ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴼⵕⴰⵏⵚⴰ ⵙⵎⵖⵔⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵏ ⵉⵙⵙⵔⵅⵓ ⵏ ⵓⴷⵡⴰⵍ ⵏⵏⵙⵏ ⵉ ⵜⵓⵎⵔⵜ

14 ⵢⵓⵏⵢⵓ 2021 Version Imprimable

ⴱⴰⵔⵉⵣ - ⵙⵏⵓⴱⴳⵏ ⵉⴼⵔⴷⵉⵙⵏ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴼⵕⴰⵏⵚⴰ ⵙ ⵓⵙⴳⵓⵏⴼⵓ ⴰⵎⵇⵇⵕⴰⵏ ⴷ ⵜⴰⵏⵎⵉⵔⵜ ⵜⵖⴱⵉ ⵉⴷⵏ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵜⵉⵏⴱⴰⴹⵉⵏ ⵜⵙⵎⵉⴳⵍⵏ ⴽⵛⵛⵎⵏ ⴳ ⵉⴳⵔ ⵏ ⵓⵙⵙⴰⵢ ⵏ ⵜⵡⵓⵔⵉ ⵏ ⵉⵙⵙⵔⵅⵓ ⴷ ⴰⴷⵡⴰⵍ ⵏⵏⵙⵏ ⵉ ⵜⵓⵎⵔⵜ ⴳ ⵉⵜⵉⴳⵏ ⵉⴼⵓⵍⴽⵉⵏ ⴷ ⵉⵎⵙⴽⴰⵔⵏ ⵏ ⵜⵎⵏⵍⴰⵢⵜ ⴷ ⵉⴳⵔⵏ ⵏ ⵓⵙⵙⴰⵢ ⴷ ⴰⵙⵏⵙⴰⵏ ⴷ ⵜⵜⵜⵢⴰⵎⴰⵣ ⵏ ⵉⵎⴰⴽⵏ ⵉⵅⵚⵚⴰⵏ ⵏ ⵓⵙⵏⵓⴱⴳ ⵏ ⵉⵎⵖⵔⴰⴱⵢⵉⵏ ⴳ ⵓⵎⴰⴹⴰⵍ ⴳ ⵜⵙⵓⵜⵍⵏ ⵉⴼⵓⵍⴽⵉⵏ .

ⵎⵍⴰⵏ ⵉⵎⵖⵔⴰⴱⵢⵉⵏ ⴳ ⴼⵕⴰⵏⵚⴰ ⵓⵎⵎⴰⵣ ⵏ ⴰⴷⴷⵓⵙ ⵉ ⵜⵓⵎⵔⵜ ⵜⴰⵢⵜⵎⴰⵜ ⵣⵓⵏⴷ ⴰⴽⴽⵯ ⵉⵎⵖⵔⴰⴱⵢⵉⵏ ⴳ ⵓⵎⴰⴹⴰⵍ ⴷ ⵍⴼⴰⵅⵔ ⴷ ⵜⵔⵏⵓⵏⵜ ⵏ ⵓⵣⴷⵉⵏ ⴳ ⵜⵎⵓⵔⵜ ⵏ ⵜⴰⵢⵜⵎⴰⵜ ⴰⴼⴰⴷ ⵏ ⵓⵙⵖⴰⵡⵙ ⵏ ⵉⵔⵣⴼⵏ ⵙⵍⴰⵡⴰⵏ ⴰⴽⴽⵯ ⴳ ⵓⵣⵎⵣ ⵏ ⵓⵏⴱⴷⵓ ⵉ ⵜⵡⵊⴰ ⵏⵏⵙⵏ ⴷ ⵉⵣⵔⵉ ⵏ ⵉⵣⵎⵣⵏ ⵉⴼⵓⵍⴽⵉⵏ ⵓⵙⴰⵔ ⵜⵜⵓⵜⵜ .

ⵉⵣⴷⵉⵏ ⴰⴷ ⵉⵣⵔⵉ ⵙ ⵜⵙⵓⵜⵍⵏ ⵉⵛⵇⵇⴰⵏ ⴳ ⵓⵙⴰⵜⵉ ⵏ ⵓⴱⴰⵢⵢⵓⵕ ⴰⴳⵔⴰⵖⵍⴰⵏ ⵍⵍⵉ ⵢⵓⵊⵊⴰⵏ ⵉⵇⵇⵏ ⵏ ⵡⵓⵜⵜⵓ ⴷ ⵉⴽⴽⵯⵙ ⵏ ⵉⵣⵔⵉⴳⵏ ⵙⵡⴰⵏ ⵡⴰⴹⵓ ⵏⵖⴷ ⵓⵍⴰⵢ ⵎⴰⵢⴰⴷ ⵢⵓⵊⵊⴰⵏ ⵢⴰⵏ ⵡⴰⴷⴷⴰⴷ ⵓⵔ ⵉⵃⵍⵏ ⴳ ⵜⴰⵎⴰⵏ ⵏ ⵉⵎⵖⵔⴰⴱⵢⵉⵏ ⵏ ⵓⵎⴰⴹⴰⵍ ⴷⴰⵜ ⵏ ⵜⵙⴳⵓⵔⵉ ⵏ ⵜⵔⵏⵓⵏⵜ ⵏ ⵉⵏⵎⴰⴷⴷⴷⵓⵏ ⴷⴼⴼⵉⵔ ⵏ ⵉⵙⴼⵓⴽⵍⵉ ⵏ ⵡⴰⴷⴷⴰⴷ ⵏ ⵓⴱⴰⵢⵢⵓⵕ ⴰⵏⴰⵣⵓⵔ ⴰⵎⴰⵢⵏⵓⵏ ⵓⵔ ⵓⵓⵊⴰⵏ ⵉⵜⵉⴳⵏ ⵉⵖⵍⴰⵏ ⵏ ⵜⵡⵔⵇⵉⵜ ⵏ ⵓⵏⵎⴰⴷⴷⵓ ⴳ ⵡⴰⴹⵓ ⴷ ⵓⵍⴰⵢ ⴷⴼⴼⵉⵔ ⴰⴷ ⵢⵓⵛⴽⴰⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⴽⴰⵢⵜ ⴰⴼⵓⵍⴽⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%A2%E2%B5%89%E2%B5%8F-%E2%B5%A3%E2%B4%B7%E2%B5%96%E2%B5%8F%E2%B5%89%E2%B5%8F-%E2%B4%B3-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B5%99%E2%B5%8E%E2%B5%96%E2%B5%94%E2%B5%8F-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%89%E2%B5%99%E2%B5%99%E2%B5%94%E2%B5%85%E2%B5%93-%E2%B5%8F-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B5%8F%E2%B5%8F%E2%B5%99%E2%B5%8F-%E2%B5%89-%E2%B5%9C%E2%B5%93%E2%B5%8E%E2%B5%94%E2%B5%9C%C2%A0