ⵜⵖⵕⴰ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴰⴷ ⴱⵉⴷⴷⵏ ⴰⴽⴽⵯ ⵉⵣⵔⴰⵢⵏ ⴳ ⵓⵣⵎⵎⵣⵓ ⵏ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵏ ⵓⵙⵜⴰⵢ ⵙ ⵡⴰⴷⴷⵓⵙ ⵉⵅⵚⵚⴰ

21 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⵖⵕⴰ ⵓⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⵎⴰⵜⴰⵢⵜ ⴰⴷ ⴱⴷⴷⵏ ⴰⴽⴽⵯ ⵉⵣⵔⴰⵢⵏ ⴳ ⵓⵣⵎⵎⵣⵓ ⵏ ⵓⵣⵎⵎⴻⵎ ⵏ ⵜⵍⴳⴰⵎⵉⵏ ⵏ ⵓⵙⵜⴰⵢ ⵙ ⵡⴰⴷⴷⵓⵙ ⵉⵅⵚⵚⴰⵏ.

ⵢⵓⵛⴽⴰⵏ ⴳ ⵜⵎⵣⴰⵏⵜ ⵏ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵅⴼ "ⵉⵣⵔⴰⵢⵏ ⵉⵜⵜⵓⵙⴽⴰⵔⵏ ⴳ ⵓⵣⵎⵎⵣⵓ ⵏ ⵓⵣⵎⵎⴻⵎ ⵏ ⵜⵍⴳⴰⵎⵉⵏ ⵏ ⵓⵙⵜⴰⵢ ⵏ ⵜⵎⵜⴰⵢⵉⵏ", ⵉⵜⵜⵢⵓⵣⴰⵏⵏ ⵉ ⵍⵡⵓⴽⴰⵍⴰ ⵉⵎⴰⵜⵔⴰⵢⵏ ⵏ ⵓⴳⵍⵍⵉⴷ ⴷⴰⵔ ⵏ ⵜⵙⵏⴱⴹⴰⵢⵉⵏ ⵏ ⵓⵍⵍⴰⵙ, ⴷ ⵍⵡⵓⴽⴰⵍⴰ ⵏ ⵓⴳⵍⵍⵉⴷ ⴷⴰⵔ ⵏ ⵜⵙⵏⴱⴹⴰⵢⵉⵏ ⵜⵉⵎⵣⵡⴰⵔⵉⵏ, ⵎⴰⵙ " ⵖⵉⴽ ⵍⵍⵉ ⵜⵔⴰ ⵙⵙⵍⴰⵎⵜ ⴳ ⵜⵎⵀⵍⴰ ⵏ ⵓⵣⵎⵎⴻⵎ ⵏ ⵜⵍⴳⴰⵎⵉⵏ ⵏ ⵓⵙⵜⴰⵢ ⵜⵉⵍⴽⴰⵎⵉⵏ ⵏ ⵓⵣⵔⴰⵢ ⵅⴼ ⵜⵎⵀⵍⵉⵡⵉⵏ ⵏ ⵓⵙⵜⴰⵢ, ⵖⵕⵉⵖ ⴰⵡⵏ ⴰⴷ ⵜⵙⴱⵉⴷⴷⵎ ⴽⵔⴰ ⵢⴳⴰⵜⵜ ⵓⵣⵔⴰⵢ ⵙ ⵓⵣⵎⵎⵣⵓ ⵏ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵙ ⵡⴰⴷⴷⵓⵙ ⵉⵅⵚⵚⴰⵏ, ⴷ ⵓⵎⵎⴰⵙ ⵏ ⵉⵙⵡⵓⴷⴷⵓⵏ ⵉⵔⴰⵏ ⴰⴷ ⵜⵏⴼⵔⵓ ⵙⵙⵍⴰⵎⵜ ⵏ ⵜⵎⵀⵍⵉⵡⵉⵏ ⵏ ⵓⵙⵜⴰⵢ ⴷ ⵓⵙⴽⵔ ⵏ ⵜⵣⴷⴳⵉ".

ⵉⵙⵓⵍ ⵉⵏⵏⴰ ⵡⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵎⴰⵙ "ⵖⵉⴽ ⵍⵍⵉ ⵜⵙⵙⵏⵎⵏ, ⵜⴻⵟⵟⴰⴼ ⵜⵎⵀⵍⴰ ⵏ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵏ ⵓⵙⵜⴰⵢ ⴰⴷⴷⵓⵔ ⵉⵎⵇⵇⵓⵕⵏ, ⵎⴰ ⵢⴰⴷ ⵉⴼⴽⴰⵏ ⵉ ⴽⵔⴰ ⵢⴳⴰⵜⵜ ⵓⵏⵎⵓⵔⵉ ⴰⵣⵔⴼ ⵏⵏⵙ ⴰⴷ ⵓⴷⵔⵓ ⴳ ⵜⵎⵀⴰⵍⵜ ⵏ ⵓⵙⵜⴰⵢ, ⴷⴼⴼⵉⵔ ⵉⵖ ⵙⵙⵏⵜ ⵜⵎⵏⴱⴰⴹⵉⵏ ⵎⴰⵙ ⵉⵟⵟⴰⴼ ⵉⵙⵓⵜⵍⵏ ⵉⵅⵚⵚⴰⵏ ⴰⴼ ⴰⴷ ⵢⴰⵎⵥ ⵓⵣⵔⴰⴼ ⴰⴷ, ⵏⵖⴷ ⵓⵀⵓ ⵉⵖ ⵜ ⵉⴳⴰ ⵍⵃⴰⵍ".

ⴳ ⵓⵙⴰⵜⵉ ⴷⵖ, ⵜⵙⵓⵍ ⵜⵏⵏⴰ ⵜⵎⵣⴰⵏⵜ, ⴰⵙⵍⴳⴰⵏ ⵡⵉⵙⵙ 57.11 ⵉⵥⵍⵉⵏ ⵙ ⵜⵍⴳⴰⵎⵉⵏ ⵏ ⵓⵙⵜⴰⵢ ⴰⵎⴰⵜⴰⵢ ⴷ ⵜⵎⵀⵍⴰ ⵏ ⵜⵏⵏⴰⵢⵜ ⴳ ⵓⵎⵎⴰⵙ ⵏ ⵓⵎⵢⴰⵡⴰⴹ ⴰⵙⵍⵉⵣⵉⵕ ⴰⴳⴷⴷⵓⴷ ⴳ ⵓⵎⵣⵣⵉⵣⵍ ⵏ ⵓⵙⵜⴰⵢ ⴷ ⵍⵉⵙⵜⵉⴼⵜⴰ ⵖⵉⴽ ⵍⵍⵉ ⵢⵜⵜⵓⵙⵏⴼⵍ ⴷ ⵉⵜⵎⵎⴻⵎ, ⵉⴱⵔⵙⴽⴷ ⵎⵏⵏⴰⵡ ⵏ ⵉⵙⴽⴽⵉⵏ ⵉⵜⵜⵓⵙⴽⴰⵔⵏ ⴳ ⵓⵣⵎⵎⵣⵓ ⵏ ⵓⵣⵎⵎⴻⵎ ⵏ ⵜⵍⴳⴰⵎⵉⵏ ⵏ ⵓⵙⵜⴰⵢ, ⴰⴼ ⴰⴷ ⵉⵜⵜⵓⴼⵔⴰⴳ ⵅⴼ ⵙⵙⵍⴰⵎⵜ ⴷ ⵓⵙⵍⴳⵏ ⵏ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵏ ⵓⵙⵜⴰⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%96%E2%B5%95%E2%B4%B0-%E2%B5%9C%E2%B5%8E%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B4%B0%E2%B4%B7-%E2%B4%B1%E2%B5%89%E2%B4%B7%E2%B4%B7%E2%B5%8F-%E2%B4%B0%E2%B4%BD%E2%B4%BD%E2%B5%AF-%E2%B5%89%E2%B5%A3%E2%B5%94%E2%B4%B0%E2%B5%A2%E2%B5%8F-%E2%B4%B3-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F-%E2%B5%93%E2%B5%A3%E2%B5%8E%E2%B5%8E%E2%B4%BB%E2%B5%8E-%E2%B4%B3-%E2%B5%9C%E2%B5%8D%E2%B4%B3%E2%B4%B0%E2%B5%8E%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%99