ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ "ⵉⴷⴷⵓⵔⵏ" ⵏ ⵓⵕⵓⴱⴱⴰ ⴷ ⴼⵕⴰⵏⵚⴰ ⴳ ⵜⵎⵙⴰⵔⵜ ⵏ ⵜⵣⵡⴰⴳⵜ ⴷ ⵜⵏⴼⵔⵓⵜ (ⴰⴳⵔⴰⵡ ⵏ ⵜⵉⴷⴷⵓⴽⴽⵯⵍⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⵉⵚⵜ)

03 ⵢⵓⵏⵢⵓ 2021 Version Imprimable

ⴱⴰⵔⵉⵣ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⵏ ⵜⵉⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⵚⵉⵚⵜ-ⵜⴰⵎⵖⵔⴰⴱⵉⵜ ⴳ ⵜⵎⵙⵎⵙⵓⵏⵜ ⵜⴰⵏⴰⵎⵓⵔⵜ ⴷ ⵍⵎⵓⴼⴰⵡⵡⴰⴹ ⴳ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵎⵚⵟⴰⴼⴰ ⵍⵄⴱⵉⴷ, ⵎⴰⵙ ⵉⴳⴰ ⵍⵎⵖⵔⵉⴱ ⴷⴰⵔ ⵓⵕⵓⴱⴱⴰ ⴷ ⴼⵕⴰⵏⵚⴰ ⵢⴰⵏ ⵓⵎⴷⵔⴰⵡ "ⵉⴷⴷⵓⵔⵏ" ⴳ ⵜⵖⴰⵡⵙⵉⵡⵉⵏ ⵏ ⵜⵎⵙⴰⵔⵜ ⵏ ⵜⵣⵡⴰⴳⵜ ⴷ ⵓⵙⴱⵉⴷⴷ ⵏ ⵓⴱⵔⵙⴳⵉⴷ.

ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴰⵔⵜ ⵏ ⵜⵣⵡⴰⴳⵜ "ⵉⵣⵓⵍ" ⵎⴰⵙⵙ ⵍⵄⴱⵉⴷ ⴰⵍⵜⵖ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵎⵎⴰⵙ ⵏ ⵜⵖⵜⴰⵙⵜ ⵉⴳⴳⵯⵔⴰⵏ ⵏ ⵓⵎⵙⴰⵙⴰ ⵏ ⵓⵙⵇⵙⵉ ⵏ ⵉⵎⵣⵢⴰⵏⵏ ⵓⵔ ⵉⵎⴰⵏⵏ ⴷ ⵜⵡⵊⵊⴰ ⵏⵏⵙⵏ ⴷ ⵉⵍⵍⴰⵏ ⴳ ⵓⴷⴷⴰⴷ ⵓⵔ ⵉⵙⵍⴳⴰⵏⵏ ⴳ ⴽⵔⴰ ⵏ ⵜⵎⵉⵣⴰⵔ ⵏ ⵓⵕⵓⴱⴱⴰ.

ⵉⵙⴰⵡⵍ ⵓⴱⵕⵍⴰⵎⴰⵏⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵅⴼ ⵓⵎⵢⴰⵡⴰⵙ "ⵉⴼⵓⵍⴽⵉⵏ" ⵉⵍⵍⴰⵏ ⴳⵔ ⴼⵕⴰⵏⵚⴰ ⴷ ⵜⵉⵏⴱⴰⴹⵉⵏ ⵜⵉⵎⵖⵔⴰⴱⵉⵏ ⴳ ⵓⵙⴷⴰⵡ ⴰⴷ, ⵉⵏⵏⴰ ⵎⴰⵙ ⵉⵎⵍⴰ ⵖⵉⴽ ⴰⵏⵏ ⵉⵔⵉⵎ ⵏ ⵢⴰⵏ ⵓⵏⴳⵔⴰⵡ ⵏ ⵜⵡⵙⵉ ⵉⵛⵛⴰⵔⵏ ⵉⵜⵜⵓⵙⴽⴰⵔⵏ ⴳ ⵓⵙⴳⴳⵯⴰⵙ ⵏ 2018, ⴷ ⵉⵙⴷⴷⵉⴷ ⵎⴰⵙ ⵉⵍⵜⵖ ⵙ ⵢⴰⵜ ⵜⵡⵍⴰⴼⵜ ⵜⴰⵎⵇⵕⴰⵏⵜ ⵜⵎⵙⴰⵔⵜ ⵏ ⵉⵎⵣⵢⴰⵏⵏ ⵓⵔ ⵉⵟⵟⵉⴼⵏ ⵜⵡⵊⴰ ⵏⵏⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B4%B3%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8E%E2%B4%B7%E2%B5%94%E2%B4%B0%E2%B5%A1-%E2%B5%89%E2%B4%B7%E2%B4%B7%E2%B5%93%E2%B5%94%E2%B5%8F-%E2%B5%8F-%E2%B5%93%E2%B5%95%E2%B5%93%E2%B4%B1%E2%B4%B1%E2%B4%B0-%E2%B4%B7-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B4%B3-%E2%B5%9C%E2%B5%8E%E2%B5%99%E2%B4%B0%E2%B5%94%E2%B5%9C-%E2%B5%8F-%E2%B5%9C%E2%B5%A3%E2%B5%A1%E2%B4%B0%E2%B4%B3%E2%B5%9C-%E2%B4%B7-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B5%8F