴰⵙ ⵏ ⵓⵖⴰⵡⴰⵙ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⵎⴰⵙⵙ ⴱⵓⴽⵓⵙ, ⵉⵙⴼⵙⵔⵏ ⵉⵙⴰⵡⵍⵏ ⵅⴼ ⵜⵖⴰⵡⵙⴰ ⵏ ⵓⵙⵍⵎⴷ ⵏ ⵜⵎⴰⵣⵉⵖⵜ, ⵓⵍⴰ ⵜⵥⵕⵉⴳⵉⵏ ⵍⵍⵉ ⵢⵙⵙⵓⴼⵖ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B4%B0%E2%B5%99%E2%B4%B0%E2%B5%94%E2%B5%89-%E2%B5%89%E2%B5%8F%E2%B5%93-%E2%B4%B0%E2%B4%B3%E2%B4%B0%E2%B5%8E%E2%B4%B0-%E2%B4%B7-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0