ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

14 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵔⴰⴷ ⵢⵉⵍⵉ, ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵔⴰⴷ ⵜⵜⵓⵖⵔⴰⵏ ⴳ ⵍⴱⴷⵓ ⵏⵏⵙ ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵙⵍⴳⴰⵏ.

ⴰⵙⵏⵜⵉ ⵏ ⵓⵙⵍⴳⵏ ⴰⵎⵣⵡⴰⵔⵓ ⵉⵥⵍⵉ ⵙ ⵡⴰⴷⴷⴰⴷ ⵓⵖⵔⵎⵉ, ⴷ ⵡⵉⵙⵙ ⵙⵉⵏ ⵙ ⵓⵙⵏⴼⵍ ⴷ ⵓⵜⵎⵉⵎ ⵏ ⴹⴹⴰⵀⵉⵕ ⴰⵛⵛⵔⵉⴼ ⴰⵎⵎ ⵓⵙⵍⴳⴰⵏ ⵉⵜⵜⵓⵙⴽⴰⵔⵏ ⴳ ⵓⵎⵎⴰⵙ ⵏⵏⵙ ⵜⵎⵔⵙⴰⵍⵜ ⵛⵛⵉⵅ ⵣⴰⵢⴷ ⴱⵏ ⵚⵓⵍⵟⴰⵏ, ⴷ ⵡⵉⵙⵙ ⴽⵕⴰⴹ ⵅⴼ ⵓⵙⵏⴼⵍ ⴷ ⵓⵜⵎⵉⵎ ⵏ ⵓⵙⵍⴳⴰⵏ ⵉⵜⵜⵓⵙⴽⴰⵔⵏ ⴳ ⵓⵎⵎⴰⵙ ⵏⵏⵙ ⵜⴰⵎⵔⵙⴰⵍⵜ ⵏ ⵛⵛⵉⵅ ⵅⴰⵍⵉⴼⴰ ⴱⵏ ⵣⴰⵢⴷ.

ⵔⴰⴷ ⵉⵣⵔⵉ ⵡⵙⵇⵇⵉⵎ, ⴷⴼⴼⵉⵔ ⴰⴷ, ⵙ ⵜⵖⵓⵔⵉ ⵏ ⵓⵙⵏⵜⵉ ⵏ ⵓⵎⵕⵚⵓⵎ ⵉⵥⵍⵉⵏ ⵙ ⵓⵣⵣⵔⴰⵢ ⵏ ⵉⵎⵓⵙⵙⵓⵜⵏ ⵏ ⵜⵎⵔⵙⴰⵍⵉⵏ ⵏ ⵓⵎⵓⵙⵓ ⵉⵙⴱⵖⵔⵏ ⵙ ⵜⵢⴰⴽⴽⴰ ⵏ ⵓⵔⴳⴰⵢ ⵉⵍⵍⴰⵏ ⴳ ⵓⵙⵍⴳⴰⵏ ⴰⵎⴰⵜⴰⵢ ⵏ ⵉⵔⴳⴰⵢⵏ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼⵕ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-14