ⵕⵕⴱⴰⵟ..ⵜⵢⴰⴽⴽⴰ ⵏ ⵜⵙⵎⵖⵓⵕⵜ ⵏ ⵓⵎⵓⴼⴰⵢ ⴰⵣⴰⵡⴰⵏ ⵙⴳ ⵜⵎⵔⵙⴰⵍⵜ ⴱⴱⵕⴰⵀⵉⵎ ⴰⵅⵢⵢⴰⵟ ⵏ ⵓⵎⵢⵏⴰⵡ ⴰⴷⵍⵙⴰⵏ

20 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵜⵙⵏⵎⵍⴰ ⵜⵎⵔⵙⴰⵍⵜ ⴱⵕⵀⵉⵎ ⴰⵅⵢⵢⴰⵟ ⵏ ⵓⵎⵢⴰⵏⴰⵡ ⴰⴷⵎⵙⴰⵏ ⴰⵙⵙ ⵏ ⵓⵙⴰⵎⴰⵙ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵜⵢⴰⴽⴽⴰ ⵏ ⵜⵙⵎⵖⵓⵕⵜ ⵏ ⵓⵎⵓⴼⴰⵢ ⴰⵣⴰⵡⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵓⵙⴰⵜⵉ ⵏ ⴰⵙⴼⵓⴳⵍⵓ ⵏ ⴰⵙⵙ ⴰⴳⵔⴰⵖⵍⴰⵏ ⵏ ⴰⵣⴰⵡⴰⵏ ⵍⵍⵉ ⵢⵎⵓⵏ ⴰⵙⵙ 21 ⵢⵓⵏⵢⵓ ⴽⵓ ⵓⵙⴳⴳⵯⴰⵙ.

ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ" ⵉⵏⵏⴰ ⵎⴰⵙⵙ ⵢⴰⵙⵉⵏ ⴰⵅⵢⵢⴰⵟ ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⵔⵙⴰⵍⵜ ⵏ ⴱⵕⴰⵀⵉⵎ ⴰⵅⵢⵢⴰⵟ ⵏ ⵓⵎⵢⴰⵏⵡ ⴰⴷⵍⵙⴰⵏ ⵎⴰⵙ ⵜⵎⵔⵙⴰⵍⵜ ⵜⵡⵓⵔⵉ ⴳ ⵍⴱⴷⵓ ⵏⵏⵙ ⴳ ⵢⴰⵜ ⵜⵙⴰⵡⵔⵜ ⵜⴰⵣⴰⵡⴰⵏⵜ ⵏ ⵓⵙⵎⵓⵜⵜⴳ ⵏ ⵉⵎⵣⵢⴰⵏⵏ ⴷⴷⵓ ⵏ ⵓⵎⵣⴰⵢ ⵏ ⵜⵉⵔⴰⵜ ⵏ ⵜⵖⴰⵡⵙⵉⵡⵉⵏ ⵏ ⵜⵎⵣⵉ ⴷ ⵜⵄⵄⵓⵔⵎⴰ ⴰⵎⵎ ⵓⴱⵉⴷⴷ ⵏ ⵓⵙⵏⵜⵉ ⴰⴷⵍⵙⴰⵏ ⴷ ⵜⵡⵡⵓⵔⵉ ⴰⴼⴰⴷ ⵏ ⵓⵎⵓⵙⵙⵓ ⵏ ⴰⴽⴽⵯ ⵉⵎⴰⵙⵙⵏ ⵉⵙⴳⵎⴰⵏ ⵉⵍⵍⴰ ⴳⵉⵙ ⴰⵙⴳⵎⵉ ⴰⵣⵡⴰⵏ ⵏ ⵜⵜⵓⵙⴽⴰⵔ ⵏ ⵉⵡⵜⵜⴰⵙⵏ ⴰⴷ.

ⵉⵙⵓⵍ ⵉⵏⵏⴰ ⵎⴰⵙ ⵜⵡⵓⵔⵉ ⵜⴰⵎⵔⵙⴰⵍⵜ ⴰⴼⴰⴷ ⵜⵖⴱⵉ ⴷ ⵓⵏⵏⴰⵍ ⵏ ⵜⵏⴰⵎⵓⵔⵜ ⴷ ⵜⴰⴷⵉⵎⵓⵇⵕⵟⵉⵜ ⵉⴱⵉⴷⴷⵏ ⵅⴼ ⵓⵎⵢⴰⵏⴰⵡ ⴰⴷⵍⵙⴰⵏ ⵉⵍⵍⴰ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵜⵉⵔⴰⵜ ⵏ ⵓⵙⵎⵓⵜⵜⵓⴳ ⴳ ⵉⴳⵔ ⵏ ⵓⵣⴰⵡⴰⵏ ⴷ ⵜⴼⵔⵙⵉⵜ ⴷⴰⵔ ⵏ ⵉⵄⵄⵔⵉⵎⵏ ⴷ ⵉⵎⵣⵢⴰⵏⵏ ⵜⴰⵙⵡⵔⵜ ⵙ ⵉⵙⵎ "AZAONE" ⵎⵔⴰ ⴰⴷ ⴼⴽⴰⵏ ⴰⴷⴷⵓⵔ ⵉ ⵓⵢⴷⴰ ⴰⴷⵍⵙⴰⵏ ⴰⵎⵎ ⵜⴼⵓⵍⵜ ⵙⴳ ⵜⴼⵓⵍⵉⵏ ⵏ ⵓⵏⴳⵔⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⵙⵙⵏ ⵡⴰⵙⵙ ⴰⵣⴰⵡⴰⵏ ⴰⴷ ⵏ ⵓⵙⵎⵏⵉⴷ ⵏ ⵓⵙⴼⵙⴰⵔ ⵏ ⵓⵣⴰⵡⴰⵏ ⵙ ⵜⴷⵔⴰⵡⵜ ⵏ ⵓⴳⴳⵔ ⵏ 20 ⴰⵎⴷⵔⴰⵡ ⴷⴷⵓ ⵏ ⵡⵜⵜⴰⵢ ⵏ 18 ⵓⵙⴳⴳⵯⴰⵙ ⵓⵍⴰ ⵜⵢⴰⴽⴽⴰ ⵏ ⵜⵙⵎⵖⵓⵕⵜ ⵏ ⵓⵙⵎⵖⵔ ⵏ ⴽⵔⴰ ⵏ ⵉⵎⵣⵢⴰⵏ ⵉⵎⵓⴼⴰⵢⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%95%E2%B5%95%E2%B4%B1%E2%B4%B0%E2%B5%9F%E2%B5%9C%E2%B5%A2%E2%B4%B0%E2%B4%BD%E2%B4%BD%E2%B4%B0-%E2%B5%8F-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%95%E2%B5%9C-%E2%B5%8F-%E2%B5%93%E2%B5%8E%E2%B5%93%E2%B4%BC%E2%B4%B0%E2%B5%A2-%E2%B4%B0%E2%B5%A3%E2%B4%B0%E2%B5%A1%E2%B4%B0%E2%B5%8F-%E2%B5%99%E2%B4%B3-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C-%E2%B4%B1%E2%B4%B1%E2%B5%95%E2%B4%B0%E2%B5%80%E2%B5%89%E2%B5%8E-%E2%B4%B0%E2%B5%85%E2%B5%A2%E2%B5%A2%E2%B4%B0%E2%B5%9F-%E2%B5%8F-%E2%B5%93%E2%B5%8E%E2%B5%A2%E2%B5%8F%E2%B4%B0%E2%B5%A1-%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F