ⵔⴰⴷ ⵜⵙⵎⵏⵉⴷ ⵜⵔⴰⴱⴱⵓⵜ "ⵜⵉⴼⵙⵉⵡⵉⵏ" ⵏ ⵓⵎⵣⴳⵓⵏ ⴰⵎⴰⵣⵉⵖ ⴳ ⵍⵃⵓⵙⵉⴰ ⴰⴼⵙⴰⵔ ⵏⵏⵙ "ⵛⴰⵟⴰⵕⴰ" ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⵙⵙ ⵏ 18 ⵢⵓⵏⵢⵓ ⵢⴰⴷ

08 ⵢⵓⵏⵢⵓ 2021 Version Imprimable

ⵍⵃⵓⵙⵉⵎⴰ - ⵜⵙⴳⵓⵔⴰ ⵜⵔⴰⴱⴱⵓⵜ "ⵜⴼⵙⵉⵡⵉⵏ" ⵏ ⵓⵎⵣⴳⵓⵏ ⴰⵎⴰⵣⵉⵖ ⴳ ⵍⵃⵓⵙⵉⵎⴰ ⵎⴰⵙ ⵔⴰⴷ ⵜⵙⵎⵏⵉⴷ ⴰⴼⵙⴰⵔ ⴰⵎⵣⵡⴰⵔⵓ ⵏⵏⵙ ⵏ ⵜⵡⵓⵔⵉ ⴰⵎⵣⴳⵓⵏ ⴰⵎⴰⵢⵏⵓ "ⵛⴰⵟⴰⵕⴰ", ⴰⵙⵙ ⵏ ⵓⵙⵉⵎⵡⴰⵙ 18 ⵢⵓⵏⵢⵓ ⴳ ⴰⵎⵣⴳⵓⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ.

ⵜⴼⵔⴰ ⵜⵏⵏⴰ ⵜⵔⴰⴱⴱⵓⵜ ⵜⴰⵎⵣⴳⵓⵏⵜ, ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵍⴽⵎⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙ ⵜⵎⵣⴳⵓⵏⵜ ⴰⴷ ⵜⵓⵛⴽⴰⴷ ⴷⴼⴼⵉⵔ ⵏ ⵜⵎⴷⵔⴰⵡⵜ ⴳⵔ ⵜⵔⴰⴱⴱⵓⵜ ⴷ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵓⵙⴳⴳⵯⴰⵙ ⴰⵎⵣⴳⵓⵏ 2019/2020, ⵎⴰⵛⴰ ⵜⵙⵓⵜⵍⵉⵏ ⵉⵣⴷⵉⵏ ⴷ ⵓⴱⴰⵢⵢⵓⵕ ⵏ "ⴽⵓⴼⵉⴷ-19" ⵓⵔ ⵓⵊⵊⴰⵏⵜ ⴰⵙⵎⵏⵉⴷ ⵏⵏⵙ ⴳ ⵓⵏⵎⵓⵇⵇⴰⵔ ⵉⵜⵜⵢⵓⵔⴰⵏⵏ ⵢⴰⴷ ⵍⵍⵉ.

ⵉⵏⵏⴰ ⵡⵙⵉⵡⴹ ⵎⴰⵙⵙ ⵓⵏⵎⵀⴰⵍ ⵏ ⵜⵔⴰⴱⴱⵓⵜ "ⵜⵉⴼⵙⵉⵡⵉⵏ" ⴼⵓⴻⴰⴷ ⵍⴱⵏⵓⴹⵉ ⵉⵏⵏⴰ ⵎⴰⵙ ⵜⵔⴰⴱⴱⵓⵜ ⵜⵡⵡⵓⵔⵉ ⴰⵎⵎⴰⵙ ⵏ ⵉⵣⵎⵣⴰⵏ ⵉⴱⴹⴰⵏ ⴰⴷ ⵜⵙⵙⵓⵊⴷ ⴷ ⵜⵙⴱⵖⵍⵓ ⵜⵡⵓⵔⵉ ⵜⴰⵎⵣⴳⵓⵏⵜ ⴰⴷ, "ⵎⵇⵇⴰⵕ ⵏ ⵜⵎⵓⴽⵔⵉⵙⵜ ⵜⴰⵜⵉⵇⵏⵉⵜ ⵜⴰⵏⴰⵥⵓⵕⵜ ⵍⵍⵉ ⵢⵙⵙⵏ ⵉⴳⵔ ⵏ ⵜⴷⵍⵙⴰ ⴳ ⵓⵣⵎⵣ ⵉⵇⵇⵕⴱⵏ ⵓⵙⴳⴳⵯⴰⵙ ⵏ ⵓⵣⴳⵏ ⵙⴳ ⵓⴱⴰⵢⵢⵓⵕ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%9C%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B5%89%E2%B4%BC%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%8E%E2%B5%A3%E2%B4%B3%E2%B5%93%E2%B5%8F-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%8D%E2%B5%83%E2%B5%93%E2%B5%99%E2%B5%89%E2%B4%B0-%E2%B4%B0%E2%B4%BC%E2%B5%99%E2%B4%B0%E2%B5%94-%E2%B5%8F%E2%B5%8F%E2%B5%99-%E2%B5%9B%E2%B4%B0%E2%B5%9F%E2%B4%B0%E2%B5%95%E2%B4%B0-%E2%B4%B3-%E2%B5%93%E2%B5%8E%E2%B5%A3%E2%B4%B3%E2%B5%93%E2%B5%8F