ⵉⵎⵎⴰⴳⴳⵔ ⵓⴳⵔⴰⵡ ⵉⵥⵍⵉⵏ ⵙ ⵡⴰⵏⴰⵡ ⵏ ⵓⵏⴳⵎⵓ ⴷ ⵉⵎⵙⴽⴰⵔⵏ ⵉⵏⵎⵏⴰⴹⵏ ⵖ ⵕⵕⴱⴰⵟ

16 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⵙⵎⵏⵉⴷ ⵓⴳⵔⴰⵡ ⵉⵥⵍⵉⵏ ⵙ ⵡⴰⵏⴰⵡ ⵏ ⵓⵏⴳⵎⵓ, ⴰⵙⵙ ⴰⴷ ⵏ ⵓⴽⵕⴰⵙ ⴳ ⵕⵕⴱⴰⵟ, ⵜⴰⴹⴰ ⵏ ⵡⴰⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⴷⴰⵜ ⵎⵏⵏⴰⵡ ⵏ ⵉⵎⵙⴽⴰⵔⵏ ⵉⵎⵔⵙⴰⵍⵏ ⵏ ⵜⵎⵏⴰⴹⵜ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ, ⴳ ⵓⵙⴰⵜⵉ ⵏ ⵉⵎⵓⵙⵙⵓⵏ ⵍⵍⵉ ⵢⵙⴽⴰⵔ ⵓⴳⵔⴰⵡ ⴰⴷ ⴰⴽⴽⵯ ⵜⵎⵏⴰⴹⵉⵏ.

ⵉⵏⵏⴰ ⵡⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⴰⵎⵓⵏ ⴷ ⴰⵡⵏⴰⴹ, ⴰⵃⵎⴰⴷ ⵕⵉⴹⴰ ⵛⵛⴰⵎⵉ, ⵎⴰ ⵢⴰⴷ ⵉⴳⴰⵏ ⵓⴳⵎⴰⵎ ⵏ ⵓⴳⵔⴰⵡ, ⵎⴰⵙ ⵓⵎⴰⴳⵔ ⴰⴷ ⵉⵥⴹⵕ ⴰⴷ ⵢⴰⵡⵉ ⵡⵙⴰⵡⵍ ⵅⴼ ⵎⵛⵜⴰ ⵏ ⵉⵙⵓⴳⵎⵏ ⴷ ⵎⵛⵜⴰ ⵏ ⵉⴼⵔⴷⵉⵙⵏ ⵏ ⵡⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⵉⵙⵓⴳⵎⵏ ⵖⵓⵔⵙⵏ ⵜⵖⵔⴰ ⵏ ⵡⴰⴽⴰⵍ.

ⵉⴼⵔⴰ ⵢⵏⵏⴰ ⵎⴰⵙⵙ ⵛⵛⴰⵎⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ, ⵎⴰⵙ ⴰⵔⵎⵙ ⴰⴼⵓⵍⴽⵉ ⵏ ⵜⵎⴳⴳⵓⵔⴰ ⵜⵉⴷⵍⵙⴰⵏⵉⵏ ⵏ ⵜⴹⴰ ⵉⵅⵚⵚⴰⵏ ⵉ ⵓⵣⵣⵉⴳⵔ ⵉⵕⵡⴰ ⵉ ⵍⴰⵃⴽⴰⵎ ⵏⵏⵙ ⴷ ⵉⵙⵙⴽⵜⵉ ⵜⵎⴷⵔⴰⵡⵜ ⵜⴰⴷⵓⵔⴰⵏⵜ ⵜⴰⵏⴰⵎⵓⵏⵜ ⵉⴼⵓⵍⴽⵉⵏ ⴳ ⵜⵎⵎⵏⵜⴰⵜ ⴰⴷ.

ⴳ ⵓⵎⴰⴳⵔ ⴰⴷ, ⵉⵙⵙⴽⵜⴰ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ, ⵎⵓⵃⵎⵎⴷ ⵍⵢⵄⵇⵓⴱⵉ, ⵉⴹⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⴰⴷ ⵜⵜⵓⵙⴽⴰⵔ ⵜⵎⵀⵍⴰ ⵢⵓⵙⵄⴰⵏ ⵏ ⵜⵎⵓⵢⵜ ⵏ ⵜⴹⴰ ⴷⴰⵔ ⵉⵏⵎⵓⵔⵉⵏ ⴳ ⴰⴽⴽⵯ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B5%8E%E2%B4%B0%E2%B4%B3%E2%B4%B3%E2%B5%94-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%A1%E2%B4%B0%E2%B5%8F%E2%B4%B0%E2%B5%A1-%E2%B5%8F-%E2%B5%93%E2%B5%8F%E2%B4%B3%E2%B5%8E%E2%B5%93-%E2%B4%B7-%E2%B5%89%E2%B5%8E%E2%B5%99%E2%B4%BD%E2%B4%B0%E2%B5%94%E2%B5%8F-%E2%B5%89%E2%B5%8F%E2%B5%8E%E2%B5%8F%E2%B4%B0%E2%B4%B9%E2%B5%8F-%E2%B5%96-%E2%B5%95%E2%B5%95%E2%B4%B1%E2%B4%B0%E2%B5%9F