ⵜⴰⵎⵀⵍⴰ "ⵎⴰⵕⵃⴰⴱⴰ 2021": ⴰⵙⵙⵖⵍⵓ ⵏ ⵜⵥⵉⴹⵕⴰ ⵏ ⵉⵣⵔⵉⵔⵉⵏ ⵏ ⵉⵍⵍ ⵉⵜⴷⴷⵓⵏ ⵙ ⵉⴼⵜⴰⵙⵏ ⵉⵎⵖⵔⴰⴱⵉⵢⵏ (ⵜⴰⵎⴰⵡⴰⵙⵜ)

14 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵖⵉⴽ ⵍⵍⵉ ⵏⵏⴰⵏ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵔⴰⵏ ⴰⴷ ⵉⵣⵔⵉ ⵓⴷⵡⴰⵍ ⵏ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵉⵎⴰⴽⵏ ⵉⵎⵓⴼⴰⵢⵏ, ⵜⴹⴼⵕ ⵜⵎⵀⵍⴰ ⵏ ⵜⵢⵍⴰⵏⵜ ⵜⴰⵙⵖⵏⵣⵉⵜ, ⵉⴹⴼⴰⵕⵏ ⵉ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ ⴷ ⵡⴰⵎⴰⵏ, ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⴷ ⵜⵎⵙⵙⵏⵜⵉⵜⵉⵏ ⵏ ⵡⴰⵙⵙⴰⵢ ⴷ ⵓⵕⵓⴱⴱⴰ.

ⵅⴼ ⵖⵉⴽⴰⵏⵏ, ⵜⵣⵣⵓⴳⴷ ⵜⵎⵀⵍⴰ ⴰⵜⵉⴳ ⵏ ⵜⵡⵕⵉⵇⵜ ⵏ ⵓⴷⴷⵓ/ⵓⴷⵡⵍ ⵙ ⵜⵀⵉⵔⵉⵜ ⴰⵔ 995 ⵓⵕⵓ ⵉ ⴽⵜⴰ ⵢⴳⴰⵜⵜ ⵜⵡⵊⵊⴰ ⵏ 4 ⵉⴼⴳⴰⵏ ⵉ ⵢⵣⵔⵉⵔⵉⵏ ⵉⵖⵣⵣⵉⴼⵏ, ⴷ 450 ⵓⵕⵓ ⵉ ⵢⵣⵔⵉⵔⵉⵏ ⵓⵥⵥⵓⵎⵏ, ⵎⴰ ⵢⴰⴷ ⵜⵏⵏⴰ ⵜⵎⵀⵍⴰ ⴳ ⵢⴰⵏ ⵓⵙⵉⵡⴹ.

ⴼ ⵓⵙⴰⵜⵉ ⵢⴰⴷ ⴷⴰⵖ, ⵍⵍⴰⵏ ⵉⵡⴰⵍⵉⵡⵏ ⴷ ⵜⵏⴱⴰⴹⵉⵏ ⵏ ⵍⴱⵓⵕⵜⵓⵖⴰⵍ ⴰⴼ ⴰⴷ ⵉⴳ ⵏⵏⵓⵕⵥⵎⵏ ⵉⵣⵔⵉⵔⵉⵏ ⵏ ⵉⵍⵍ ⵢⴰⴹⵏⵉⵏ ⵙⴳ ⵓⴼⵜⴰⵙ "ⴱⵓⵕⵜⵉⵎⴰⵡ" ⴳ ⵍⴱⵓⵕⵜⵓⵖⴰⵍ ⴰⵔ ⵓⴼⵜⴰⵙ ⵏ ⵟⴰⵏⵊⴰ.

ⵔⴰⴷ ⵔⵏⵓⵏ ⵉⵣⵔⵉⵔⵉⵏ ⴰⴷ ⵙ ⵡⵉⵏⵏ ⵏ ⴼⵕⴰⵏⵚⴰ ⴷ ⵟⵟⴰⵍⵢⴰⵏ ⵍⵍⵉ ⵢⴰⴷ ⵍⵍⵉ ⵜⵖⴰⵡⵜⴰⵙⵏ ⴳ ⵓⵙⴳⴳⵯⴰⵙ ⴰⴷ, ⵎⴰ ⵢⴰⴷ ⵉⵙⵎⴰⵏⵏ 20.000 ⵉⵎⵙⵓⴷⴷⵓⵏ ⴷ 5.000 ⵜⵀⵉⵔⵉⵜ ⴽⵔⴰ ⵢⴳⴰⵜⵜ ⵉⵎⴰⵍⴰⵙⵙ, ⵎⴰ ⵔⴰⴷ ⵉⵙⵎⵓⵏ, ⵙⴳ 15 ⵢⵓⵏⵢⵓ ⴰⵔ 15 ⵛⵓⵜⴰⵏⴱⵉⵔ 2021, ⵍⴰⵃⵡⴰⵍ ⵏ 650.000 ⵉⵎⵙⵓⴷⴷⵓⵏ ⴷ 180.000 ⵜⵀⵉⵔⵉⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%80%E2%B5%8D%E2%B4%B0-%E2%B5%8E%E2%B4%B0%E2%B5%95%E2%B5%83%E2%B4%B0%E2%B4%B1%E2%B4%B0-2021-%E2%B4%B0%E2%B5%99%E2%B5%99%E2%B5%96%E2%B5%8D%E2%B5%93-%E2%B5%8F-%E2%B5%9C%E2%B5%A5%E2%B5%89%E2%B4%B9%E2%B5%95%E2%B4%B0-%E2%B5%8F-%E2%B5%89%E2%B5%A3%E2%B5%94%E2%B5%89%E2%B5%94%E2%B5%89%E2%B5%8F-%E2%B5%8F-%E2%B5%89%E2%B5%8D%E2%B5%8D-%E2%B5%89%E2%B5%9C%E2%B4%B7%E2%B4%B7%E2%B5%93%E2%B5%8F-%E2%B5%99-%E2%B5%89%E2%B4%BC%E2%B5%9C%E2%B4%B0%E2%B5%99%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F